صديقتي وليلتها الرومانسية - منتدى عالم الأسرة والمجتمع

18-01-2010, 03:29 PM

أم داليا

كبار شخصيات المنتدى

تاريخ التسجيل: Jan 2006

المشاركات: 2,782

صديقتي وليلتها الرومانسية

ماشاء الله تبارك الله

قلتوها خلا ص ببدا الحين بسم الله

****************************

تقول كنا يوم الاربعاء وزوجي كان هذاك اليوم رايح للحلاق ومحلق

ومتسبح ومتظبط ولابس الملابس الجديده ومتسبح بالعطر

انا هنا شكيت وقلت على ويييين إن شاء الله

قال لا حبيبتي عندي موعد مهم وراجع لك ياعسل

قلت طيب المهم طلع العصر والمغرب الا وهو واصل ومعاه

اكياااااااااااااااس كثيره وداخل وفاك كشرته عالاخر فديته (هي اللي تقول)

ونطيت بوجهه وقلت امحق ربع ساعه المهم حط الاكياس

وجا بسرعه وضمني قلت خير قال لا بس اشتقت لك

استانست ونفس الوقت شكيت

المهم قال تعالي اوريك ايش جبت لك

رحنا الغرفه وطلع الاغراض اللي بالاكياس ال واااااااااااااااااو

تيور يجنن واكسسوارات تهبل والشنطه والبوت طقم يطيرون العقل

وصرخت لييييييييييييييييييييييييييييي ييييييييي؟؟؟؟

قال اكيد لك ياحياتي اجل لمين غيرك!!

وشاري اغراض ثانيه وموووت يطيرون العقل

وباقي كيسه بس رفض يفتحها لي قال مفاجاه لك بس بعدين

قلت طيب بس بعدطلعه الروح

المهم قال يالله البسي باخذك مشوار

وييييييين؟؟؟ قال مفاجاه....

رحت بسرعه اخذت لي شاور عالسريع وكانت تقول اشوى

اني شلت شعر سيقاني ويدي ((هنا انا مت عليها من الضحك ياحليلها)

المهم تسبحت بسرعه ودقيت المكياج الفخم واستشورت شعري

خليته سايح ماكان عندي فرصه اسوي شي

ولبست الملابس اللي جابها وتخيلي يا.......طلعت مقاسي وهو في عمره ماعرف مقاسي

المهم تبخرت وتسنعت وطلعت له في الصاله وسوى كذا لما شافني ياحليله استخف

المهم وجاني وعطاني بوسه قال كل هذا لي

قلت اذا ماكان لك اجل لمين ياقلبي((ياعيني))

المهم لبست عباتي وطلعنا

رحنا لمطعم خيالي اول مره اشوف فخامه مثل كذا مره راقي

المهم جلسنا عالطاوله وطلبنا الاكل وهو جالس جنبي وياكلني

وكانت تقولي تصدقين يا....... اول مره يطلعني زي كذا

ولا ياكلني بايده مره انبسطت((ياحليلها))

المهم خلصنا الاكل وطلبنا الحلو واكله وياكلني

وسوالف وضحك وكلام حب وغزل اول مره اسمعه يقوله لي

وخلصنا ورحنا تمشينا في حديقه مررره هاديه وفيها ناس قليل مره

ونتلاحق انا وياه وانخش ورا الشجره ويدورني المهم صرنا كاننا اطفال

بس مرررررره وناسه اول مره احس زوجي كذا فديييت روحه ((هي اللي تقول))

المهم ركبنا السياره وقال الحين فيه مفاجاه احلى بس بشرط

بربط لك عيونك ضحكت ههههه كيف وانا متغطيه هاااااه كيف

قال اربطها لك فوق الغطاه قلت طيب بعد طلعه الروح

المهم مدري وين دخلنا بس في البدايه كانت صجه عالم

وشوي نمشي نمشي نمشي وبعدين فتح باب وشال الربطه عن عيوني

والا واااااااو احنا بفندق الفيصليه

الفيصيليه مره وحده ماصدقت اول مره يسويها مدري اشبلاه رجلي

واول مادخلت الورود متناثره على الارض والموسيقى الهاديه

وشموع على الارض وفي كل مكان وصندوق احمر مخملي على الطاوله وكبير

المهم دخلنا وفسخت عباتي وراح لبس بجامه جديده اول مره يلبس بجامه

وجلست كاني في ليله دخلتي ههههههههه

وقالي يالله افتحي الصندوق وقولي ايش رايك حياتي

فتحت الصندوق ولقيت قميص نوم وشفته يهبل بس وش يخبي من الجسم استحيت البسه بس عشان مافشله لبسته

والا جالسه امطط فيه كل ماقمت خخخخخخخخخ

ولقيت طقم ذهب رووووووووعه يجنن رحت له وضميته وشكرته

وشوي وراح ابكي

استانس وقال تستاهلين كل خير حبيبتي

المهم رحت وتعدلت بالحمام ((اكرمكم الله))

ويوم طلعت لقيته ........

وماسك فرشه الشعر ويغني لي على باله

وانبسطت وصار اللي صار عااااااااااااااااااااد

المهم تقول حطيت راسي عالمخده واسترجع اللي صار اليوم

وانا مو مستوعبه كيف هو مو كذا صحيح يهتم فيني بس مو لهدرجه

اول مره يسويها ((قلت لها والله مايبين في عينك وش تبين الرجال يسوي بعد مالومه احتار ))

قالت لي ((انطمي بس جايتك في السالفه))

وش هالاهتمام اللي نزل فجاه لازم اعرف السر

المهم نمت ومانمت نص واعيه وانا اسمع احد يناديني

بصوت ضايع شوي فـ..ط...و...ر.... يا....ا....ل....ل...ه

ومو مسموع بالظبط وانا متروعه ونطيت بسرعه الا زوجي الحنون

يقول يالله قوووووووومي سوي الفطور تاخرررررت عالدوام

وقال والا اقولك مابي تاخرت ولا تنتظريني اليوم عالغدا بنطلع البر

انا واخوياااااي زين عودي ارقدي

وانا جالسه عالسرير وماتحركت مو مستوعبه واقول توني بسم الله

في فندق الفيصليه وش جابني فيذا

واشوف لبسي لقيته بجامتي الورديه القطنيه وعلي شرابي

وايقنت انه حلم

واقمت وانا اقول في نفسي انا قايله مو من عوايده يسويلي مفاجات

تعلموني فيه انا اخبر به

انا هنا (( فطست من الضحك ههههههههههههههههههههههههه))

وترى هي قالت لي كذا نفس الاسلوب يعني في البدايه ماكنت ادري انها حلمانه المسكينه

ياحليلها الله يسعدهاوقلت اخبركم بنفس الاسلوب وترى صدق السالفه حياتي عليها

وهذي هي سالفة الف ليلة وليلة في فندق الفيصلية
م ن ق و ل

التعديل الأخير تم بواسطة أطيـــــــاف ; 22-01-2010 الساعة 11:39 PM

18-01-2010, 03:47 PM

ملكة الطيبة

عضو نشيط جدا

تاريخ التسجيل: Dec 2009

المشاركات: 428

يلا انبسطت شوي بالمنام
حلم حلو

18-01-2010, 05:01 PM

بنت مكة2008

كبار شخصيات المنتدى

تاريخ التسجيل: Apr 2009

المشاركات: 7,516

قصه حلووة ههههههههههه عقبالكم

اتوقعت من الاول انها حلم

__________________
ياررب ارح قلبي وعوضني خير

18-01-2010, 05:24 PM

alHafeed

عضو جديد

تاريخ التسجيل: Jan 2010

المشاركات: 17

ههههههههههههه

كسرت خاطري والله

18-01-2010, 05:29 PM

بكر الشايب ياسمين

كبار شخصيات المنتدى

تاريخ التسجيل: May 2009

المشاركات: 3,613

والله اني دريت انه حلم من ثاني جمله يا ام داليا

يالله ! على الاقل حصلت الي تبغاه بالحلم ههههههه

__________________

اللهم ارزقني بالذرية الصالحة يا رب

18-01-2010, 05:42 PM

n_stu

عضو نشيط جدا

تاريخ التسجيل: Jan 2006

المشاركات: 284

لا انا توقعت انه بعد الحفلة هذي كلها انه يقول رح اتزوج عليكي .. يعني الموضوع فقط تمهيد لا اكثر

اشوى انه حلم

__________________
احفظ الله يحفظك

18-01-2010, 06:10 PM

باحثة عن الحق

عضو مميز

تاريخ التسجيل: Aug 2008

المشاركات: 258

اضحك الله سنك ... و الله غرت من الحكي

منيح اللي طلع حلم

__________________
باحثة عن الحق

18-01-2010, 08:01 PM

سحابة الصحراء

قلم مبدع

تاريخ التسجيل: Aug 2006

المشاركات: 6,406

تخليتها وفرحتها وكل شوئ اقول ماشاء الله هذا هو المفروض

بارعة في سرد القصة

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

18-01-2010, 08:32 PM

L.haGawi

عضو نشيط

تاريخ التسجيل: Dec 2009

المشاركات: 194

.
.
يـآ حليلهآ ،ـ كسرت خـآطري /،
الله يرزقهـآ بلي تتمنـآه وأكثر .!!
.
مشكـورة حبوبــتي على القصـه الحلوة ~.,

__________________

18-01-2010, 08:45 PM

#10

أطياف المجد

كبار شخصيات المنتدى

تاريخ التسجيل: Jan 2007

المشاركات: 2,430

الله يقطع إبليسك يا أم داليا كنت حاطه يدي على قلبي وأنزل سطر سطر

أنتظر متى يقولها زوجها أنه بيتزوج عليها الواحد صار يخاف من الرومنسيه اللي تطب فجأة بدون مقدمات

يالله يطلع حلم ولا يطلع زواج ثاني

أسعدك الله كما أسعدتينا

موفقة

__________________

[استغفرالله وأتوب اليه.]

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه