أحبتي رواد المنتدى...
انا هنا اطلب تعاونكم معي...في حل أزمة تؤرقني...
أنا أحب زوجي..وهو يحبني...أستمتع بالحديث معه...ولكن دائماً مايبدأ هو بدفة الحديث...وأمنيته الوحيده ان أبدأ انا بدفة الحديث معه...
وذلك طبعاً خارج غرفة النوم...
هو من النوع اللي يفرفش...واللي خفيف دم...
وعجزت اجمع له شي يفرفشه مدري احس انه يجاملني...
ابي اعرف كيف اتحدث مع زوجي....
وما هي نوع الحاديث التي تكون بيننا غير أحاديث غرفة النوم والتودد والمداعبه...
ابي سوالف وأحاديث اجتماعيه...مثلاً
لا حظت حالي معه ما ابدى الحديث الا بسؤال منه ..
احس اني فيلسوفه زياده عن اللزوم..لأن انا نوعاً ما قارئه جيده..واحب القراءه..ودوماً افكر قبل ما اتكلم..!! حتى غاباً مسجاتي له تكون خواطر من كتاباتي ومشاعري ..يحبها ويمتدحها...وبعض المرات يحرجني بالسؤال عن مفردات لا يفهمها...وهنا احس بإحراج اني افهمه..
وعلى فكره هو يصغرني بسنتين..وهو يحبني..وهم انا بس مدري..
احس فيني خوف داخلي..من مرحله جايه...ليه مدري..!!
مع انه مدللني ومو محسسني بهالشي...
بس مدري...أعوذ بالله من ابليس..

الله يعافيكم ويخليكم..ساعدوني..

انتي خايفة تحسسينه انش افهم عنه

يبي مواضيع على قد فكرة بس ما قلتي هو شو دراسته وكيف تفكيرة عشان نروم نساعدش ونخبرش عن الموضيع إلى يمكن تسالفين فيها

1- بس عموماً الشباب يحبون حد يمدحهم وتثنين عليهم
2- عن السيارات
3- عن المباريات
5-تنمين مواهبةبسلوبش

هذا معرفتي

والله يسعدكم دوووووم يارب

??????????????????????????
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

سؤالك غريب جدا !!!! اعتقد ان لديك مشكلة في الاتصال مع الآخرين !!!!!!!!!!!!!

عزيزتي.. دعي الخجل عنك وارفعي جميع الحواجز بينك وبين زوجك.. بادري بالسؤال عنه وعن أخباره ,, وكيف كان يومه ودوامه... وماذا حدث له اليوم من مواقف وماذا لديه من اخبار.........الخ

شاركيه هموم عمله.. بادري بلمس يديه او تقبيلها ... اسأليه ماذا يحب ان يشاهد من قنوات التلفاز مثلا .. علقي على برنامج معين او فيلم معين او مباراة معينة .....الخ


أتمنى لك التوفيق




تحياتي

عزيزتي...آهااات...
تبين الصدق...
هو أقل مني بالشهاده العلميه ...بس ما عمري اخذت الشي بعين الاعتبار...
هو شخصيته عاطفيه جداً..يحب الرومنسيه..انا بهالأشياء اوكي..عادي..
بس مشكلتي اني ابي اغير ..ابي نسولف بأشياء تهمنا ...مدري ليش انلخم اذا جيت ابفتح معه موضوع..
يضيع الحكي..
كل الحكي اللي قلتيه نحكيه...
واحاول اطلع اي حكي...
مدري احس اني مقصره معه ...
هو يحب يسولف..
وانا من النوع الصامت...
يمكن من قلة طلعاتي وروحاتي وجياتي..

على العموم ..
لكِ مني كل الشكر والثناء على تواجد اللطيف..
غاليتي..علياء..
شاكره لكِ تواجدك...ورأيك الرقيق..
صدق انه غريب....سؤالي...بس شسوي..حسيت ضاقت بي الدنيا...
ودوم احاتي ...
مدري...ليه..؟؟
مع انه ما يشكي لي وربي...

دمتم بخير



حدي بيت اهلي والأقارب..
وصديقاتي هه بالسنه حسنه اشوفهم..او اسمع اخبارهم..كلن ملتهي بحياته ..

أتوقع هذا سبب من الأسباب ..

ولازم تبحثي عن هواية تشاركيه و يشاركك فيها

السلام عليكم
اختي الباين انتي تحبيت الحشي كثير
واعتقد كل شي ليه وقت
وكثرة الكلام اعتقد ومن وجهة نضري احيانا بتكون ماهي مرغوبة
بس اقولك خلي كل شي باوانه وحاولي ان تقللي من كلاممك وجربي

أختي السواليف .... أسهل شي .. أرخص شي ..أريح شي .....


لكن أنت تريدين سواليف فائدة أكثر منها تسلية .....

جهزي له مثلا اختبار نفسي ... أسألي وهو يجاوبك .....وبعدين وضحي له نوع شخصيته .. وكافئيه بهدية رومانسية .. كما يحب .....


أطرحي عليه مشكلة مثلا من مشامل المنتدى ... وأطلبي منه يفكر لك في حل ... واشتركوا بالدخول سويا للنت .. والرد على صاحب المشكلة ..........


إن كنت فعلا كثيرة الاطلاع .... أبدئي الحديث له عن حكاية تاريخية ... قصة ... حدث مهم ... لأن الرجال يحبون التاريخ وقصصه .....


هناك كتب سهلة ومهضومة في علم النفس مثلا ... اطلبي منه أن يطلع على أحدها ...وناقشيه فيه


يعني باختصار اجعلي من ثقافتك .. وسيلة للتواصل مع زوجك لا الانقطاع ... وحاولي أن تدخليه باهتماماتك وتشديه إليها ......



وفقك الله

عزيزتي لو أقولج إني أنا وريلي من النوع الصامت شو بتقولين
بس طبعا أحاول إني أكسر هذا الصمت..فتلقيني أكلمة عن الفلم اللي ينعرض في التلفزيون أو أخبره عن موضوع قريته في المجله أو شوية أخبار عن الشغل..وتلقينه لما يشده شي يقعد يناقشني فيه ليما يعور راسي
بس الحمدالله بعد ما رزقنا الله ببنوته صارت شغلنا الشاغل..

عزيزتى
راح احط ايدى على الجرح مباشره <انتى عندج مشكله فى ان انتى اكبر منه بالعمر>
متى ماتقبلتى وضعج معاه وحسيتى ان العمر مايشكل عنده اى اهميه راح ترتاحين
طالما هو مومتملل منج او من قلة كلامج فهذا شى عادى وطبيعى, جدامج العمر كله لاتستعجلين عقب راح تمللينه بالسوالف طولى بالج .


الله يسمح امورج

صدى اصيله

ههههههه من جد ضحكتيني
لان عادة يكون الرجل هو الصامت وليس العكس، لكن عادي
ومثل ما قالت الأخ سكوتر أسهل شي وأرخص شي السوالف
وبالنسبة للكلمات اللي ما يفهمها عادي ، أنا أصغر من زوجي وأحيانا اتكلم معاه كلام عادي (يعني لا فصحى ولا شي) يسألني شنو يعني هالكلمة؟؟يعني ما يتحرج يسألني وأنا اضحك واقول له المعنى، حتى إنه في بعض الكلمات اللي سالني عنها تصير دايما على لسانه ولا ينساها
الله يسعدكم

__________________
[IMG]http://www.*****************/thumbnail/Baby001.JPG[/IMG]