مساءالخيرجميعا

حصلت لي مشكله قبل يومين مع زوجي ساعدوني اناتعبانه جداوماقدراتحمل

زوجي تغير180درجه اناماأدري وش اللي غيره علي مع انه في بدايه زواجنا كان يحبني لحدالجنون والحين تغير طبعا

كانت بيننا مشاكل في بدايه زواجنا لكن خلافات بسيطه واكيدكل بيت مايخلى من المشاكل وكنا نتزاعل يومين ونرجع

لبعض لكن هالمره غير.أهله كانت عندهم حفله بمناسبه نجاح بنتهم الصغيره وقلت له يجيب لي كيك اواي شئ صعبه

اروح كذاماجبت لهم شئ وماأقدراسوي في البيت لأن في اغراض ناقصه.رفع صوته علي وقال روحي لهم ومامعك شئ

من فين اجيب لك مامعي فلوس.انازعلت وخليته.وطبعا مارحت لهم واليوم اللي بعده قلت له وديني السوق قال طيب.ودي

الولدعنداهلي وانابأنتظرك في السياره قلت ماأقدراوديه لهم واناماحضرت الحفله.بيقولون عندالمصلحه جت.قلت اكيد

مثل كل مره بيجي ياخذالولدويوديه لأهله.طنشني وارسل رساله يقول الشرهه على من يوديك السوق مره ثانيه.وانا

جلست ابكي واصيح واكلم نفسي ليش تغيرعلي اناماسويت له شئ ماعمري رفعت صوتي عليه.وهويسبني ومره لعن

ابويه وضربني وندم انه ضربني واعتذرمني لكن بعدايش بعدماجرحني.واليوم اللي بعده قلت له وديني السوق قال طيب

وكان موجودفي البيت ولاوصل الولدلأهله قال لي وديه انتي.وأخذت الولدمعاي قال ليش ماتودينه لأهلي ليش انتي

تكرهين اهلي ونزلني من السياره يقول والله ماتروحين السوق واهانني واناماقدرت اتحمل اهانته رفعت صوتي وسبيته

ودعيت عليه وقلت اذاماتبغاني طلقني.اناوش سويت عشان تكرهني.تخيلوا اخذجوالي واخذتليفون البيت عشان ماكلم

أختي لأنهامعي في نفس المنطقه واهلي بعيدين عني.وكسرجوالي واخذالشريحه معاه يقول انادلعتك كثيرلكن انتي

ماتستاهلين الدلع والله لأوريك العين الحمرا.وانا ابكي واصرخ بأعلى صوتي اكرهك ياغدارياوحش وطلع من البيت

وجلست لوحدي في البيت وولدي الصغيريطالع فيني بأستغراب.وقال لأمه روحي شوف المره منهاره قالت امه تعبانه

قال مدري وشوي دخلت امه واناجالسه ابكي وقلت لهاكل اللي سواه فيني ولدهاواذا استمركذا ماأبغى اعيش معاه

تعبت والله ماأدري ايش اسوي.مين يوديني السوق اذا هورفض وبعدكم يوم مسافره لأهلي وابغى ادق على أختي بس

كيف ادق عليها.وش رأيكم اقول لأهلي عشان يضع حدلعصبيته الزايده.صرت أخاف منه وماابغى اطالع في وجهه. صار

وحش.والله اني مظلومه معاه وهومايبغاني ابررموقفي يطلعني دائما انا الغلطانه.كيف اعيش مع انسان مايحبني.من

ناحيتي ماأحمل في قلبي اي مشاعرللحب لأنه دمرني ودمرنفسيتي.

يالله اتذكربدايه ماشاركت في المنتدى ولما كنت اقرأالمشاكل اللي تصيربين الأزواج كنت اقول مستحيل تصيربيننا

وهاأنا اليوم اشكي همي يمكن الاقي الحل عندكم.

ساعدوني تكفون كيف اخليه يرحمني كيف ارجعه مثل ماكان مع العلم بقي شهرويمرعلى زواجنا سنتين.وانا باروح

لأهلي بأجلس عندهم شهرونصف لأنه بيشتغل في الأجازه ويصيردوامه في الليل والنهار ماعندوقت يتفرغ لي انا وولدي

والعام كمان نفس الشئ عمله لما رحت لأهلي عشان أولد.

تتوقعون بيتغيراذا ابتعدت عنه ويبطل هاالحركات والابيقول فكه مني.

معليش طولت عليكم لأن مالي الاانتم اشكي همي لكم.زين انه مامنعني بعدعن الأنترنت.

روحي عند اهلك وربي ليش تسكتيلو من الاول ضلي منيحة حتى توصلي عند اهلك بعدين لا تفرجي انك ما بتستغني عنو خلي يعرف انو لكل اشي في حد

__________________

اقتباس:

روحي عند اهلك وربي ليش تسكتيلو من الاول ضلي منيحة حتى توصلي عند اهلك بعدين لا تفرجي انك ما بتستغني عنو خلي يعرف انو لكل اشي في حد

كلام صحيح ، أختي للأسف أكثر الرجال كذا في بداية الزواج شكل ، ولما تخلص فترة الطفة شكل ثاني ..
يعني باختصار يطلع على حقيقته وتخلص فترة المجاملات والرومانسيات والتمثيل ..


أختي إذا كنت تشعرين أن زوجك أخطأ عليك ، وأنا بصراحة أراه أخطأ خطأ عظيم يوم ضربك ، وإذا كنت تعرفين أنك لاتستحقين الضرب ، وضربك على شئ لايستحق الضرب ..


أنصحك تضعين حدا لتهوره واستبداده ، ونصيحة لاتنجبين مرة ثانية لين تستقر أموركم وتعرفين كيف تحلين مشاكلك معه ..


وأقترح عليك إنك تذهبين إلى أهلك ، بدون ماتخبرينهم اللي حصل ، بس علميهم إنه صارت مشكلة وإنه آذاك ، وخلي الوالد يكلم زوجك ويعطيه كم كلمة في العظم .. وصدقيني راح يتأدب ..

وحكاية إنه يضربك وياخذ جوالك ويحرمك من التلفون ماينسكت عليها أبد ..


الرجال لاشاف الحرمة ضعيفة وماوراها ظهر استضعفها واستقوى عليها ونسي قوله صلى الله عليه وسلم (أحرج عليكم حق الضعيفين المرأة واليتيم) ....ونسي قوله(خيركم خيركم لأهله) ..

أختي الكريمة :

الحمد لله المشاكل التي حدثت بينك وبين زوجك تعد من المشاكل الوقتيه التي تحدث لظروف تحدث لأحدكما أو كليكما ، ثم تنتهي في وقت آخر مع زوال الظروف ، فمشكلتكما ليست من المشاكل التي تستعصي الحل ، وأتوقع أنها ستحل مع مرور الوقت لزوال أسبابها إن شاء الله ، وما أراه حسب ما قرات من موضوعك أن هناك ظروف يعاني منها زوجك قد ساعدت في عصبيته فيغضب لأتفه الأمور ، أو أن هناك احتمال آخر ضعيف وهو أنه جلس مع رفاقه وتكلموا عن التعامل مع الزوجات ونفخوه من غير أن يقصدون ، فكل يدعي مالا يفعله في بيته ثم جاء زوجك ليكون عنتر زمانه في البيت.

أرى أن تكوني أكثر حكمة ودهاء من زوجك ، فتحلي بالصبر والصمت هذه الأيام وتنازلي عن هذه الأمور وكأنها لم تحدث فتضيفي إلى رصيدك في التعامل مع زوجك لك حسنة سوف يذكرها لك زوجك بعد حين ، لا سيما إذا سافرت بعد فترة لأنه في ذلك الوقت سيحس بفقدك ، ومع طول الوقت يحدث الشوق ، ومع الشوق يتذكر تعاملك معه كيف كان فيجده إيجابيا فيزداد لهفة إلى عودتك وتنتهي هذه المشكلة بإذن الله ، ثم تأتي مشكلة أخرى من التوافه وهكذا تسير الأمور في بيوتنا جميعا .


بالنسبة لهذه العبارة التي قلتيها :

"تتوقعون بيتغيراذا ابتعدت عنه ويبطل هاالحركات والابيقول فكه مني" .

نعم يتغير إذا لم تكوني عنيدة وتعصبينه على طول . " ، لكنه سيقول فكه منها إذا علم أن وجودك مرتبط بالمشاكل ووجع الرأس ، فاستغل لاأيام قبل سفرك واجعلي ارتباط وجودك معه بالطيبة والمعاملة الحسنة.

__________________
https://soundcloud.com/abo-faisal-9/...5-wa0024-mp3-1

مشكورين على الردودوخاصه الأخ الشقه بصراحه كلامك ريحني كثيرلأني ابغى اسوي شئ يحببني من زوجي

وانا نفسي اقول لأهلي عشان يضع حدللموضوع هذا.لكن اناشايله هم امي مابغاها تجلس تفكروتقول بنتي مومرتاحه

في حياتهالأن امي ندمانه انهازوجتني واناماخلصت كليتي لأن اخواتي اللي اكبرمني تزوجوابعدالكليه.وكانت شايله

هم اني اترك دراستي لكن وعدت امي ماأتركها تحت اي ظرف من الظروف عشان اريح امي والحمدلله بقي لي سنه

واتخرج بأذن الواحدالأحد.وخايفه اقول لأهلي وبعدين هويتغيرعلي والله محتاره.لكن اختي الكبيره صارلها مشكله

مع زوجها وماسكتت له علمت اهلي عليه وابويه كلم زوجهاواليوم الثاني اخذها والحين معاها زي السمن على العسل

لكن اليوم احس انه هادئ ويحاول يراضيي لكن مش عارف كيف وقلت له جيب التليفون ابغى اكلم اختي قال طيب وجاب

التليفون ودقت علي اختي تقولي تعالي عندي طفشانين.قلت باشوف زوجي وبعطيك خبر وكلمته قلت ودني لأختي

هوخاف قال ليش ؟قلت طفشانه ابغى اتسلى معهاشوي قالي طيب دقايق واناعندك مع العلم انه كان في الدوام.ويضحك

معي بس اناثقيله معاه اضحك شوي واسكت لأن اللي سواه فيني موهين ومستحيل انسى بسرعه.

انتم وش رأيكم فيه تحسون انه ندم على اللي سواه والاخايف اعلم اهلي.مع انه والله مش مقصرمعاي ابدا لكن اذا عصب

يصيرانسان ثاني.

عزيزتي فوز ... هدي أعصابك ..وارتاحي أولا قبل اتخاذ أي قرار .

أختاه ..على ضوء ما قرأت في موضوعك فزوجك لا يزال باقيا على حبك ..والدليل ..
أنه وافق على طلبك ((الذهاب للتسوق )) في يومين متتاليين ..( بالرغم أنك لم تذهبي .ولكنه أبدى موافقته)
لا حظي أنه لم يقبل أن يشتري هدية لأخته لأنه لا يملك المال وفي اليوم التالي .. يوافق على ذهابك للتسوق (( على افتراض أنك من سيدفع ))
الشئ الثاني ... أنه بعد أن أهانك وأخذ الجوال والتلفون لم يتركك وحيدة وإنما لجأ الى أمه وأخبرها بأنك متعبة ..
ولو كان لا يحمل لك حبا لما كلم والدته ..
أنا معك بأن اسلوبه فظ وتعامله سئ وغير مقبول ولكنه يبدو أنه يتصرف تحت ضغط ما ...
حاولي أن تكوني هادئة معه واسأليه لم كون في داخله فكرة بأنك لا تحبين أهله وذكريه بأنك وددت شراء هدية لأخته ... كوني حليمة معه .. ابتسمي ..وأبلغيه مشاعرك الطيبة قبل سفرك ..
وممكن أن تخبريه في ساعة صفا أن تصرفه لم يكن مقبولا وانه إذا استمر في علاقته تلك ممكن أن يولد فجوة بينكما ...
أسأل الله أن يرجع زوجك الى حاله الأول وأفضل ...صدقيني ((ما هي الا شدة وتزول ))

تحياتي ..أختك أم البنين

__________________

معقوله في امرأة عاقله تخلق مشكله علشان سوق ..وتطلب الطلاق وتحرم نفسها من رائحة الجنة عشان سوق

كيف يكون عاقل من باع الجنة بسوق .. وتغضب زوجها عشان سوق .. وتضعهه دليل لكره زوجها لها ..

فكر بعقلك بكره لا تطلقت ما ينفعك من يألبك في المنتدى ..وأنت الخسران الوحيد .. وزوجك ريح راسه من حرمه

تطلب طلاق علشان سوق ..

__________________

قال ابن الجوزي لأهل زمانه :
أيها الناس ..
لقد دارت رحى الحرب ، و نادى منادي الجهاد ، و تفتحت أبواب السماء ، فإن لم تكونوا من فرسان الحرب ،
فافسحوا الطريق للنساء، يدرنَ رحاها ، و اذهبوا و خذوا المجامر والمكاحل يا نساء بعمائم و لحى .

اختي ا ستهدي بالله لازلت في مقتبل الحياه الزوجيه
و فيها الكثير من المد و الجزر

ما حصل بينك و بين زوجك
امر اعتيادي
حاولي ان تلطفي الجو قبل سفرك اعتقد ما يقلق زوجك ابتعاده عنك و عن طفلكما و هو ما يجعله يتصرف بعصبيه و يفقد السيطره على اعصابه
اجعلي الايام المتبقيه لك قبل سفرك
ذكرى جميله و كلماتك تحفر في ذاكرته
حتى تنالين

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

الأخ جمر اناماسويت كذاوالاطلبت الطلاق علشان السوق هومن زمان عصبي وكلامه بذئ وانامتحملته وصابره لكن انه يحرمني من التليفون والجوال ماله اي حق في ذلك.يعني مومعقول وحده عاقله تطلب الطلاق عشان السوق.عموما الحمدلله صارهادئ ويحاول يلطف الجومعي.وبصبرعليه.