عاجل جـدا جـــــدا..الرجاء الدخول
بسم الله الرحمن الرحيم
السلام عليكم ورحمة الله وبركاته....
بعرض عليكم مشكلة قريبة وصديقة لي تحتاج لمشورتكم وآرائكم السديده في موضوعها اللي ماخذ فكرها و مأثر عليها كثير (هي جنبي وبنقل كلامها نصا)
ملكت من شهرين احس بعدم راحه وشعوري غريب من ملكت وانا مو مبسوطه حتى واضح علي الهم وضيقة الصدر ما احس اني استلطف منه اي حركه او اي كلام والمشكله انهم طلبوه تعجيل الملكه على اساس تأثيث الشقه يكون بإختياري معه والى الآن تصوروا ما سوينا ولا شي فيها
والادهى والامر انه حتى مكالماتي معه قليله ولفت نظره مرتين لهذا الموضوع حتى شوفاتي له تعتبر قليله جدا، اشوفه مره في الاسبوع او الأسبوعين مع انه دوامه يسمح له
والمكالمات مو يوميه بين كل يومين او ثلاثه وما تاخذ ربع ساعه.
حتى في العيد سافر مع اهله الى مدينه جده يعني في نفس البلد وكان قبلها معطيني خبر انه بيسافر خارج البلد الى دبي لكنه فاجئني بعد مرور اسبوع تقريبا من سفره يسلم فيه ويسأل ولما سألته قال انهم ماراحو لدبي يعني انهم غيرو رايهم في ليله بدون مايعلمني.. وسألته متى بتجون ماعطاني كلمه اكيده قالي مدري يمكن بعد كم يوم
، يعني هذا الكلام بعد شهر من ملكتي تقريبا ولا كلمني بعد ذيك المكالمه حتى ماعرفت متى بيرجع ولما رجع كلمني طبعا تضايقت لأنه ما اتصل في ذيك الايام العشر تقريبا اللي كان في جده.ولما رجع وزارني فتحت معه الموضوع وكنت صريحه وكيف اني انزعجت وقالي انه كان وده يتصل لكن ماحب يزعجني وهالعذر سبق انه قاله لي وانا قلتله اني ما يزعجني خصوصا هالفتره لاني احتاج اني اعرفك وتعرفني واحتاج هالمكالمات لكنه رجع وعاد السبب هذا وانا كنت قايله له انه لازم يكلمني.
عموما اسلوبي معه كان واضح بحيث اني كنت صريحه وحاولت اكون جريئه انا اصلا طبعي في هالامور ما استحي منها خصوصا انها مسألة عمر فأسلوب تعامله كان غريب وانه يستحي من شي مايستحى منه لأني كنت اشجعه بأسلوبي أنه يكون عادي معي واللي عرفته عنه انه مو خجول واجتماعي وملم بأمور الحياة مثقف ومو كبير عمره 28
معاملتي وطريقتي في الكلام المفروض انها تريحة لاني ماحسسته اني محرجة او أي شي غيره يخليه يتعامل معي بهدوء زايد عن حده وتناقشت معه فهالموضوع ان احنا لازم نتكلم ونشوف بعض اكثر عشان نكون اقرب ويكون بينا تفاهم اكثر وكان موافقني لكن للأسف مااشوف منه التقدم المفروض وانا عطيته مساحة كبيرة بحيث ياخذ راحته فالسوالف وغيره
كلامه قليل مهما تكلم يعني مرت شهرين ومااحس اني اعرف عنه الشي المفروض اني اعرفه .
عندي لكم موقف يمكن يساعدكم فتحليل شخصيته الغريبه بالنسبة لي وللي حولي من القريبات لي يعني لما يجيني فالبيت احيانا يسلم يمد يده واحيانا لا
مرة مرني وطلعنا وداني للملاهي طبعا بدون سابق استشارة !!
المهم طلب اناحنا نلعب وقلت ماعندي مانع انسان متناقض اقوله عادي يقولي لا خايفة اكيد خايفة احلف له اني مو خايفة لاني فعلا مو خوافة المهم ركبنا كانت عبارة عن عربة واللعبة عبارة عن بيت رعب والطريق اللي تمشي فيه العربة مظلم تفاجئت انه حط يده ورا كتوفي مثل اللي يضم واستغربت لدرجة اني طول الطريق غمضت عيوني من الروعة لانه حتى يدي مايمسكها وحسيت لما حطها بإشمئزاز ومدري شلون ماعجبتني منه يعني شوي تضايقت وماارتحت لحركته شعوري كان غريب مااستلطفتها منه ابداً
انا جدا جدا محتااااااره احس اني مااقدر اعيش معه فبيت واحد واحس انه شخصيته ماتلأمني مع ان صفاته العامة تعتبر جيدة ومافيه أي عيب بس ماأدري شفيني عليه لدرجة فكرت بالانفصال عنه لاني احس مااقدر اتحمل اكثر
السؤال اللي يطرح نفسه :
انتو تشوفون تصرفاته عادية وطبيعية مع كل اللي اسويه؟؟؟!!!!!!!!!!!
اتمنى المشاركة من الجميع
لاني فعلا بحاجة ماسة لمعرفة ردودكم
الف شكر لكم
ولصديقتي العزيزة العنود
26-02-2005, 11:55 PM
ضوابط المشاركة
العرض الشجري