انا فتاة عمري 25 معلمه تقدم لخطبتي صديق اخي خلوق ومحترم وطيب عمره 30 وغير جامعي لكنه مدخن وانا اكره التدخين وما اتصورت بيوم اني راح اتزوج مدخن بعد تردد كبير وافقت على اساس اني اساعده بتركه وحصلت النظره الشرعيه قبل يومين لكن سبحان الله من بعدها ماحسيت باي راحه واحس بضيقه خلق ودي ابكي بس ماقدرت يمكن ارتاح وانا يتيمه اب من عمري 10 سنوات مرت علي لحظات تمنيت ان ابوي بس اكثر من هالموقف ماحسيت.

قبل الرؤيه احساسي عادي لكن بعد ماشفته نحيف جدا وقصير يمكن طولي 160 لكنه نحييف واحس من التدخين ماثر عليه مره وفمه اسووود منه. وهو رد بالموافقه من بكره

وين المشكله؟؟؟

قلت يوم شفته ما ارتحت يمكن علشان جسمه لاتفكرون اني اتمنى اتزوج وسيم لاوالله لكن واحد عدي بس عالاقل لما اوقف جنبه احس برجولته هذا لكن انا البنت الوحيده لاهلي ومع ذلك اواجه ضغط من اخوتي بكره راح تعنسين وبكره يجيك امامطلق او ابو عيال ولاتتشرطين ولو رفضتيه راح تتندمين مع انه الحمدلله انخطب وكل اللي بعمرك تزوجوا وجابوا عيال ايش تنتظرين وراح ترفضين علشان دخان يمكن تاخذين احد يشرب خمر وما عنه من السؤال هل تضمنين راح يتقدم لك واحد احسن منه؟كلام يخلي الواحد ينهار نفسيا ويحسسني ان هذا اخر رجل بالعالم مع اني اخذت راي وحده ثقه قالت كثير يتمنونك ومايستاهلك واصبري تاخذين واحد احسن منه ان شاء الله وقالت لو الله كاتبه لك كان ماتشوفين الجسم حجه.

هل انا عانس؟؟؟ هل عدم راحتي هذا شي طبيعي لدرجه انه اثر على نفسيتي ونومي واكلي واستخرت بعد الرؤيه وماحسيت براحه مع اني قبل الرؤيه كنت عادي ومتقبله الموضوع

اتمنى من يقرا كلامي يرد علي بصراحه وبدون مجامله لاني ما اتصور اني راح انجرح اكثر من كذا

ولاتنسوني من دعائكم جزاكم الله خيرا