بسم الله الرحمن الرحيم
اخواني هذي اول مشاركه لي في هالمنتدى الرائع
بعد ماشفت تعاونكم........مافكرت الا فيكم بعد الله.......تحلون لي مشكلتي
اليوم الظهر لما قام زوجي لصلاة الجمعه.....كنت مرتبه له ملابسه كالعاده...لبسها وطلع للصلاه.....وسالني تبغين شيء قبل ما اطلع..(لانه هو بعادته يتغدأ عند اهله.....يعني يرجع اذا صلى العصر بحي اهله مباشره.....)قلت له ابغى لبن من السوبر ماركت قبل ماتروح لاهلك..قالي اوكي.......
وبالفعل جاء من الصلاة على الساعه وحده تقريبا وحط اللبن بالثلاجه .....وجاء لمي بالغرفه يقعدني.....من هنا بدأت المشكله
دخل عليء بهدوء يعني فتح الباب شوي شوي وفتح اللمبه الصفراء بعدين ناداني باسمي ......انا قعدت لما ناداني وكنت خايفه وهذا طبعي دايما انز واخاف وقلت له اووووه سكر اللمبه ...قالي والله داخل عليك بهدوء ليه معصبه قلت له نزيت لما ناديتني بقووه قالي خلاص خلاص...قلت له سكرررر اللمبه...قالي اوكي
قعد على طرف السرير وقال ابوك داق عليء الفجر يعزمني على الغداء الحين وارسل رساله لما مارديت(عزيمة الغداء اللي عاملها ابوي له مناسبه عائليه وهي بس رجال)......قلت له اكييد رح.............قال لا ما ابغى... بروح لاهلي .......قلت له ماعمرك وجبت اهلي دايم يعزمونك ولا تروح .......قلت له بعد خلاص اذا صار عند اهلك عزيمه واهلي بنفس الوقت بروح لاهلي..(لانه دايم اقدم عزايم اهل زوجي على اهلي)قالي وشلون يعني...قلت تستاهل اوكي.
بوقته دق ابوي مره ثانيه ولزم عليه ......قال له ابشر ياعم....................المهم طلع وسكر الباب بقوه بدون مايكلمن وراح للعزيمه
بعد فتره دقيت عليه ومارد
دق عليء بعد نص ساعه ..............قال وش تبغين داقه عليء.....قلت بشوف وينك؟؟؟
قال رحت للعزيمه عشان عمي مو عشانك .................المهم قعدنا نتناقش بالجوال ونتخانق باللي صار وكان من ضمن الكلام يقولي
ماتشوفين نفسك كيف تقومينن....تركبين فوق ظهري.....(وانا والله هذي مزحه مني لانه يطول مايقوم........وقالي ماتعجبني..........وصرت اقومه بكل هدوء بعده حتى لو يقعد نص ساعه مايقوم ونركت مزحه اركب فوق ظهره ......لي اسبوعين وانا اذا قومته اجلس بجنبه واسمي عليه وبعدين العب بايدني على شعر جسمه واناديه حبي قلبي......لحد مايرد عليء واذا رد عليء ابدأ ادلك ظهر ورجوله ووو))))تخيلوا نسى كل هذا وقالي حركاتي اللي قبل وكانت ماتعجبه نسى الزين وتذكر الشين
وقالي بعد انك ماتحترمينن ابغاك تعاملينن زي ابوك وتحترمينن زيه
,,,ابوك تقولين له تستاهل........كذا تعاملينن........يالله زين ترا الجوال بفلوس وسكرها بوجهي.
توقعته يجيء للبيت ....بس للاسف على تسكيرته السماعه بوجهيء الى بعد العصر.......
دق عليء العصر وقال تبين شيء .......قلت شكرا الحمد الله مابي شيء,,,,,,,,,قال زين يالله...وسكرها
جلست العصر كله بطوله لحالي وعني ماجفت ولاذقت شيء وكل ما اسمع صوت اقول اكيد جاء ويطلعون الجيران....................حتى المغرب ...........قلت لا اكيد فيه شيء
لاجاء كعادته بعد العصر ولا دق عليء عشان ماينشغل بالي .................وادق على اهله يقولون لي مو موجود عندنا........!!!!!!!!!وادق عليه قلت وينك قال بالمنتزه ........تبين شيء؟؟قلت لا وسكرت السماعه واغلقت الجوال ورجعت ابكي لجفاه......
مع العلم اننا متفقين نروح اول العصر لشاليه انا وياه نسبح ونشوي ))))))))بس للاسف جاء بنص المغرب قال السلام ودخل تكرمون الحمام غسل وطلع وقالي دايخ بريح شوي......قلت له خذ راحتك وانا عيوني ما اشوف فيها من الدموع وهو ولا حس راح ونام.....
ساعدوني اخواني فسروا لي شخصيه زوجي .......مدري ليه احس دايم اني محطمه وانه يدور شيء يزعل عليه.....مدريكيف اتصرف الحين احس ماودي اقابله وخاصري مكسور منه قوووه...ساعدوني ارجوكم....مع العلم اننا متزوجين 9 شهور
24-06-2005, 10:14 PM
ضوابط المشاركة
العرض العادي
