انا اخرج واروح المناسبات
وعادي اموري
لكن الي استغرب منه انه محد يتقدم لخطبتي
وفي ناس كثير يمدحون جمالي وبسرعه يميزوني بالحفله لاني اتعمد لفت الأنتباه باني اسلم على الجميع واحاول اكون اجتماعيه مع الآخرين وسولف واتعرف على ناس جدد بستمرار واحاول اترك اثر طيب عند الآخرين وهذا شيء احاول انميه بنفسي سواء عشان الخطبه او لمجرد معرفة الناس

الي حاصل لي اني مره وحده بس جت حرمه لبيتنا عشان تخطبني ولا صارت
ومره وحده دقت تلفون على خالتي ولا صارت

الغريب محد يجي يخطبني نهائياً وعمري الآن 25 سنة وداخله 26
اشوف اختي الي تزوجت ماشاء الله عليها خطبوها ناس وكانت وقتها تشتغل وتزوجت
وعماتي في ناس يخطبونهم وتزوجوا وفي بنات ينخطبون
اما انا محد يخبطني ابد ابد ابد

فأنا استغرب هل هذا طبيعي !!

في بنات يقولون يخطبونهم مطلقين او متزوجين او مادري ايش بس انا محد يخطبني نهائياً

صراحة صرت افكر كثير في الموت وخايفه

ادري ان هذا قضاء الله وقدره لكن الدنيا تخوف مافيها أمن واغبط الي ماتو على حسن خاتمة ودي اصير زيهم الله يرزقنا حسن الخاتمة ولا هالدنيا برجالها ونسائها تخوف

صراحة انا خايفة حيل من الحياة وخايفة من اني اعيش في الدنيا اكثر

ياساتر تعوذي من بليس وخلي عنك هالاوهام

انتي محد خطبك لانه ماحان الوقت اللي يجي فيه الانسان اللي مكتوب لك

وانتي على كلامك جميله

طيب هذا هم غير جميلاات ويتزوجون

يعني بالمختصر المفيد كل انسان بياخذ نصيبه بس الصبر

بصراحه وبدون زعل وكل عائله تختلف في عوايدها
احنى عندنا البنت الي تقوم تسلم على الناس وتدور بين طاولات الحريم وتسولف نعتبرها جريئه جدا وملقوفه مره وعن امي واهلي ونفسي ما راح اخطب لاخوي بنت تسوي كذا

خليك هاديه وخجوله الناس تحب البنت الي كذا مو الي تقوم تدور

سؤال



هل كل أحد يجي يخطبك لازم تدرين عنه ؟ (يعني يمكن يجي أحد يخطبك -وما يصير مناسب- بس أمك أو أبوك ما يقولون لك)

__________________

أنتـــــي واضح من كلامك انك ماتتصرفي على طبيعتك
وتحاولي لفت الانتباه .... وترا هالشيء يؤثر على شخصيتك .....
خليكــــــي طبيعية .... والله يرزقك بالزوج الصالح عاجلا غير آجل ...

__________________

لالالا قصدي اني اهتم واقدر الناس الي اعرفهم من قرايبنا واهلنا مو جرأة بس اني احاول ابين لهم ترى انا موجودة


في البداية كنت هادية وخجولة ولا امشي إلا جنب امي ولا اقوم ارقص إلا لما احد يقولي ارقصي واقعد اتـثقيل واتدلع وانا ميته على الرقص ....... بعدين لما صار عمري 22 سنة إلى اليوم 25 سنه وداخله 26 صرت اتصرف على طبيعتي واحاول انسى موضوع الخطبه بس ماقدر غصب يشغل مخي
بس مو الدرجة اني اروح من طاولة الطاولة
قصدي لما يكونون ناس جالسين جنبي ممكن اتعرف عليهم واخذ واعطي بالكلام معاهم حتى لو ما كنت اعرفهم من قبل ممكن اقوم من مكاني واروح اسلم على مرت خالي جالسه في مكان بعيد واسألها عن بناتها واسلم على الحريم الي حولها

وتصدقين اقول النفسي نفس الكلام خذي راحتك ترى الي ماخطبوك وانت هاديه وتضغطين على نفسك ماهم خاطبينك وانتي على طبيعتك

وبعدين يقولون الاقاربي يحليها فلانه شفنها بالمكان الفلاني كنا جالسين جنبها ومادري ايش .........): طبعاً هذا يفرح اي حرمه ان الواحد يمدحها عند ناس ثانين بس انا يخليني ازعل واقول وش الفايدة دام محد يخطبني
وبعض الناس يحسبوني اني ارد الناس مايدرون ان محد اصلاً يجي عشان نرده خخخخخخخ ماخذيني فيني مقلب

لا امي وابوي يقولون لي من قبل بالعكس امي تقهرني بنقطه انها ما تخبي عني شيء ياليتها تخبي وتحترم مشاعري اصلاً لو جأ بتقولي تبي تفرحني وتقول شوفي على الاقل في احد ذكرك

الله يجزاك خير ويرزقك من خير ماعنده امين يارب العالمين

الله يستر عليكي....

بس ما فهمت ماذا تقصدين بالتفكير بالموت.......؟؟؟؟؟؟؟؟ ياليت التوضيح

اما عن الموضوع......فعلا تصير..... يمدحون الناس بالوحده..... يحليلها ....ويازينها ولا من يخطب...اتوقع انها عاده عند الناس مدح البنت اللي ما تزوجت....عشان يفرحونها ويفرحون اهلها.....او من باب المجامله..........زي لما نقول للطفل بطل.......

يعني كلمه بدون اي قصد....او من باب الفضول....دائما اسمع الناس يسالون عن بنات غير متزوجات.......ليس لهدف الزواج ابدا ولكن.........فضول........


ليس لكم إلا الله......والدعاء والله على كل شئ قدير...........

الإستغفار والتوبه لله من الذنوب..................................


الله يرزقك الرجل الصالح الذي تتمنينه

الحياة بواقعيتها والامها ومخاوفة تزهد الانسان فيها هذا قصدي بالموت
الناس الي متمسكين في الحياة عندهم احلام وردية ومالخ
لكن انا ما عندي شيء لاني عارفه الواقع عشان كذا خايفة

خايفه الله يسعد الناس الي ماتو بحسن خاتمة ويلحقنا معاهم