السلام عليكم ورحمة الله وبركاته


بالبدايه أقول الله يعين واحد يدور عروس , راح يكون تحت ضغط نفسي رهيب جدا جدا

ناس رفضوه , وناس سألوا عنه , وناس يتهربوا منه .... الخ .

وتدور الاسئلة براسه : ليش رفضني ؟ وش ناقصني ؟...الخ .

كثير منا تكون له شروط ( أبسط حقوقه ) ولكن بعد دخوله في معترك الضغط النفسي يتنازل تدريجياً عن أغلب شروطه , وما يتحسف الا بعد ما يطيح الفاس بالراس


عموماً

نصيحتي لكل شخص نوى الزواج , لا تتنازل عن اي شرط تبيه في زوجتك ( نحيفة , سمينة , جميلة , سمراء, بيضاء ...الخ) .




النصيحة الثانية عند الرؤية الشرعية


بسم الله :

قبل ما تشوفها أكيد راح يكون عندك تصور مسبق عن البنت


أنصح أي شخص أنه يكتب شروطه الأساسية بورقة قبل ما يدخل على البنت ويشوفها


مثلاً :
أبيها بيضاء
أبيها نحيفة ما تكون سمينة
أبيها جميلة


_______________________


بعدين أبيك تحط هالنقاط وما تجاوب عليها الا بعد الشوفة :

التطابق مع شروطي الاساسيه

الراحة النفسية من شكل البنت

أهلها وأشكالهم وارتياحك لهم .

عيوب البنت
_________________________

اذا كان اهلك راح شافوا البنت علمهم شروطك وقلهم لا توصفون لي البنت , ولكن اسألهم هل هي تناسب شروطي اللي يعرفونها والا لا ( لأنك تبي تشوفها فخل الحكم لك بدون تأثير منهم ) .

لأنه يا شباب الحريم ينظرون نظرة غير نظرتنا كرجال

الحريم يركزون على الملامح ( لازم خشمها كذا , وعيونها كذا , وافمها كذا جسمها كذا ..الخ )

اما الرجال لا , نظرتهم الشكل العام مع بعض ( يا حلو يا شين ) يا اسود يا ابيض

بعد كذا اذا رحت وتوكلت على الله ورحت تشوف البنت

أنتبه ثم أنتبه أنه يكون بالمجلس أكثر من رجال واحد معك , وأنصحك تطلب منهم أنه يكون رجل واحد فقط ( والعوايل الواثقه بجمال بنتهم تخلي اصغر الاولاد هو اللي يدخل مع أخته ) وبالنهايه هالشي من مصلحة بنتهم .


لأنك راح تكون محرج منهم , وكل واحد يناظرك بعين , وأنت خجلان من الجو العام اللي صاير .



الشي الآخر : أول ما تشوف البنت تأكد من أول نظرة انها مو حلوة , لا تستغرب هالشي

السبب لأنك راسم لها صورة ملاك في عقلك الباطني , فطبيعي أنها تكون مختلفة عن اللي في بالك


صد عنها , همن أرجع شفها النظرة الثانية راح تكون مختلفة عن أول نظرة شفتها فيها .




أهم ما بالموضوع عزيزي الخاطب :

أرجوكم ركزوا على هالنقطه :

عليك أتخاذ القرار وأنت في مجلسهم وأنت تناظرها


ولا تشاور أي مخلوق حتى أهلك وخواتك وأمك في البنت


يا أبيض يا أسود


بالنهاية أرجع لبيتكم وصل الاستخارة وافتح الورقه اللي فيها شروطك الاساسيه


أول ما تكتب : أكتب الاشياء اللي سبق قلناها


وتخيل نفسك تطبق السلبيات والايجابيات


تأكد من شي :

أذا كنت معجب بالبنت راح تتغير شروطك 100% وداخلياً تقول موافق حتى لو هي مو مثل شروطي .


لكن حاول تقول رايك في نفس الوقت اذا استطعت في اثناء الشوفة حتى تريح البنت لانها تكون خايفه

مهما كان مستوى جمالها وثقتها فيه

والله يوفق الجميع

منقوووول

كلام صحيح 100 %

أثناء قراءتي للموضوع .. تخطر في بالي أمور أود ذكرها .. ثم أجدها مكتوبة بعد ذلك

الله يعطيك العافية

نقاط جدا مهمه

شكر على الموضوع

كلام غاية في الروعة

لكن لي تحفظ على آخر عبارة


لكن حاول تقول رايك في نفس الوقت اذا استطعت في اثناء الشوفة حتى تريح البنت لانها تكون خايفه

مهما كان مستوى جمالها وثقتها فيه

هذه مستحيلة للخاطب .. خصوصاً إنه لا بد أن يخلو الموقف من التوتر .. من تجربتي الخاصة على الأقل..

مجدداً أقول .. كلام رائع وموزون ويعلم الله شعرته كتب بقلم صاحبه صريح وطيب

دمتم بسعادة

__________________

ما شاء الله عليك الي صار لي مثل ما ذكرت بالحرف الواحد جزاك الله خير اخي الكريم

تبي الحق

اذا بنطبق الكلام اللي قلته ماراح نتزوج ابد

انا كان عندي 4 شروط على مدار 4سنوات تنازلت عنها تدريجيا باقي شرط واحد هو ان تكون انثى

وضع الشروط سهل

لكن .......... مطابقة الشروط على الواقع صعب ....

والمثاليات في الزواج تدمره ... من بداية الاختيار حتى تفاصيل الحياة الزوجيه

وكن معقولا متوسطا في الطلبات والمواصفات ... ومركزا على الدين والخلق

تسعد في حياتك الزوجيه

وقبل ان تضع شروطك ...... انظر في المرأة ..... وتخيل انها تكتب شروطها

واتقوا الله واختاروا لنطفكم

جزاك الله خيراً أخي

كلامك واقعي لحد كبير

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

اقولها وبكل صراحه

مشكلتنا يالشباب نركز على الشكل أولا وأخيرا

وياكثر المطلقات بسبب هالنظره الدونيه للشباب

يبي وحده حلوه حتى لو انه شين

مشكوورررين