مشكلة والدي ووالدتي ارجو ان تساعدوني لحلها
انا اليوم و لو اول مرة اعرض مشكلتي هي بالاصح مشكلتي امي او ل شي نحن عيلة تتكون من ولدين و بنتين طبعا اخي الكبير عمره 30 وانا 27 و اختي 22 و اخوي الصغير 19 سنة عمر زواج امي و ابوي 33 سنة تقريبا امي 53 سنة و ابوي 58 سنة
من 3 اسابيع تقريبا ابوي كان عندة موتمر لخمسة ايام في دبي في اول يوم من غيابه عن البيت اتصل ابوي بالبيت و امي ردت و بعدها بشوي رن التلفون مرة ثانية و سمعت امي تناديني تقولي ردي على التلفون يوم رديت ابوي يقولي وش فيها امك بندت الخط بوجهي و لا بالغلط تبند الخط قتله بشوف ايش الموضوع و بتصل فيك رحت لامي اقولها ليش بندتي الخط قالت انا زعلانة من ابوك و هدي مشكلة بينا و انتي لا تدخلين قلتلها بس حرامي عليكي ردي عليه قالتلي ما يخصك
طبعا ابوي رجع اتصل و قتله امي تقول انها مشكلة بينكم وانا ما يخصني طبعا ابوي زعل و بند الخط
ثاني يوم ابوي اتصل وقالي وش اسوي ويا امك ليش كدا تشوي قتله ليش ايش صار بالضبط قالي قبل اسبوع جيت ابا اطلع و يا فلان طبعا هو صديقه و نحن نعرفه عدل و قال حسيت روحي مكسل و اتصلت بفلان عشان اكنسل الطلعة و قالي امك جت تتاكد من الرقم و شافت رقم شغلي و ثالتلي اني اكدب و ان هدا مب رقم فلان و ابوي يقول انا اتصل بالدوام و بعدين احط رقم يتحول لجوال فلان هدي تقنية جديدة بس للعلم ابوي مهندس شبكات
طبعا امي ما صدقت هالشي و قالتله انت كذاب قتله اوكي خلني اشوف ايش الموضوع اتصلت بامي و قلتلها اللي ابوي قالي اياه قالتلي انا ما حبيت لدخلك بالموضوع ابوك ليش قالك هالشي المهم بندت الخط و هي زعلانة
و بعتت مسج لابوي ما ادري وش كتبت فيه
اتصل ابوي يقولي انتي وش قلتلي لامك خلاها تقول كدا قتله اللي صار قالي خلاص حصل خير و بند الخط
يوم رجع من دبي تهاوشوا هواش وانا بالدوام اختي اتصلت تصيح و تقولي امك وابوك متهاوشين و امك تكدب ابوك و تقول كلام كبير و ابوك يقولها ما صار
المهم يوم انا رجعت البيت من الدوام قلت لامي عيب هالكلام و اخواني بالبيت و صغار وش الكلام بس طلعوا تكلموا برا او اخد اخواني برا و تكلموا في اللي تبونه
اللي زعلني اختي تقولي ان ابوي يقول لامي انوا كم مرة طلب ان تصير بينهم علاقة حميمة و امي رفضت و قالتله يعني ادا ما سويتها تروح تدور برا هالشي و تسب و كدا قلت انا كبيرة و مش مشكلة اسمع هالكلام بس اخواني مب حلوة يسمعون هالكلام المهم جيت البيت اخواني يصيحون و امي تهاوشت و فجاة طلعت من البيت و رجعت المغرب و انا خفت عليها لان عندها السكر .
و ابوي بالبيت يقولي لو بغيت اعرف غيرها بطلع تلفون ثاني ما راح اكلمها من تلفوني و اجيب الشك لنفسي انا ما سويت شي في اليوم الثاني قعدت مع امي و قلتلها انتي عندك دليل على هالاتهامات قالت اي من خمس شهور و ابوك يكلم وحدة و انها تاكدت من هي و لما قالت لابوي لكن هو انكر هالشي قلت لامي انا من فترة و ملاحظة انج مش مهتمة ف نفسك قلتلها انا لو متزوجة و اكتشفت زوجي شافله شوفه برا اول شي بشوف بايش انا قصرت يمكن انا قصرت في شي خلته يدور برا بحاول اسوي كل شي اقدر عليه و ادا خاني بعد كدا يطلع قليل اصل قلتها يا امي انا ادري ادوية السكر تجيب برود وانتي لازم تفهمين ابوي قالتلي ابوك يعرف قلتلها حاولي تعوضينه بشي ثاني بالكلام الحلو تجملي طلعي معاه قلتلها صارلك مده تقولين انا تعبانه انا ما اقدر و كدا
قالتلي يمكن صح هالكلام بس ابوك مب اول مرة يخونني انا تحملته 33 سنة و هدي رابع مرا و صابره عشانكم انتوا و بس
قلتلها قعدي معاه و تكلمي معاه اشرطي عليه حلفيهبعياله وكدا وغيري عمرك حاولي تجدبي لنفسك لا تعطيع يحس باي فراغ عشان الشيطان ما يلعب عليه
قالتي انا عندي اسىلة و ابغي لها اجابابت اللي دفعه انه يتعرف عليها الحب ولا الجنس و بس ؟
المهم بعد اسبوع طلعت معاه و سالته و اللي عرفته من امي انها بنت صغيرة بعمري تقريبا و امي قالتلي انها اجنبية و بسني قالتلي مب عليه عليه يتعرف على وحدة بسن بنته قالتلي و خلته يتصل فيها و يقولها تبعد عنه
المشكلة امس من يوم هالموضوع و هي تنام و تصحى الفجر الساعة 3 و تقولي ما اقدر انام احس ان ابوك يكدب و اني ما احس بالامان قالتلي انتوا واقفين بصفه و تنصحيني بس انا قلتلها انا ف نظري انتي قصرتي و هو غلط و انا بقعد مع ابوي قعدة عشان اعرف دام هو يقول يحبك ليش شوا كدا وانتي سالتيه ادا انتي مقصره معاه او لا قالت سالته و قال لا .
بس امي مصممة تشو فمن هدي البنت و امي عندها رقمها . دبروني وش اسوي امي تقولي عني اتم اراقبه نفسيتي بتتعب قالت احس ان امامي اتصل فيها و قالها تبعد و اخاف من وراي ترجعله .
__________________
--------------------------------
( اللهم اكفنيهم بما تشاء و كيف تشاء انك علي ما تشاء قدير )
05-03-2011, 11:06 AM
ضوابط المشاركة
العرض الشجري