السلام عليكم ورحمه الله وبركاته
اخواني واخواتي هاذي اول مشاركه لي في هاالمنتدى رائع ويعلم الله وش كثر استفدت منه
واريد استشيركم في امر واريد من اخواني الرجال يردون علي لاني بنت ومدري وشلون الرجال يفكرون المهم
انا مخطوبه وعاقد على زوجي من 5شهور تقريبا وزواج بعد العيد باذن الله المشكله هي احس ان زوجي تجيه فترات مايكلمني الا قليل مره واجلس اعاتبه ويصير يكلمني بس بعدين ويرجع يسوي كذا مره ثانيه وانا بالعاده يوم يدق دائما احاول اشعره اني مهتمه به من حيث اكلت او لا ومن هالكلام الحين مضايقه حيل من تصرفه وناويه ماادق عليه ولا ارسل وماادري ابين له اني زعلانه او لا انا عارفه انه مشغول بس انه مايكلمني غير كم دقيقه عجزت اصبر الله يخليكم علموني وش اسوي ادري موضوعي مو منسق بس من ضيقه اللي فيني والله



الاشراف: تم تعديل العنوان, بالتوفق

يااختي اكيد مشغول وراه زواج وبيت واكيد قاعد يجهز البيت

اكتفي برسايل هالوقت الين مايفضى واكيد راح يتصل هو

وبعدين اذا اتصل لا تسالينه اكلت ولا شريت او جهزت البيت

تكلمي في مواضيع ثانيه خليه يتكلم عن نفسه اسمعيه

لاتشغلينه اذا كان مشغول

اتمنى اكون افدتك

والله هالايام النجوم كثيرة

فلا تحاولي تروحي بعيد قربي منه بقدر ماتستطيعي وحاولي تحسسيه انك معاه، وارسليليه رسايل حلوة

اخشى انك مالفتي نظره او منتي على قدر من الجمال او او او او الله يعلك كيف تصرفك معاه


وربنا يرفع عنك الضيق

الله يسعدك يارب حبيبتي بس حبيت اخبرك ان في رجال طبعهم كده

__________________

أللهم إنك عفوا كريم تحب العفو فأعفو عنا

يمكن خطيبك يتصور ان اهلك لايرغبون بكثرة اتصاله بك او مواضيعك مكرره وممله حاولي ان تعرفي سبب عزوفه عن الاتصال بك بطريقه غير مباشره والله يوفقكم .:14:

اذا كان مشغول لا تضايقينه ولا تجبرينه انه يكلمك خليه يكلمك اذا هو اشتاق لك لكن اذا ضغطتي عليه او زعلتي بيصير يكلمك اداء واجب..

اتركيه لين هو يرجع يدورك وكل مرة طنشي الين ماهو يتعود انه هو اللي يجي وراك ويدورك واذا كلمك تكلمي بالمواضيع اللي تهمه اذا كان يحب الكورة ولا الافلام ولا حتى بشغله..

يمكن انتي تتكلمين عن تجهيزات الزواج او البيت وهالشي ينرفز بعض الرجال هو يبغا يكلمك عشان يرتاح مو عشان يتكلم بالاستعدادات اللي هاده حيله..

اذا انتي شاطرة اعرفي المواضيع اللي يحبها واذا طول مرة ارسلي مسج اشتياق واذا كلمك وحسيتي انه مشغول لا تضغطين عليه بالعكس قولي انتي مع السلامه قبله عشان ما ينحرج ويشيل هم مكالمتك..

يمكن هو لسا يستحي منك ومابعد مان عليك مرة او كلامه قليل وما يلقى شي يقوله لا تستعجلين احتمال كبير بعد الزواج تتغيرون..

__________________

يا أختي

الأمر عادي جداً


الرجل مشغول في تجهيز البيت والأثاث

أعذريه ولا تزعلي نفسك من أمور عادية


تحياتي

اختي "pink77" الله يعينك اذا هذا طبع زوجك ولازم تصبرين او يمكن مشغول بامور الزواج وما يحب تكثرين عليه الاتصال....اضرب لك مثال بعد ما قضيت شهر العسل ورجعت للدوام الي في الحقل قلت لزوجتي ان شاء الله بدل ما اجلس 60 يوم بحاول اخليها 45 يوم وبعد مرور شهر صارت تذكرني بالموضوع هذا وانا اقول لها "خير ان شاء الله" وترجع مرة ثانية تقول "ايش سويت؟؟" اقول لها "اصبري عادني ما كلمت المدير" وتتصل مرة ثالة لين ظبحتبي وقلت لها "اذا فتحتي ها الموضوع مرة ثانية ما بكلم المدير" وبعدين سكتت والحمد لله حصلت الي أباه.

الله يوفقكم ويتمم زواجكم على خير

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند

طنشيييييييه هو بيتصل لما يشتاق لك
ولما يتصل خليكى كول وفرفوشة عالاخر
لا تنكدى عليه عشان مايندم على اتصاله
مبروك مقدما
بالتوفيق

السلام عليكم ورحمة الله وبركاته



اختي الكريمه حفظك المولى ورعاك

وألف بين قلبك وقلب زوجك


اختي


زوجك وضعه طبيــــــــــــــــــــــــعي جدا جدا

وكل الرجال كذا في حالة انشغالهم


الصعب عليك انك ماتشوفيه عشان تعرفي انه متضايق او طفشان يعني كل تواصلك معاه بالتلفون


لكن ان شاء الله اذا تزوجتوا بتعرفيه من وجهه انه طفشان ان مشغول

فوضع زوجك طبيعي




النقطه الثانيه

شيء طبيعي زوجك مهموم وشايل هم ومشغول باله وتفكيره بالزواج وتأثيث فلا تزيدي عليه



***
الرجل بطبعه تجيه فترات ينسحب ويبعد عن شريكة حياته وحبيبة لفتره من الزمن سواء ساعات او ايام

ليس لعيب فيها او زعلان منها لالالالا وانما ليجدد مشاعره ويشحن طاقته

فبعد هذه الايام سيعود وبقوه وبكل حب وشوق


كل ماعليك بهذه الفتره الصبر والبعد عن العتاب والزعل والتشكي اعطيه فرصه حتى يبعد

تواصلي معه عبر الرسائل

ولكن
1\\ رسائل قليله.
2\\ بدون تشكي وعتب


3\\فيها غزل او دعاء

مثل \\(( كيفك حبيبي حبيت اسلم عليك واطمن خذ راحتك سهره سعيده،، ))


هذي الرسائل يعني انت معاه ومو معاه


صدقيني راح ينبسط بهذي الرسائل الحلوه الهاديه البعيده عن الشكوى والعتب




**

اخيتي

خلال هذه الفتره اشغلي نفسك

اطلعي سوق او قابلي صديقتك ،، اعملي زيارات ،، اقرأي كتب تجذبك او تفيدك في التعامل مع الزوج

اعملي رياضه وروحي نادي

المهم اشغلي وقتك


وصدقيني راح تشعري بالراحه وبنفس الوقت راح تعطي زوجك وقت كافي لراحه



ويومين ثلاثه راح يرجع لك مثل اول واحسن

اهم شيء اذا رجع لك لالالالالالا تعاتبيه خليك عادي

واحكي واضحكي ودردشي له فين رحتي وماذا فعلت ووو



وعيشي معاه وكل كأن شيء يكن


لآنه في الاساس مافي شي

كل ماهنالك محتاج يغير جو





** نقطه كمان مهمه

لاتعامليه مثل الطفل

اكلت ،، شربت ،، نومت ،، انتبه من البرد وووو


هذي كله نوعا ما على المدى البعيد راح تزعجه وينفجر عليك ويقولك انا ماني نونو

وانا عارفه ان هذي طبيعتك وان تصرفك هذا من حبك له

لكن استحملي شوي


لازم نوازن بين مشاعرنا وبين احتاجاتهم






واخيرا

اود ان اذكرك ونفسي بنقاط مهمه جدا جدا جدا عن تجربه

1\\ كثرة الدعاء والاستغفار والبعد عن المعاصي


2\\ ثقفي نفسك بمجموعه من الكتب او Cd

هناك مجموعات رائعه جدا غيرتي كثير وغيرت من حولي

اذا رغبتي ذكرتهم لك


3\\ استمري بصلاة الاستخاره



4\\ الصبر ،، الصبر ،،، الصبر


الحياة يبغالها صبر صبر صبر



والله يوفقكم ويسعدكم ويألف بين قلوبكم وييسر امر زواجكم

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا