انا هذالي 8 شهور مملكه والحين اتخذت قرار اني انفصل عنه و مررررررررررره مرتاحة و مبسوطة ولله الحمد
قلت لامي تكلم ام خطيبي وتقولها اني انا ابي انفصل عن ولدهم و فلوسكم جاهزه امي كلمت امة وتخيلوا وش تقول تقول احنا عندنا ظروف قالت امي قولي لي وشي ظروفكم اللي خلتكم تاجلون 4 مرات من غير سبب مقنع وقالت ظروف خاصة قالت امي احنا الحين اهل ولدكم رابط بنتنا يعني احنا من حقنا نعرف الظروف قامت تلف وتدور
قالت امي و الله احنا اتفشلنا عند اهلنا كلما قلنالهم عن تاريخ اجلتوا اكلو وجيهنا تخيلوا وش ردت قالت قولولهم وش عليكم بامور الناس !!!!!
قالت امي لو بنتك مارضيتيها قالت والله انك صادقة يعني عارفة انها غلطانه
وقالت امه احنا متي مارتبنا امورنا قلنالكم تخيلوا يعني انا مالي راي بتحديد تاريخ زواجي
وش هالمعاملة للحريم عندهم وش هالقرف ماقول غير اللهم اجرني في مصيبتي واخلفني خيرا منها
و الحين القصر كلمهم وقالهم تعالوا خذوا عربونكم احنا مانبيكم تحجزون عندنا تخيلوا القصر زهق من تردداتهم و حوستهم لانهم هددوا القصر انهم يجيبون الشرطة عشان عربونهم تخيلوا وش هالناس هذا واحنا سألين عنهم

و الزياده علي كذا امي كلمت امة امس الظهر ولحد اللحين ماكلم ابوي عشان ابوي يتفاهم معاه يعني ماهمه مطنش هاذي عاداته يوم المهر ماعطانا ياه الا بعد الملكة بــ4 شهور يمكن لو ابوي ما اصر عليه يجيب المهر بدري كان ماشفته و لاسوى شيء بامور القصر و البيت عايش حياته ولا كان وراه مسؤليات و زواج ولا حتي متحمس اللي اعرفه انه اللي يخطب يصير مرتب امووووره قبل يخطب و يملك ويكون مررررررررره متحمس مووووووو بارررررررررد زي هاذا والله اني ندمانه اشد الندم
الحمدلله علي كل حال

انا ابي اعرف هل تصرفاتهم طبيعية؟؟؟؟

يمكن يمر بضائقة مالية . إن مع العسر يسر... وعسى ان تكرهو شيئاً وهو خير لكم... كلمي زوجك دام انه مملك عليك وتفاهمي معه احسن ولا تتسرعي.

__________________

قد تـــعود المياه الى مــجاريها احياناً
ولكنها لاتعود صالحه للــشرب دائـمـاً

من ناحية الفلوس ابوي ماقصر معه
قاله انا ابي ادفع معك نص التكاليف ورفض مو عشان كذا ابي افك
لانه هو اصلا مطنشنا مرررررررررره ابو اللي كل شهر او شهرين يتصل عليه هاه وش سويت وش صار كاني ميته عليه والمشكله انه كبير 32 عمره يعني المفروض يعرف يتصرف وهو مايقول غير ماقدر عشان الدوام او ابوي او امي او اخواني وكمان ابوي قاله احنا مانبي زواج كبير نبي عائلي مانبي الزواج الكبير مامنه الا الخساير قال ماقدر امي تبي زواج كبير خييييييييير امك اللي بتتزوج ولا انا

أختي اصبري لعل الرجل يمر بضائقه ماليه
أهم شئ اخلاقه
سألتوا عنه أو لا؟
كيف محافظته على صلاة الجماعه؟
أما تأجيل الزواج فأنصحك بالصبر حتى لاتندمي
لاتجعلين كلام اللي حواليك والناس يضغط عليك
يمكن بعد الزواج تكوني من أسعد الناس معه
خلي الوالد يجلس معه جلسه وديه عقلانيه ويحاول يفهم منه سبب التأجيل

الله يعينك اختي

مدري شقول لك .. بس صايرة هالحركة البايخة تتكررررررر كثيييييييير

مدري شفيهم رجال هالوقت بروووود مو طبيعي واهل البنت يتفشلون من كثر مايلاحقونهم تقل ميتين عليهم

امرنا لله .. الله يفرجها عليك وعلى كل من تعاني مثل وضعك يارب ياقادر ياكريم

يوووه مااحب المماطله
الفشله تجي على اهل البنت
كلن يسأل وتكثرالاسئله
ابوووك لوكلمهم هالمره يعطيهم من الاخر
لايجلس يعطيه الحلول
الله يسهل اموررركم ويوفقك

للاسف عاداتهم جدا سيئة
عندهم ان الواحد يعقد علي البنت وبعدها يطنش ولاهمه متي ماخلص امووووووووره قالنا متي التاريخ اللي يعجبة ولاهمه اذا التاريخ يصلح لي اولا والمشكلة اللي اكبر من كذا امه قالت بلسانها متي مارتبنا امووووووورنا قلنالك متي زواجك خييييييير وانا مالي راي

والزود بعد يكذب كثييييير قال مافيه حجوزات بالقصر الا بشهر واحد هجري راح ابوي سال القصر قال لابوي رجال القصر من قال مافية الا بــ1 فيه بشهر 7و8و10و11و12 كلها وجود لما دق ابوي وسال متي حدد التاريخ قال والله مافيه الا بــ1 يخف بنا وش هالمصخر انا للاسف وافقت علي واحد عاداته ومجتمعة مختلف عن عاداتي ومجتمعي مستحيل اقدر اعيش معاه عفته ماعاد ابيه كرهته اصلا انا من الاول ماقد تخيلت اني بكون زوجته ولا حسيت بشيء باتجاه ابدا مايهمني لو انفصلنا

الله يعينك حبيبتي

والله حاسه فيك شي يقهرررر ويغث ويرفع الضغط ويكررهك فيهم كلهم

بس مالك الا تلجأين لربك وتشكين له همك وتتضرعين بالدعاء اخر الليل

ان مع العسر يسرا

ربك كريم الا ماتفرج

وانتي لاتتسرعي حبوبة خصوصا انه فيه ملكه بينكم
طولي بالك شوي وهدي ولاتهتمين كثير قولي بينك وبين نفسك خليها تجي على ماتجي
وصدقيني المماطلة والحركات هذي تخليك تكرهين الشخص كررررررررررره العمى حتى لو كنتي تموتين فيه وتتهورين وتطلبين الانفصال بس مجرد مايتعدل تنسين انك كرهتيه وحقدتي عليه
ماتدرين وين الخيرة

الله يسخر لك وييسر امرك يارب

والله صادقه يا أختي إلى متى التلاعب بمشاعر البنات

عن نفسي صراحه أوافقك الراي الكثير مثل هالأشكال ولانعلم السبب

أنتي متملكه لكن أنا

يخطب الشاب ويجلس فتره ويقول كلا يروح بنصيبه

طيب ليش هالتصرف

لهالدرجه البعض إحساسه ميت!!!!!!!!!!


يعني البنت ماعندها مشاعر


الله يهدي الجميع