السلام عليكم

بدخل في الموضوع دغري ..
أنا انخطبت من 8 شهور من الشخص اللي الحمدلله اختارني و اخترته ..
عمري 25 سنة ،، يعني بالنسبة لأخوتي اعتبر متأخرة عن سن الزواج كلهم تزوجوا عالـ 22 تقريبًا بس سبب تأخري كان تخصصي الدراسي ..
أبو خطيبي شرط علينا و على ولده انه ما يتم الزواج إلا بعد مرور عام عالأقل على خطوبتنا ،، عشان ولده يجمع مصاريف الزواج ،،
أحس اني في ضغط نفسي ،، الكل يسألني متى زواجك؟! حددتوا و لا لسه ؟! أمي لمحت لأهله انه نسوي الملكة في هالفترة ،، الولد جدًا طيب و متفهم ،، وصله الخبر و قال أنا حاضر للملكة و سمعت انه جمع حوالي ثلث المبلغ ،، أنا أخاف نملك و اتوهق و تطول فترة الملكة ،، قلت لأهلي الله يخليكم خلو الولد عالأقل يعرف متى ممكن تكتمل عنده المصاريف ،، علمًا بأن المصاريف رح تشمل مصاريف العرس و البيت و الأثاث ،،
بصراحة كل التكاليف اللي قدرتها جدًا متواضعة ،، يعني حتى ملكتي رح تكون في البيت ،، و عرسي في قاعة مجانية من الحكومة ،، عشان أقلل من المصاريف ،،
أحاول أساعده بأي طريقة ،، حتى اني رح اشاركه في دفع إيجار البيت كوني موظفة ،،

أحتاج نصيحتكم و مشورتكم ،، ما ابي أقلل من قيمتي قدام خطيبي و اهله ،،
هل اللي اسويه صح ؟!

في نظري اللي تسوينه غلط ..

ليش انتي مستعجله , واذا يعني الخطوبة سنه اش فيها ..!!

بالعكس كل تأخيره فيها خيرة

بعدين يا غناتي الرجال و أهله ما يعرفونك عز المعرفة

وما اعتقد هذا التصرف منك بيخليهم يعجلون بالزواج

بالعكس بياخذون عنك فكرة ماهي طيبة .. لا تضحين في وقت مو مطلوب منك التضحية

خليك زي ما انتي و انتظري لين تمر سنة اذا ما وفو بكلمتهم .. شوفي وش اعذارهم

أنا ما أؤيد انك تساهمين بأي مبلغ لتكملة زفافك أو حتى لتعجيله

بعدين يسترخصوونك ..

الله يكون في عوونك و ييسر أمورك يا رب ..

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الله يسعدك ويساعدك على وقوفك مع الرجل و تخفيف التكاليف عليه
و ان شاء الله يتمم لكم على خير

لاتقللين من قيمتك وتدفعين شي مو ملزومه تدفعينه

يعني اذا هم قالو يبون بقاعه حكومة فخخلاص لاتشرطين غيرها

لكن اذا هم ماجابو هالسيرة فلا تقترحينها


خطوبة طويله أفضل من ملكة طويله

لاتتشرطين في تكاليف ألفرح والاثأث لكن بنفس الوقت لاتقترحين الرخيص

انصحك ماتاخذين نصائح من البنات
لانهم ضد الرجال دائماً


اقلكن مهراً اكثرهم بركه
ولو ساعدتي زوجك بيض الله وجهك وجزاك الله خير
وهذا يدل على معدنك الطيب وتربيتك السنعه

والمفروض التيسير وليس التعسير

يعني لو كنتي مكان الرجل

المهر عليه والذهب عليه والبيت عليه والاثاث عليه والذبايح عليه وكل شي عليه
المسيكين غادي ذبيحه بينكم :/

فا المساعده شي جميل والرحمه لها ثوابها
اعملي العمل والمساعده لوجه الله لوجهه الكريم


وربي سبحانه راح يوفقك

اختي الكريمه ادا الرجل طيب ويستاهل وشفتي انه فيه توافق بينك وبينه
فمساعدتك له من باب التخفيف عليه في المصاريف مبادره منك تشكرين عليها
وشي جميل ورائع وصدقيني مادام نيتك طيبه وصافيه الله راح يجازيك على حسن نيتك
اهم شي انه الرجل يستاهل
ولو انا في مكانه بحطك على راسي كون هذا تفكيرك
واتمنى انك ماتنظرين لكلام الاخووووات

أنا على فكرة قلت نفس الشي لأهلي و لأخوه ( هو زوج أختي) ،، اني ما رح ادفع و لا أساعده في شي
بس يوم جيت رجعت فكرت فيها معاشه ما رح يسد احتياجاتنا ،، و معاشي اكثر عنه و احتمال اترقى في العمل قريب ان شاء الله ،، حسيت اني أنانية ،، خصوصًا انه كان في حرب مع أهله و هو توه مشتغل عشان يخطبني وقت كان اكثر من واحد خطبني .. ما راح اصرف كل شي بس بحاول اخفف عليه الحمل ،، و بس

اشكرك اختي الفردوس غايتي على ردك العطر ،،

نصيحتي لا تشترطي وبنفس الوقت لا تعرضي المساعده
الي يجي منهم اقبلي
بس تبادرين كانك ميته على العرس لا
هو الرجال هو الي يسعى لك ويجيب الي يقدر عليه مت اثاث وقاعه
حتى الاجار خليه لوقته يمكن ظروفه تسمح له المسكن و الماكل و الملبس عليه بحدود قدرته

آمـيين و يسعدكم يا رب ،، شكرًا

عجبني ردك أنا ما اقترحت و لا باقترح ان شاء الله ،، بس هاذي مجرد توقعات مني ،، لأنه ما قد حدد ابوي قبل من ازواج خواتي نوع القاعة او البيت او الأثاث ،،
الله يتمم اللي فيه الخير ،،
و فعلاً خطوبة طويلة و لا ملكة طويلة ،،