السلام عليكم ورحمة الله وبركاته,,

مشكورين على المنتدى والقسم الرائع ماشاءالله تبارك الرحمن,,

المشكله بسيطه ان شـاءالله بس ابي حل تكفـون..

من شهرين تقريبا خالي جاء من السفر كان مسافر تقريبا 4 شهور لظروف صحيه

اول يوم جاء فيه امي راحت له طبعا للسلام ومن هالعلوم

عاد ذاك الوقت كنت مضغوطه حيل بالجامعه والمحاضرات والبحوث لين راسي واختبارات ونوم معفوس بعد صلاة العشاء اصحى 2 الفجر وكل يوم هالحاله عجزت اصلح الوضع

المهم كلمته ثاني يوم من جيته سلمت عليه وتحمدت له السلامه
ثاني يوم كلمته بجي اسلم عليه طلع مشغول برى المنطقه
ثالث يوم كلمت زوجته قالت من بعد السفر المتعب صار ينام بعد العشاء (يعني ماقدرت اروح اسلم عليه)
قالت تعالي الصبح انا بروح دوامي انتي افطري معه وهو يوصلك بيتكم على روحة دوامه الظهر..قلت اشوف حسب المواصلات

ومن بعدها جات الاختبارات وانشغلت مااروح ولا اجي ولااكلم احد النفسيه بخشمي

الله اعلم انه اخذ بخاطره انه صار له شهر ونص ولا رحت اسلم عليه
بس انا هالشهر كله انشغلت... كلمته 3 مرات مو موجود بالبيت بالشغل

رغم انه امي قالت لي ان خالك بس يتعذر مني يقول معليش والله مااجلس كله مشغول لاتزعلون مني
والاسبوع الجاي بيرجع يسافر والله اعلم متى يرجع__الله يرجعهم بالسلامه
ماني عارفه وش اسوي؟
وجاتني الافكار ابليس يقول خالك مايبيك تجين بيتهم اصلا<< ابليس الله ياخذه حسبي الله عليك ياابليس
محتاره اروح بدون موعد اهم شي سويت الواجب
والا فشلـه؟؟؟

بالعكس انا اشوف انك تروحي و ماتتردي ابدا حتي ولو ما بيكون موجود بس يمكن تلاقيه بس ادا اخرتيها بيكون العيب عليك انت ما عليك سوي الواجب و خلاص و ما تحسبيها كتير

__________________

خخخخ انتي مكبرة السالفة احس ان مازعل خالك ولا شي عاادي
ولانه هو بعد مشغوول
طبي عليه باي يوم في بيته بس خططي مع زوجته
وجيبي معك شي واذا استغرب قولي عاادي وحدة تحب خالها واشتاقت له وتبي تسلم عليه
لانه بيسافر
اتوقع ان الامور راح تمشي ويمكن يفرح بعد ج

يا حبي لك

الله يجعلها أكبر المشاكل
روحي بأي وقت لو وقت الغدا علشان تضمنين وجوده
المهم لازم تسلمين عليه قبل يسافر

والله يوفقك باختبارتك

يمكن مااخذ في خاطره ليش تزرعين الفكره براسك
روحي له او اتصلي عليه وقت الغداء واعتذري منه وسلمي عليه
وربي يوفقك ويسعدك

__________________

انتي موهمة نفسك ومكبرة الموضوع
روحي في وقت تكوني اكيدة انه بالبيت باتفاق مع زوجته

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب