السلام عليكم ،،،،
اخواني ، قبل اربعة ايام تقريبا جاني اتصال من رقم ما اعرفه رديت لكن المتصل
كان ساكت و سكرت الخط ، بعد يوم اتصل نفس الرقم وصار نفس الشي ما احد تكلم
ارسلت رساله سألت المتصل من يكون ؟
وجاني الجواب (( انا بنت عمك من بعيد ، وانا من زمان اسئل عنك وعن اخبارك )) ،
المهم طلبت اني اكلمها وصار اللي بغيت ، لكن اللي فاجأني انها صح بنت عمي لكن بنت
عمي لزم يعني ابوها اخوي ابوي والبنت اكبر مني بسنه وحده ، وكانت تاخذ اخباري من
عمتي – عمتنا – اللي انا متأكد انها ماعندها خبر بالموضوع ، المهم قصد البنت واضح ومثل ما كنت متوقع ( طبعا هي ما قالتها صريحه) اللي هو الزواج .
الكلام هذا كله صار امس الجمعه ، انا احس اني مصودم وما ادري وش اقولها انا ما عمري
فكرت اصلا اني اتزوج من قرايبي ، و انا مش رافض موضوع الاقارب .
من يوم اللي صار الموضوع وهو شاغل تفكيري 100% و ما ادري وش اسوي ، ابي
نصيحتكم الله يخليكم .


اخوكم / الفصول الأربعه

والله نصيحتي لك اذا كنت تعرف أخلاقها وادبها وواثق منها ومن اهلها
فتوكل على الله

أنصحك بالإستخارة قبل إتخاذ أي قرار

شكرا على مرورك اخوي ابو باسم .

واطمع بالمزيد من النصائح .

Meeso55 جزاك الله خير و شكرا عى المرور

بانتظاركم .

اخي الكريم الفصول الاربعه
السلام عليكم
اولا هي بنت عمك و لزم كمان ( يعني انت احق بها )
وهمك لو يبي يزوجها يستشيرك
كما انك تعرف عمك و تربيته

اذا البنت على خلق و دين
وشكلها ترتاح له
فاعقلها و توكل



تحياتي

__________________

اخوي عندنا احنا الرجل هو اللي يدور البنت ويختارها ، مو العكس
وكمان من كرامة المرأة انها ماتعرض نفسها على الرجل ولو كان للزواج ،
واخاف ان طريقة الزواج هذه تؤ}ثر عليكما مستقبلا
ولكن اؤكد ان لكل مجتمع عاداته وتقاليده .
واهم شي انت فكر واسال وانت لك القرار واذا الموضوع مناسبك توكل على الله وترا سنة وحدة ماتفرق..

البنت طايحة عليك فلا تخذلها بس تأكد من دينها

تحياتي

انا من رأي فواحة الامل بالاضافه عليك بالاستخارة

وياخي بما انها قصدتك فلا تردها ما دامت على دين وخلق والله بيوفقك وبالنسبة لفارق العمر مو مشكلة فرق سنة
وياخى الشرع احل ثلاثة يعنى تقدر تزوج ثانية وتعيش حياتك عادية
الله بيعينك ولا تنسى الاستخارة والاستشارة من اهل الخبرة

اسال الله العظيم ان يسدد خطط

__________________
إدعو لي ان يرزقني الله الرزق الحسن . والزوجة الزوجة الصالحة واسال الله العظيم ان تقول الملائكة : امين ولك مثل ذلك .