السلام عليكم ورحمة الله وبركاته
اولا: اشكر القائمين على هالمنتدى الرائع واسأل الله ان يكون في ميزان حسناتهم
طبعا انا من زمان وانا متابعه هالمنتدى وما توقعت بيوم احتاج اكتب خاصه اني ما احب الكتابه بالنت
نجي للمهم واللي دعاني اكتب هالمره
توفي زوجي الله يرحمه وترك لي طفلين ثم تقدم لي زوج رائع وطيب وحنون والحمدلله تقولون ايش المشكله؟
اول ما كتبنا العقد وبدت المكالمات طلب مني اسوي تحليل عن الوباء الكبدي وليته طلب من اهلي هالشئ قبل العقد سويت التحليل وطلع فيني وباء كبدي بي خااامل انقطع عني قرابه اسبوع ثم رجع اتصل انا لما سمعت صوته بكيت مو مسأله ابغاه يتمسك فيني لا والله بس انثى ومهما كنت ضعيفه وتحت تأثير صدمه هو فهم اني ابغاه وما اقدر استغني عنه وانا والله ما انتبهت لهذا كله راح المستشفى واخذ التطعيمات الثلاثه واستمرت العلاقه وتم الزواج وجبت ولد
خلال هالمده كلها كانت تصدر بعض التصرفات بس كنت اقول في قلبي خايف على نفسه ومعاه حق بعد ولاتي بثلاث شهور طلقني طلقه وحده على مشكله والله تااااااااااااافه وهو قصده بالاساس عشان المرض وانا كنت عارفه هالشئ بس قلت خلاص نصيبي والحمدلله طبعا بعد طلاقي قال لزوجته الاولى عن المرض جلس اسبوعين ثم جاء واعتذر وقابل اخواني وطلب اني ارجع واصر وقال هالمشكله صغيره والبيوت كلها تصير فيها مشاكل وكلااااااااام وهو يخفي بقلبه السبب الحقيقي اللي خلاه يطلق وعلى باله اني مو فاهمته زين المهم مع الرسائل والالحاح والوضع اللي انا فيه خاصه اني ساكنه عند اخوي رجعت وهنا زعلت حرمته الاولى وطالبت بطلاقها بحجه الخوف على نفسها وعلى عيالها وتغير الرجال علي صار يغسل الكوب بيده قبل يشرب يبتعد عني الحمامات ثلاث مرات او اكثر بديتوول حركات كأني استغفر الله جرثومه الولد لا ترضعينه00 لا تسوين00 لا تفعلين 00انتبهي00 من غير كل شوي مسوي تحليل ويطلع سليم الولد كمان سليم والحمدلله انا صراحه خلااااااص تعبت جلست معاه وكلمته بصراحه وطلبت يطلقني قال انا وراي عيال وزوجه ومالهم احد غيري وانا وانا عشان كذا سامحيني قلت له مسامحتك بس طلقني قال لي خلاص ورجعت لبيت اخوي وحاليا جالسه ادور شقه لي اسكن فيها مع عيالي اليوم جاني اتصال منه وما رديت عليه وخايفه يروح لاخويه ويقول ابغاها ترجع وانا محتااااااااااره بين نارين حاجتي لرجل يساعدني بهالدنيا وبين كرامتي ونفسيتي اللي تدهورت
ايش اسوووووووي ؟؟؟؟؟؟؟؟؟؟؟

عفواً تم تعديل العنوان ليتضح المضمون/الاشراف

لاحول ولاقوة الا بالله العلي العظيم

ياأختي الحل عند الواحد الأحد الصمد

عند مناجاته في جوف الليل

توضئ وصلي وادعيه في مثل هذا الوقت فهو ينزل سبحانه الى السماء الدنيا


ان الله يستحي ان يرد يد عبد ناجاه

فادعيه واستغفريه فمن لزم الإستغفار فرج الله همه واخرجه من ضيقته


الله يفرج الهموم ولا تنسي الإستخااااااره

__________________
حسبي الله ونعم الوكيل

يااختي ياحبيبتي اذا الرجال طلقك عشان المرض كان ماتزوجك من الاساس
تعوذي من الشيطان الرجيم
ورجعي بيتك مشكلة سهلا ولها حل باذن الله


ودلعي زوجك ودليليه وراح ينسى كل شي
صلي على النبي
موفقه

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

الله يعينك حيبيبتي و يسهل امورك ..

غاليتي ردي على اتصاله و ان كان يبي يردك و انتي محتاجته ..

لا توافقي ترجعي الا بشرط وهو انك وهو و زوجته الاولى تروحوا لطبيبة و تشرحلهم كل شي عن هذا المرض

و تاكد لهم انهم مدام تطعموا فا مافي خوف منه ... عشان يتطمن و يبطل تصرفاته ...

واذا ماودك ترجعي له .. خلاص كلميه بصريح العبارة و فهميه انك ماعاد تبيه و بس تبين تربي اولادك .. و ان شاء الله يتفهم و يسيبك لحالك ..

الله يعينك اخيتي

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

استخيري في رجعتك له والخيره فيما اختاره الله ...........................

وربي سيلهمك الصواب بإذن الله تعالى................................

وربنا يوفقك .............

اولا اعذروني راح ارد رد جماعي
اولا انا خرجت من البيت وحنا متفقين على الطلاق بسبب هالشئ بس للحين ماطلق
ثانيا محتااااااااااااااره ارجع واتحمل حركات مالها داعي والحين بتزيد علي كمان حركات زوجته او أصر على الطلاق خاصه انه متذبذب هو بنفسه مو عارف ايش يبغى يعني لو اصر على الطلاق بيطلقني بس مدري

يا أختي مثل ما قالت نورة .. خلي علم الطب يقول رايه

ردي على مكالمته وإذا قالك يبيك ترجعين له .. قولي له نروح للمستشفى

ونسأل الطبيب عن كل شي نبغيه حول المرض .. العدوى .. التطعيمات .. كل شي

عشان يطمن ويتخلص من الوسواس الي فيه

زوجك شكله يحبك وقلبه مو مطاوعه يطلقك عشان كذا تحسينه متذبذب

وأكيد شايف فيكِ حاجات حلوة ولا يبي يفرط فيها

واحنا في عصر الثورة العلمية .. روحوا اسألوا ..

لا تجلسون تحتارون وتتعذبون والطب في خدمة البشر

__________________

الله يكون بعونك مهما صار انتي الي بحاجته 3اطفال كبيره والله ارجعي له ومع الايام راح يفهم وانتي تحملي عشان ابنائك

حبيبتي باريسا زوجي ممرض وعاااااارف الطب زين وعارف كل شئ عن المرض وراح لكذا دكتور وسأل واخذ التطعيمات
وكانت حياتنا ماشيه صح فيه حركات بس كنت بالعتها بس الحين بعد ما درت زوجته زادت هالحركات وهي الله يسامحها حصلت بيدها سلاح قووي ضدي وجالسه تضغط عليه يعني انا لو رجعت وربي ما كتب لي الشفاء بعيش بذل
والله مدررررررررررري بس ادعوووووووا لي

لا حول ولا قوة إلا بالله العلي العظيم

العيب مو بس في زوجته إلا فيه اهو .. أجل ايش خله للجهلة الي عمرهم ما درسوا

المهم الحين .. أنا أنصحك تردين على مكالماته .. وإذا طلب منك ترجعين له .. قولي له انك تبغين تجلسين معاه

اجلسي معاه جلسة مصارحة .. وحطي النقط على الحروف

قولي له أنت ليش تعمل معي كذا .. وكذا .. وكذا .. ايش معى هالحركات هذي ؟؟

هل أنت خايف من المرض ؟؟

إذا خايف أنت انسان دارس وفاهم وهذا مجال عملك وسألت كذا دكتور وأخذت التطعيمات

إذا بعد كل هذا أنت مو مطمن وخايف وتوسوس أنا مراح أكلفك فوق طاقتك ولا راح أطالبك بشي انت ما تقدر عليه

أنا اولاً وأخيراً أنسانة لي احساس ماني جماد وأتأثر كثير بهالحركات الي تعملها

وزوجتك خلها تخاف الله .. أدري انها تغير لأنها أمرأة مثلي .. بس قولها ترى الدنيا ما انتهت

ومليانه أمراض متجددة ما ينعرف لها علاج .. والانسان يمشي وما يدري بكرة وش مكتوب له

لا اهي ولا غيرها من الناس ضامن عمره ولا صحته

إذا تبيني أرجع معاك .. راح أرجع بس توفر لي الراحة النفسية وكذا وكذا وكذا .. >> الي تبينه قوليه

ابيك تخاف الله فيني وما تتصرف معي هالتصرفات وتعدل بيني وبين زوجتك

إذا أنت قادر تعمل هالشي راح أرجع .. وإذا ما تقدر " يغني الله كلاً من سعته"

والله ما يكلف انسان فوق طاقته .." لا يكلف الله نفسًا إلا وسعها "

هل أنت قد هالحمل .. هل أنت قادر تحسسني بالأمان معاك ؟؟

إذا تقدر راح ارجع معك بس توعدني أن الي صار قبل ما يتكرر

وإذا ما تقدر أنا أعفيك من هالمهمة وكل واحد يروح لحال سبيله

__________________