السلام عليكم
مشكلتي الحمدالله اشوفها من وجهة نظري صغيره بس يبيلها عقل حكيم يحلها
أنا سلمكم الله تزوجت صغيره 20 وزوجي برضو صغيركان بعمر24
تميت الحمدالله 3 سنوات من تزوجت وعايشه حياة مستقره وزوج طيب ومحترم ويخاف الله فيني
ماديتنا تمشي الحال بس مو كويسه
يعني لو بغينا نسافر لازم اساعده يكون عليه السكن والاكل وانا علي المشتريات والهدايه ومتعودين على كذا كل ماجينا نسافر وهاالشيء مريحني ومريحه الحمدالله
بس من يوم بديت اساعده
كل شهر شهرين بالكثير لازم يسافر مره دبي مره الأردن مره البحرين يقول ابي اغير جو مع أصحابي وانتي اعوضك بعدين واذا قلت ليش مانسافر سوا يقول السفر مع أصدقائي مايكلفني اكثرها1500 اما انتي اذا رحتي معاي اقلها راح أخسر خمس الألف
خليته على راحته بس زودها كل شهر شهرين يبدأ يتحكك بسافر بسافر
وحتى اهله اذا سافرو يسافر معاهم ويخيرني تبين تجين معنا ولا تجلسين براحتك فشله اروح إخوانه كبار معاه
هو طيب وحبوب ومابي انكد على نفسي عشان كذا اخليه على راحته بس صارت عاده له لازم يسافر بالسنه اقل شيء 8 مرات وكلها مع اخوياه
غير كذا يضيق خلقي يتركني كني اخر اهتمامته الدرجة اعرف اذا زانت نفسيته وطلعني ومشاني وعطاني فلوس اعرف ان وراه سفره قريبه بس يبي يوسع صدري قبل يخبرني وليت هاالسفر على شيء يسوى كله لعب وتمشي والله يستر لايكون يروح بالحرام
الحين قريب بيروح تركيا مع انه أنا وياه قبل شهر جايين منها يعني ممداه يشتاق للسفر بسم الله
ابي حل معاه خصوصا انه انسان على الله ثم على الراتب
يعني لو يوفره احسن وزياده مايقدر يسفرني الا لازم اساعده بالنص اقل شيء
*

على فكره أنا مو ضد سفر الزوج يغير جو الحاله مع اخوياه بالعكس الاقيها فرصه التفت النفسي واريح عمري كم يوم
وقلت الزوجي ليش ماتسافر مره بالسنه الاي مكان تبيه الحالك اما كل شهر شهرين مااشوفها حلوه بحقي ولا حقك ولا عند الناس كل شوي راميها عند اهلها وهو مسافر
بس يسكتني يقول صادقه هي هاالسفره وخلاص ماراح أسافر الا السنه الجايه وتفاجئ بعد شهرين انه ناوي يسافر
سبحان الله هاالسفر اذا طاحو فيه كنه مخدرات مايقدرون يقطعونه مع العلم قبل يتزوجني ماعمره طلع برى السعوديه بس من بعد الزواج مدري وش صارله

زوجك يبغي له وقفة جادة

هو شايف منك عدم اعتراض ..فصار ماخذ راحته

واكيد تودعينه باحلى وداع و تستقبلينة احلى استقبال

اجلسي معه جلسة مصارحة ...قوليي له ان الوضع مو عاجبك ابدا

واذا ما فاد معه الحوار

بعدين ابدأي باستخدام اساليب ثانية ...ان شاء الله ما تكوني محتاجة لها

زي رد اللي قبلي
زوجك تمادى لإنه ماشاف منك وقفة جادة وحازمة
بصراحة كثيييير 8 مرات بالسنة
يمكن تكاليف هالسفريات تجيب لكم شي عليه القيمة تستفيدوا منه

__________________
اللهم اجبر كسر قلبي وروحي اللهم آآمين
دعواتكم لي بالوظيفة الصالحة فانا بأمس الحاجة إليها
سبحان الله وبحمده سبحان ربي العظيم
فزورة مطبخنا اليوم
علينا اللون وعليك التنسيق مسابقة ممتعة وشيقة
امممممممم ماذا لوو

أخت فافي والله حصل وانه نوى يسافر وانا على وشك ولادة البلاد الشباب مايروحونلها الا عشان الحرام وتهاوشنا ودخلت اهلي بالموضوع وفعلا ماراح لها وكانو اهله ناوين يسافرون بنفس الفتره اللي كان ناوي يسافر فيها وسافر معاهم
بس تعبت من كثر ماانتهاوش واقلق عمري وادخل اهلي واهله بسبب سفر عشان كذا خليته على راحته بس شرطي انه سفره وحده بالسنه بس مامشى على وعده

طيب تعالي له من باب العاطفة
انه اذا سافر تشتاقي له وماتقدري على بعده
وكم حركة من كيد النساء
امسكي صورته واعملي نفسك نايمة وانتي حاضنتها
امسكي ملابسه واحضنيها وقولي له ما أقدر أنام إلا على ريحتك

واذا جاب طاري السفر خشي بجو حزن ودموع واذا سألك قولي له سكاكين فراقك من الحين تقطعني كيف اذا سافرت

الىجال مايحب انه امرأة تتحكم فيه ، يعاند
فمالك الا أساليب الأنوثة جربي وجربي الين توصلي للأسلوب اللي ينفع مع زوجك

والله يعينك

زوجك للأسف عديم المسؤوليه ..

ومن حقك تتضايقين ..

جربي الحوار معه .. واعطيه اقتراحاتك..
سفر مره واحده في السنه ..
والا رجلك على رجله ..

__________________

صراحة من ابتلى بالسفر يكاد لايشفى منه، أعرف الكثيرين مبليين بالسفر وصراحة شي يحزن ويؤسف له أن تسافر بالسنة أكثر من خمس مرات وتترك ابناءك عند أهلهم، لكن لا أعرف مالسبب ممكن يكون ياخذ حريته وراحته مع اصدقائه، يمكن هناك أشيئا تجذبهم في الأماكن التي يسافرون لها، الحمدالله لستُ من المدمنين للسفر أبداً، وهذه أعتبرها نعمة علي من الله.

__________________
ياصبحِ لاتِقبل !!
عط الليل من وقتك..

شكرًا لكم
أطمع بردود اكثر
للأسف احس مافيه حل

شكرًا لكم
أطمع بردود اكثر
للأسف احس مافيه حل

وقفه جاده منك اكثر من مره مافيه
مره وحده بالسنه كفايه
و اذا مره الا يبي يسافر ياخذك معه
الله يعينك

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..