السلام عليكم ورحمة الله وبركاته

سؤال ماذا لو لا قدر الله اصيب زوجك سواء في حادث او غيرة وفقد بذالك قدرة
الجنسية ولم يستطع اعطائك حقك الشرعي وانتم مثلاً متزوجين نقول من 10 سنوات او 11سنه وعندكم ولد
او ولادين هل تطلبين الطلاق وتكملي مشوارك مع رجل اخر او تتحملين عشان الاولاد والعشرة

شاكر لكم وتقبلو تحياتي وكل عام وانتم بخير

ان شاءالله الله لا يقدر يصير هالشي .....

بس اذا صار طبعا ما بتهون لي العشرة واطلب الطلاق واترك عيالي عشان هالسبب فقط ... طبعا بعيش معاه وما بحسسه بهالشي ...
وانا حاليا ما عندي عيال الله ما رزقني

استغربت كثير من هالسؤال !!!
وفكرت كثير واحترت وتعبتني الحيره لانه بجد سؤال صعب وموقف اصعب !!!!
وقررت اني اسجل واحط رايي بس بجد مافكرت وش يكون ردي !!!
بس لمن تخيلت الموقف عدل وحطيت نفسي فيه لقيت نفسي بين موقفين الاول هو:
إذا كان زوجي مومهتم فيني يعني كأن الامر قضاء وقدر ولازم اصبر عليه لانه مريض وابتلى رغم عنه وخلاص انا مو
مهتم فيني او حتى حاس بتأنيب الضمير صراحه ماراح اسكت عنه يعني اتوقع راح أأذيه واعايره بانه عاجز
واني شابه وابي زوج يريحني ويشبع غريزتي وانت عاجز ومو قادر تشبع غريزتي
وراح أكرر اكثر من مره بان فلانه متزوجه ومستانسه وعايشه حياتها مع زوجها مو مثلي !!!!
وفلانه حامل وفلانه ..... الخ
صراحه راح احسسه بانه مقصر واني حاسه بنقص ويمكن امصخها واخليه يحس اني ممكن من الحرمان اسوي شي!!
وأنه هو السبب واللي خلاني الجأ للغلط !!
وكل هذا علشان يتادب بس !! ويحس فيني !!
ومثل ماهو مو مهتم لازم اخليه يحس بالعجز وانه مقصر وراح اعذبه لانه اهملني
ويمكن في الاخير اطلب منه الطلاق للضرر وماظن راح يعارض او يتأسف علي !!
اما الموقف والتصرف الثاني هو:
إذا حسيت أنه متاثر وانه حاس بانه مقصر بحقي وظالمني معاه او لمح اني لو ابي اتزوج اتزوج
وقتها راح احتضنه والمه وابوسه واقوله انت زوجي وحبيبي وتاج راسي وابو عيالي ومالي غنى عنك وراح اعيش معاك العمر كله
لاني احبك لذاتك وراح اعتبر ابتلاء الله لك هو ابتلاء لي وانا راضيه باللي صار لك وراح دايما ارفع من معنوياته
وبالمقابل اهو لازم يكون يعوضني باشياء ثانيه من حب ودلال وتلبيه لطلباتي مو لشي بس حتى احس ان وجودي معاه
مو خساره يعني مو انا ارضى بابتلاءه واتحمل اني اعيش مع رجل مايشبع غرائزي وهو يهملي ويقول خلاص راضيه
لا ...... لازم يعوضني باشياء ثانيه حتى اظل صامده معاه والا بيجي يوم احس اني اضحي بالفاضي واني بحاجه لرجل!!
وهذه الاوقات تكون وقت وجود الشهوه او عند الاحساس بالحرمان من اطفال
يعني باختصار ردة اي امراه تعتمد على زوجها اذا احبها واكرمها وحسسها انه مقصر معاها وكانت اهي بنت حلال
راح تتحمله وتصبر عليه والله بيعوضها
بس اذا كان مهملها ولا بعد يبيها تصبر عليه كانه شي اجباري هذا له تصرف ثاني من زوجته وماظن راح يتحمل الذل والاهانه اللي بتجيه
واسفه على الاطاله بس انا قلت رايي بكل صراحه

أختي صريحة جدا
لا أعتقد بأن الحياة الزوجية سوف تستمر بأسلوب المعاملة بالمثل ، إن أحسن أحسنا و إن أساء أسأنا
و لا أعتقد بأن الحياة الزوجية سوف تستمر فقط من أجل إشباع الغرائز ، ثم إذا فقد القدرة على إعطاء
زوجته حقها في الفراش طالبت بالطلاق حتى تبحث عن زوج يشبع رغبتها ، إذا هي من الأساس مو متحملته
ليش تصبر الين يصير عاجز ؟؟ يعني تطلب الطلاق قبل ما يصير ضعيف ؟؟

أنا من رأيي أصبر عليه و أتحمله لأنه بيكون أبو عيالي و ذخري و سندي طول هالسنين
متحمل طلباتي و معيشني أحسن عيشة ، ما راح اتنكر له يوم تدور عليه الدنيا ..
الله يحفظه و يخليه لي و يجمعني فيه دنيا و آخرة

السلام عليكم جميعا
بالنسبه لى انا اشوف ان العشره ماتقدر بثمن....ومالها اى مقابل.....الجنس اخر شى افكر فيه بمعنى ان الجنس شى ثانوى مواساسى ......وابتسامة زوجى ورضاه على عندى بالدنيا كلها لامال ولا جنس ولا ولا ولا اى شى ممكن يفرقنى عن هالانسان الطيب الله يخليه لى ان شاء الله.

صدى اصيله

انا اتوقع اني اصبر عليكم واتعب علشانه بس ما انكر اني اكيد راح امل منه وابكي لما احس اني ابي الشي الي ما يقدر يعطيني اياه


لكني والله متاكده ان لو انا صارلي المرض ان زوجي بيتزوج علي بعد مرور 3 شهور بالكثير


ويارب يحرسنا ويبعد عنا كل شر

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء

انا قلت رايي بكل صراحه وتخيلت نفسي في الموقف كنت اقدر اقول مثل الكلام اللي قلتوه
بس ماحبيت اكون مثاليه واقول بصبر واتحمل ومثل هالكلام ............
انا قلت بعيش الواقع واتخيله وبعيش الدور وتخيلت معاه ردة فعل زوجي في كل الحالات وبعدين شفت فيها ردي وش بيكون
وماحبيت اكذب على نفسي وعلى الرجال وبكل صراحه بقول شي يمكن الرجال اول مره يعارفونه
وهي أن أغلب الحريم ( مو كلهم ) عندها يموت زوجها او يصاب بعاهه تمنعه من القدره الجنسيه
ويصير عاجز جنسيا ولا انه يتزوج عليها !!!
لكن انا ماعندي مانع يتزوج علي وانا مخيره يا اوافق يا اخلعه ... راجع لي ..!
بس مابيه لا يموت ولا يصاب بعجز ولا يصيبه أي شي ابيه سليم ومعافى ....
وعندي انه يتزوج ثانيه ويظل يشبع غريزتي ولا انه يصيبه عجز !!
وطبعا لو صابه وانا كبيره أواتحمل او خلاص مافيني رغبه ماعندي مانع
بس اكون توني شابه وبحاجه للمتعه صعبه والله بالنسبه لي ( مادري عن باقي الحريم ) !!
ومو معناته ان المساله عندي جنس ولا هي شغلي الشاغل لكن مابي الحرمان !!
وبصراحه المعاشره بالنسبه لي مع زوجي تكون مره كل اسبوع واحيانا اكثر من اسبوع
يعاشرني ويشبع رغبتي واقول نعمه بالنسبه لي لانها جتني بوقت انا بحاجتها
و انا ماطلب كل يوم ولا شكيت من النقص !
بس اني انحرم منها نهائيا لا ............!! حرام وصعبه علي !!!!!
وما اقدر اقول بصبر !! المساله مو شهرين بصبر والا سنه وبعدين بموت او بتقوم الساعه !!
المساله سنين طويله !! وانا ماقدر اصبر!
وبعدين كان ممكن من البدايه اقول بطلب الطلاق للضرر والمحكمه بتوافق علي
بس ماتركب مو حلوه والزوج توه مصدوم بعجزه بس لمن الحرمه تنكد على زوجها
( طبعا المقصود الزوج اللي يعتقد ان الحرمه لازم تصبر ومو مقدر الرغبه اللي عند زوجته )
فهي لمن تنكد على زوجها واطفشه وقتها لو طلبت الطلاق مارح يتحسر عليها
ولا يندم عليها بعد اللي سوته يعني بيكون ضميره مرتاح اقل شي بيقول مافيها خير
ومابينت فيها العشره ولا بيتحسر عليها وخاصه اذا ماكن يتفهم طبيعة وحاجة المراه لاشباع رغبتها...

وبصراحه ليش محتجين على كلامي احنا الواحده فينا اذا تاخرت في الحمل صار شغلها موضوع الحمل
وصارت تنظر للحريم الحوامل بنظرة غبطه وحزن وتتمنى لو كانت مثلهم وينعكس حزنها على حياتها الزوجيه
ونفس الشي اللي ماتزوجت واللي زوجها مو مشبعها جنسيا تظل تحس بالحزن والحرمان ويبين عليها
ومهما صبرت بيجي يوم ولو بالغلط وبتلمح بانه مقصر معاها !!
ولو كان العكس بكل صراحه الزوج بيكلم زوجته وبيقولها انا رجال وعندي رغبه وانتي مصابه بعجز
تبيني اروح للحرام بيقولها كاش بدون مقدمات ومن حقه وماينلام
وانا عني بقوله تزوج من حقك ان صبرت علي فاجرك من الله وانطلبت قررت تتزوج من حقك
والله يصبري وياجرني على مصيبتي اما هو جزاه الله خير وكثر الله خيره اللي مخليني على ذمته
ومثل ماانا مارضى لنفسي اكيد ماراح ارضى على زوجي والحق حق .... !

و باختصار الشي اللي محرومين منه ياثر علينا ونظل نفكر فيه الا اذا حسينا بالامان وبالعوض من الحرمان
بشي ثاني من عاطفه وحب وحنان وكلمه حلوه والحرمه مايوديها ولا يجيبها الا الكلمه الحلوه
والحكمه تقول (( الطيب غلب الطبيب ))!!
واسمحووووووووولي على صراحتي .

كلام سليم


مو الجنس اللي يبعدني عن زوجي و نور عيني...

الله يخليه لي و يحفظه من كل شر.....





دووووووووت

__________________

هذا الموقف صعب جدا ومن اصعب المواقف التى تقع فيها الزوج
بكل التأكيد
ولكن الحل بيد الزوجة فقط وهو فى شقين
الاول ان كانت تستطيع ان تتحمل البعد عن الزوج دون ان تخشى على نفسها الفتنه والوقوع فى الحرام
فعليها بالاستمرار مع زوجها
اما الشق الثانى ان كانت ذات شهوة جنسية كبيرة ولاتستطيع حماية نفسها وهى بذلك ممكن ان لا تأمن على نفسها
الفتنة والوقوع فى الخطيئة فيكون طلب الانفصال اكرم للزوجة والزوج على حد السواء
اذا ما فائدة ان تحافظ الزوجة على مظهر بيتها من الخارج وهى ممكن ان تحطمة بالخيانة لا قدر الله
واخير ادعوا الله الكريم الا تقع زوجة فى مثل هذا الموقف الصعب
التوقيع
اخوكم اشرف الامام

فى كل الاحوال الزوج راح يتزوج على زوجته لو اصابها هذه النكسه ,,, لكن النساء ماشاءالله عليهم

واظن كمان عشان الرغبة الجنسيه عند الانثى اقل يعنى نشوف لو فتاه ف مقتبل العمر مات زوجها ومعها اطفال

ماتتزوج بعده وتظل عاكفه على تربية الاطفال ......... وانا لو بمكان هالزوجه ماراح اتخلى عن حبيبى وزوجى ووالد اطفالى

وراح احتسب اجرى عند الله .... وراح تظل معاملتى معاه مثل ماهى عشان مايظن مشفقه عليه ...والله لايورينا اى شىء من هذا

اميـــــــــــــــن

اختكم / شاهنـــاز

__________________
واذ ما خلوت الدهر يومـا .....فلاتقل خلـــوت ولكن قل على رقيـــــــــب

ولاتحسبن الله يغفـــــــل ساعة.........ولا أن ماتخفيه عنه يغيـــــــب