السلام عليكم

اخواني واخواتي موضوعي هو اني طالب جامعي ومتزوج بنت خالتي وانا ساكن في بيت اهلي , والمشكلة

هنا ان البيت كله عيال , انا ترتيبي الثالث و اخواني الكبار موظفين وساكنين لحالهم , واخواني اللي اصغر

مني بعض الاحيان تطلع منهم مضايقات لزوجتي لانهم لا يحبون خالتي ولازوجها ولا حتي عيالها اللي هم

عيال خالتي بسبب مشاكل سابقة . دائمآ اذا تقابنا مع عيال خالتي في مناسبة اخواني اللي اصغر مني

يتهاوشون مع عيال خالتي ويسبون اختهم اللي هي زوجتي , حتى مره كنت جاي من الجامعة ودخلت

البيت ولقيت اخوي اللي بأولى جامعة يهاوش زوجتي وهي طالعة للدرج وتبكي , عاد انا هالمرة

هاوشته وكان اخوي الثاني جالس ويقولي رح امسك لسان زوجتك اول وبعدين تعال هاوش , والمشكلة

بالتحديد هي ان اخواني دخلو الصالة وكانت زوجتي جالسة ولا قالو طريق ولا قالو شي وزوجتي كرة فعل

منها قالت (( اف )) بس واخوي زعل وقال اذا مو عاجبتس النظام ضفي عفشتس واطلعي ..

خلووو هذي السالفة

مرة كان طالعين للبر ويوم وقفنا السيارة جات زوجتي بتطلع القهوة من السيارة وبالغلط كبتها , واخوي الكبير

صاح عليها وقال (( كفحتيها يالرفلة )) يعني كبيتها يالهبلا , وقعدوا اخواني الباقين يضحكون وانا قلت لاخوي

احترم نفسك وخل بيننا احترام , والله لو ابوي مو معنى كان صار علمن ثاني بس الوالد كان يمشى بعيد عنا

يعني لو تضاربت معاه بيشوفنا الوالد وانا ماودي ابوي يدري لانه كبير بالسن واخاف يصيبة شي ولو اني متأكد

لو دري باللي يصير كان مغطهم بالعقال . بس اخوي الكبير اعتذر مني ومن زوجتي وراح جاب لها هدية ولو انه

كانت له مواقف سابقة معها, بس الفترة الاخيرة سار يحترمها .

وباقي اخواني الللي بأول جامعة وبثالث ثانوي يسوون حركات انا ما اقدر امسكها عليهم مثلآ اذا دقو على

البيت وزوجتي ردت يقفلون الخط واذا زارتنا خالتي بالبيت يمرون ولا يسلمون واذا شافوني مع زوجتي

يتكلمون مع بعض كأنهم يحشون فينا وبعدها يضحكون ومضايقات اخري ..

ومره انا كنت مسافر مع الوالد وتركت زوجتي بالبيت وكانت زوجتي و امي واختي واخوي الصغير معهم

يتغدون وقالت زوجتي لاخوي الصغير رح تغد مع اخوانك اللي دايم يتغدون بالمقلط , ويوم راح سألوه اخواني

من قالك تعال هنا قال فلانه اللي هي زوجتي راح اخوي اللي بالثانوي يصارخ من ورا الباب , وزوجتي زعلت

وكلمت اخوانها وجو اخوانها عندنا وطلع لهم اخوي اللي بالجامعة بالرشاش وقال والله لو ماتمشون لافضيه

بروسكم وراحو هم علشان لا تكبر المشاكل.



في النهاية احب اعلمكم ان اخواني طيبين مرة بس المشاكل العائلية السابقة اللتي اثرت عليهم ولو إنا كنا
نلعب مع عيال خالتي ونمزح معهم وفي صور قديمة لنا معهم يوم كنا نطلع ونسافر سوا.
المهم انا والله شخصيتي قوية بس ما اقدر كل شوي اهاوش اخواني , مرة اتغاضى ومرة اخاصم ..

عطوني الحل انا تعبت وزوجتي تعبت بعد ..؟!

بأعتقد الحل أنه تعيش في مكان تاني غير بيت الأهل
تجنباً للمشاكل
وهتبئا اللقاءات بينهم أخف بعدين
لانه بالشكل دة ممكن المشاكل تطور
إما أنه تسكت انت وزوجتك ودة ممكن يخلي الوضع يزيد أكثر
ويكون جارح أما البعد في السكن
طالما مش قادرين يتناسوالمشاكل اللي كانت موجودة

أنا لو مكانك ، أخواني راح أعز عليهم لإنهم يحبوني و دام إنهم طيبين مثل ما إنت قلت ..

فأقاطعهم فترة لحد ما يحسوا بالندم ،، و خاصة إنهم أصغر منك ..

مو بنية قطع الصلة ، لكن مجرد تأديب لهم و تخويف

و زوجتك تعلمها إنها ما تتدخل بينهم و لا تتكلم بكلمة و لا تحتك فيهم

يعني مثلا يوم إنها قالت لأخوك الصغير يروح ياكل مع الرجال ،،
أمك و اختك كانوا موجودين .. خلاص مالها حق زوجتك تكلمه ،،

يعني أمسك العصا من النص ، خلي الطرفين يلزموا حدهم ..

وعليكم السلام


أخوي الكريم

خل زوجتك ما ترد عليهم ولا تقربهم .....

ثم صراحة اجلس جلسة مع كل واحد منهم على حدة وقل
لهم عيب ما أحد يحاد حرمة الأخ بهذا الشكل؛
وإذا حصل بسببك الطلاق
فأنتم عملتم عمل الشيطان......
ثم قل أمي وأبي زوجني منها ، وأنت بحركاتكم هذه كأنك تعارضونهم

يأ أخي حتى الشقيقة ما يهاوشها أخوها ويتأمر عليها وأبوها وأمها
أحياء ويتأمر عليها ولا يتدخل فما بالك بزوجة الأخ !!!

بعدين الظاهر أنه فيه اختلاط عندكم وأن بيت العائلة ما فيه سكن مفصول أو ملحق
أو تطلع بشقة عن خارج البيت ثم غريبة أبوك امك وأخواتك وينهم عن أخوانك ....
وزوجتك بالمقابل لا ترد عليهم أبداً حتى ما تستمر المشاحنات والكلام



السكن لوحدكم هو الحل




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

اختي الكريمة ..

انا كما ذكرت انا توني طالب والوالد هو اللي يصرف على الله يطول بعمرهـ
وما اقدر اوفر مبلغ الشقة والفواتير

السلام عليكم ورحمة الله وبركاته


اخي الكريم لابد من خطوتين هامتين تقوم بهما :

الاولى ان تجلس مع اخوانك جلسة جدية تبين فيها موقفك من افعالهم تجاهك لان ما يقومون به ليس ضد زوجتك بل ضدك لانها لم تعد ابنة خالتك بل الان هي زوجتك . خرجت من بيت اهلها واصبحت في بيتهم وزوجة اخيهم الاكبر منهم فاحترامها من احترامك وكرامتها من كرامتك . هذا يجب ان يعرفوه ويعوه ويدركوه تماماً .

ثانياً يجب ان تخبرهم ان ينسوا الماضي ويفصلوا بينه وبين ما يقومون به الان ضدها فهذا يسمى غباء . قال النبي (صلى الله عليه وسلم) : ينادى مناد يوم القيامة ليقم من أجره على الله فليدخل الجنة قيل من هم قال العافون عن الناس(رواه الطبراني).
فالماضي انتهى ومضى المشاكل التي يضعون افعالهم والفاظهم بناءاً عليها ولت وراحت لحالها فليس من الحكمة ان يجتروا الماضي بما فيه ويجلدوا ابنة خالته به . يجب ان يضعوا حد للماضي وينسوه ويتذكروا العشرة وصلة الرحم والقرابة القوية بينكم وفضل من يبدأ بالصلح واجره العظيم عند الله سبحانه وتعالى فالعفو من شيم الكرماء فما بالهم وهي زوجة اخيهم الاكبر منهم (وَلْيَعْفُوا وَلْيَصْفَحُوا أَلَا تُحِبُّونَ أَنْ يَغْفِرَ اللَّهُ لَكُمْ وَاللَّهُ غَفُورٌ رَحِيمٌ) [النور: 22].


الخطوة الثانية هي بنصح الزوجة ان تكون اكثر صبراً وحلماً على اخوانك وان تمتص غيظها وغضبها حتى لا تشعل الموقف ويتصاعد والكاظمين الغيظ والعافين عن الناس والله يحب المحسنين" .وحذرها اياها اياها ان تتصل باخوانها او والدها ليحضروا في اي خلاف مهما سمعت ومهما قالوا اخوانك فهى الان متزوجة ولها زوج مسؤل عنها فمن غير الائق ان تحضر اخوانها ليقفوا في وجه اخوانك ويتواجهوا ضد بعض ولها زوج . فبعد عودتك تخبرك بما صدر من اخوك بشرط ان لا تتكلم ولا تفتح فمها في حضوره حتى لا يضعوا عليها اي خطأ وحتى لا تكبر المشكلة وهكذا يقول تعالى: (خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ) [الأعراف: 199]. وعن النبي (صلى الله عليه وسلم) :المؤمن الذي يخالط الناس ويصبر على اذاهم أفضل من المؤمن الذي لا يخالط الناس ولا يصبر على اذاهم.

ولا تخبر اهلها بما يحدث حتى لا توغر صدورهم ضد بعض فمشاكل بيتكم تبقى داخل جدرانه ولا تخرج

فالمشكلة لتحل لا بد لها من احترام وفهم وتقدير الطرفين والوعي ونسيان الماضي وفتح صفحة جديدة فالحياة قصيرة فلا تضيعوها بمشاكل وخلافات ومواجهات وتصاعد للمواقف التافهة حتى تصل لحقد وضغينة لا قدر الله .

اخواني اكيد اني اعزهم واغليهم ولا ماكان سكت عن اللي حصل.

وزوجتي انا اعرفها ماتدخل نفسها وتحاول ماتحتك معهم بس هم اللي يدورون وراها وينتظرون الزلة.

يسلمو عالرد

اخوي لااازم سكن خااااااص فيكم عشان ترتااح المسكينه


والله انها بنت اصل اللي تتحمل كل ها الاهانات

والله لو وحده ثااانيه ماتصبر لو على كلمه وحده


الله يهدي اخوانك ويعقلهم

__________________
لااله الا انت سبحانك اني كنت من الظالمين

مشكور عالتفاعل

اخي الوالد مسوي لاخواني مقلط لهم بالحوش ومايدخلو البيت الا وقت النوم بس هم عباطه وعناد لزوجتي يدخلو البيت لحجج تافهه وطبعآ الوالد يكون بالخارج



هذا كتبته بردك علئ احد الاخوان ....

طيب !!
ليش ماتقول
لاابؤك

وش رايك ياابؤي ان هلمقلط يزيد عليه دورة مياه وغرفه اذا تبي !!!
وتكون لك ولزوجتك
يعني زوجتك تدخلها وقت غيابك ولا تحتك بهم !!!
يعني
لاتدخل البيت ابدا
الا اذا انت موجود ...هذا المفرؤض !!!
واخوانك صعبه لهم غرفه بلحوش ...ولا يدخلون !!!صعبه يريدون حريتهم وهم شباب !!!
اخي
المفرؤض العكس بنظري ....وقول لاابؤك وابوك اصلن بيعذرك ويقؤل لهم ولا راح يعارضون !!!
ولا تناقشهم وتغاضئ عنهم اذا هاوشوا !!!!

الاهم قول لاابؤك نبي راحتنا ياابؤي والمفرؤض العكس الله يحفظك
ووو.....................الخ !!
او تبني غرفه لكم كبيره نوعا ما ....
علئ السطح مع مطبخ ودورة مياه....وبكذا تبتعد زوجتك ....
الان بنظري وضعكم خطأ!!!
يعني
احس الاولاد ماياخذون حريتهم ابدا ولا زوجتك !!!صح ولا لا !!!
اذا لها غرفه خاصه ومنفصله عن الاهل
فهي بترتاح
اصلن وانت بعد !!!
بغيابك تروح وتدخل بهلغرفه وتسؤي اللي تبي !!وصدقني مع البعد بيقدرون ويحترمونها اصلن مع البعد والاحتكاك معهم
واذا اصلن معد شافوها الا نادر بيسؤؤن مشاكل اذا شافؤها لكن مع الوقت بيسكتون اذا كان هي ردة فعلها سكووووووووووووووووووووووووووووووووت!!!ولا كانها تسمع فهمت اخي ...

اتفق انت وزوجتك انالسكوت هو الحل !!!بعدها هم لايجدوا منكم اهتمام لهم ولا تفاعل ابدا
فبيخجلون صدقني
التغاضي عنهم هو الحل ....

اما المواجهه والعناد وغيرها ماينفع
واعط زوجتك هديه جزء سكوتها لتشجيعها علئ ذلك ....

واما اذا سافرت فمن الخطأ تركها عند اهلك من الاساس ....
لان اخوانك هناك...والحمو الموت ....هم سؤؤا كذا وتجروا دون اي احترام اخاف يمدون يدهم عليها ولا يسؤؤن بها شيء ا يحرجونها بغيابك

اخي
انا زوجي بغيابه عن اهله لسفر وحاجه مثلا يؤديني لااهلي يقؤل مستحيل اخليك ابي اخواني ياخذون راحتهم شؤي ..مع اني مااكشف عليهم ولي شقه كم غرفه عندهم بلدور ال2 ولكن انزل عندهم يؤميا لاني اروح لهم بااجازه فقط .فما بالك بحالك انت وزوجتك ..
ويقؤل بعد
مااحب اتركك هناك ....
واروح لاهلي ....واذارجع مرني ورحت معه ....
فما بالك بحالك انت ووجتك مضايقين الشباب وهم اخوانك والمفرؤض العكس انت وزوجتك بلحوش وهم بلداخل ..

فهمت اخوي ...مايصلح انتم بداخل البيت واخوانك برء بغرفة الحوشّ!!!!

المفرؤض العكس وهذه العاده الي ساكن مع اهله تشوف ان له كم غرفه !!!وانت و زوجته حطوا جهه من الغرفه به جهه مطبخ صغير وفرن متحرك للضرؤره وثلاجه صغيره وغرفةدورة مياه ...وينحل الامر ...

هذا الحل بنظري ...واخوانك سبب تضايقهم هو الخلاف كما ذكرت والسبب الاخر هو
تضايقهم من وجود زوجتك بلمنزل وعدم اخذ راحتهم مثل الساااابق ....