[السلام عليكم ورحمة الله وبركاته
ابدأ بالموضوع مباشرة بدون مقدمات >>> العجلة وماتسوي
المهم سالفتي جاء رجال لوالدي الله يحفظه وخطبني
ابوي مقتنع بالرجال لانه ماشاء الله كفو ورجال بكل ماتحمله الكلمة من معنى
المهم ابوي قالي وش رايك انا رفضت تماما الى مااقنعني هو والاهل جميعهم
قلت خلاص اوافق بس بشرط انه لما اتخرج من الثانوي وانا الحين بثاني يعني باقي سنة ونصف
قال ابوي ابشري متى مابغيتي بس اهم شي انك موافقة عليه بعدين ابوي قاله ابشرك انه وافقت بس تقول بعد مااتخرج من الثانوي الرجال قال مافيه مشكله بس اهم شي انها وافقت بعدين تمت الرؤية الشرعية قبل شهر تقريبا المهم الرجال الله لايوريكم بعد الرؤيه قال لابوي انا مااتحمل لسنة الجاية ابغاه هالسنه قاله ابوي يكون خير وقالي ابوي انه يبغى السنة هذي قلت لابوي اصلا انا ماوافقت الا على اساس انه بيكون السنة الجاية يعني وشلون تسون كذا المهم اقنعت ابوي اني ماراح اتزوج هالسنة
والرجال بدا يتردد على ابوي يقول وش صار هالسنة ان شاء الله وابوي قاله انه رافضة تماما المهم هو مصر الا بيقنع ابوي وابوي يبعدي بين نارين حتى الرجال صار ابوه واخوانه يجون يفزعون معه ويتلوقون مع ابوي عشان يوافق يصير الزواج هالسنة وانا لم اوافق انه يكون هالسنة لعدة اسباب
اولا اني انا مهتمة بدراستي ومستقلبي مرة ومن يوم انا بالمتوسط وانا اخطط لااهدافي واخر شي تروح علي مع انه هو ماقصر يقول ان بغيتي منازل اواهليه وانا مااحب الاهليات ابغا مدرستي هذي لاني لو تزوجت راح انقل عن منطقتنا كله والسبب الثاني انا مااحمل المسؤؤلية ابد يعني لو صار بها السنة والنصف هذياحاول اعود نفسي بالتدريج على تحمل المسؤولية والله لو تشوفوني ماتعطوني بالثانوي
فانا نزلت الموضوع ابغا اشوف ارائكم
هل اتزوج السنة وارضي اهلي وارضيه واسكته بعد
ام اني اطيع نفسي وافكاري ونسيت اقول اختي من ابوي تبتزوج هالسنة هذا الي خلان ارفض زود
صعبة نتزوج بعطلة وحدة
والله العظيم اني هالايام حيرانة بس تفكير وبكربة مايعلم به الا الله
من فرج عن مسلم كربة فرج الله عنه كربة من كرب يوم القيامة
ابغا اصحاب الحكمة والخبرة فقط يردون

أجل أنا أسحب نفسي من الموضوع

ليش ؟؟؟؟؟

شخصياً أرى أنكِ لازلت صغيرة .. ولكنني سأجيب بناءً على أنكِ وافقتِ على الارتباط بالرجل وانتهى الأمر.



وردي..

لا يا صغيرتي .. لا توافقي على إتمام الزواج قبل الانتهاء من دراستك.

الدنيا ما بتطير وإن كان الرجل مقتنع بكِ ويريدكِ فلا ضير أن ينتظر قليلاً .. خاصةً أن الانتهاء من دراستكِ كان شرطكِ منذ البداية وهو وافق عليه .. وعلى ذلك يجب عليه الالتزام به.

__________________


اللهم طِيبَ الأثر .. وحُسْنَ الرحيل.

مشكورة على الرد
وكلامك عين الصواب بس
ويييييييييييييييين الي يسمع
وطبعا انا لسا ماملكت

انا رايي انه اذا كان مايبغى غيرك راح يصبر وانتي اصري على راييك لان كمان مستقبلك ودراستك مهمه خاصة الحياة الحين صعبة والله يوفقك يارب

اختي انا الصراحه معك بأنك تكملي دراستك .. وتخلصي الثانوي .. وهذا كان شرطك ..

والمفروض الشـاب الي خطبك بكون قد كلامـه !

ومايقعد رايح جاي سردادي مردادي عليكم !

واذا انتي شايفه ان مصلحتك بالدراسـه ومهتمه بدراستك وماراح توفقي بين الدراسـه والزواج انصحك تكملين ولاحقه عالعرس
توك صغيره .. وان شاء الله الشاب يعقل بس اكيد يبي كلمه من ابـوك نهائيه انه مافي زواج الا السنه الجايه ..

الله يوووووفقك ..

::

__________________
{ احبــــ ـــكم بلا استثنـاء ~

أنا بصراااااحة ما ألووووم الشاب ربما لأنه رأى ما لا صبر له عنه.. لأن الشاب لو رأى خطيبته وكان في أتم استعداد للزواج بمعنى أن المهر والبيت وكل شيء جاهز.. فما أظن أنه يؤخر الزواج .....
لكن لك الحق أن ترفضي الزواج في هذا الوقت.. كما أنه ينبغي أن تعرفي أنه لاتعارض بين الدرااااسة والزواج..
فكلا الأمرين بين يديك.. وسددي وقاربي.. واستشيري الناصحين من أهلك.. واستخيري ربك عزوجل.. بعد ذلك أبشري بما سيأتي لك من لطف الله.

__________________
قرأ وهيب بن الورد رحمه الله قوله تعالى {وإذ يرفع إبراهيم القواعد من البيت وإسماعيل ربنا تقبل منا} ثم بكى! وقال: (يا خليل الرحمن ترفع قوائم بيت الرحمن وأنت مشفق أن لايتقبل منك) تفسير ابن كثير1/167

امين يارب مشكورة على المرور العطر

امين يارب
الصراحة كلامك يثلج الصدر
مشكورة