بسم الله ارحمن الرحيم
رجعت اليكم مع اول مشكلاتي او عقباتي.
انا ودي اطلع قرض من البنك ولكن اخي الاكبر رفض وقال بع الاسهم والاسهم ماتسوى 60الف وهو من عنده 85الف وانا احتاج سيارة سيارتي منتهيه
ومحتار ومن اليوم وانا احسب ماش ماتضبط.

فارجوا مساعدتي.
وثاني شي ابي كم تكلف الشقة حوالي بدون دهانات يعني اثاث فقط.
وفي الايام الجاية نبي نروح نحدد متى حفل الزواج ومرتبك....

وبس افكر وادخل بالتفاصيل حتى اني بغى يصير لي حادث بسبت التفكير اليوم.
بس الحمد لله
وانا اشعر بسعادة عندما يقلون لي مبررروك حتى اللي ردوا على بموضوعي السابق والله فرحة وشعرت بالفرح...........


يمكن نخلي الزواج بالأسبوع اللي بانصف الثاني الاجازة الربيعية
ويمكن بصيفية...........

بس مستعجل صراحة ومتحمس بس خايف من هااا الحماس انصدم.
واشكركم


الاشراف : تم تغيير العنوان . بالتوفيق .

اذا تقدر تطلع قرض وراتبك يساعد يعني اذا خصم الاقساط تبقى شي جيد توكل على الله اما اذا كانت الاقساط بتاخذ جزء كبير من الراتب من انصحك فيها ابد


مبروك مقدما

بارك الله لك و بارك عليك و جمع بينكما بخير

ما الحاجة لاخذ قرض؟؟ و كم تحتاج؟؟

وداعة الله

اخي العزيز : الله يبارك لك ويتمم لك على خير ان شاء الله ..

نقطة مهمة جدا للمقبلين على الزواج :

الزواج مو معناته سيارة جديدة ولا فاخرة ولا شقة ملك ولا شقة غالية و لا .. ولا ... ولا ....

انا اشوف اخوي الفاضل ،، انك من الافضل انك تشرح وش تبي في القرض ؟؟ ولا وش الشغلات اللي تبيها اساسية قبل الزواج و بعدين ان شاء الله اقدر اخطط معك كيف نقدر نحصل عليها ..!!!


تقبل اجمل التحايا .. ابو متعب

ما فهمنا وضعك بالضبط..

انت عندك حق المهر والشبكة يعني؟؟ وكم قيمة السيارة اللي بتشتريها؟؟ والشقه مأجرة وخالصه ولا بتأجر وتدفع اجار؟؟

يعني صعب نقولك فلوسك تكفيك ولالا واحنا مو عارفين التزاماتك بالضبط وكم عندك بالضبط..

__________________

مما اثلج صدري
تعاونكم معي قسم بالله اني ادعي لك من يتفضل علي بالرد والاهتمام.

انا شقتي اجار 900ريال شهري(يبيله بعض الترميمات البسيطة)
سيارتي تسوى 20الف
معي سيولة من غير الاسهم حوالي 25الف
بالاضافة الى الاسهم
الراتب 8000الاف ريال من غير خمستنا.
60 الف الاسهم 85الف اخوي.

يالله خططوا معي......
رغم ان القصر عندنا مايتعدى 10الالف الذبايح 15الف
السيارة انا ودي دفع رباعي بحكم المنطقة....
ولو اخذت قرض فرضا هل اخذ السقف الاعلى او المبلغ اللي احتاجه...

حسبي على الاسهم وشرايه وبياعه
وحسبي على المؤشر احتري ارتفاعه



لاتعلمون احد....شويعر
تحياتي

الله يعينك أخوي ...والله مادري وش أقولك الصراحه أنا مثلك بعد وراي تكاليف زواج

لكن الله يعيننا... ويتمم على خير.. وصدقني مادامك تبي تتزوج راح يسهلها ربك

والف الف الف مبروك....

بارك الله لك و بارك عليك و جمع بينكما بخير


اول شي اخوي نقوول الفلوس الي من عند اخوك تقدر ادبر لك سياره فيهم

العشرين حقت السياره الي بتبيعها تقدر تصلح وترمم شقتك وعلى البركه ان شاءالله مقدما والله يعطيك خيرها ويكفيك شرها

60 حقت الاسهم تقدر تأثث البيت وتعطي مهر فيها اذا كانت مهوركم اقل من 40 او في حدودها

الحين جينا لتكاليف الزوواج تقدرتأخذ قرض لكن خذ اقل شي يعني قول 40 الف تكفي وبزياده بعد

والسيووله الي معاك والمعوونه الي تجي من المعازيم تقدر تتمشى فيها انت والمدام وانصحك لاتأخذ قرض كثير مو بصالحك اقتصد قد ماتقدر واحسب امورك في حدود وحط لك حسابات محددة والله يعينا مع هالغلا الي مادري شلون

والف الف مبرووك والله يتمم لك على خير ولاتفكر كثير اشغل نفسك بإمور الزواج كل امر ف البدايه صعب لكن الله بيساعدك ويعينك بااذن الواحد الاحد وكل أمرك لله سبحانه وتعالى هو المسهل للامور

دعواتك لي ان الله يتمملي أمر زواجي

__________________
أعذروني على الانقطاع في الفتره الماضيةاوحتى في الفتره القادمه فظروفي ا لاتسمح لي بالمتابعه
المستمره..ولكن تأكدوا اني معكم وازور المنتدى كثيرا..فأنا أتابعكم حتى وإن لم أكتب رد أو موضوع..ودائما ما أؤمن بأن تأكيد التواجد.يكون في قيمة الرد وليس بعدد الردود...
ودمتم ((الــــهـــــــم سابقـــــــاً )) لاتنسوني

(

يا معرسنا الحبيب ..

الله يتمم لك على خير ان شاء الله ،،
طبعا كل الاراء اللي بتقراها هنا مجرد اراء ، عجبتك و ان شاء الله تعجبك ولا على هواك.
بسم الله
نبدا بالمهم اولا .. القصر والذبايح و القهوه و العود و الاجمالي حول 32 الى 35 الف.
ترميم الشقه تقريبا يكلف من 5 الى 7 الاف تقريبا.
لو جمعت التكاليف اللي فوق بتطلع اقل من 42 الف ريال.

ولنفرض انك ما دفعت المهر (40 الف ريال)
يعني الاجمالي 82 الف ريال تقريبا.

ولنفرض ان هالثمانين الف هي اللي من عند اخوك.

تصير انت صافي لك سياره (20 الف) + سيولة حول 25 الف = 45 الف ريال.

ولنفرض انك تبي تشتري سيارة دفع رباعي و خلنا نقول مثلا جيب لاندكروزر 2004 مستعل يسوى امممم حول 80 الف تقريبا.

انت تقول عندك من الاسهم 65 الف ريال .. ( بيع منها 25 الف وزيدها على ال45 الف) و اشتر الجيب.

وافتك وانا اخوك من القرض .. والله تراه يقص الظهر..

وحاول ياخوك تفكر تخلي لك دخل ثاني غير هال8000 ريال.. (( مثلا بيع باقي الاسهم اللي يقطع شرها وهي حول 40 الف --> وافتح فيها مشروع صغير لو يدخل لك على الاقل 3000 شهريا يعني في السنه 36 الف ريال يعني راس المال في سنه وشهرين ))

فكر بجدية و اترك القروض ووجع الراس..

قولي وشرايك ، وخلنا نلعبها و نخططها سوى !! الين تعرس وتفكنا من التفكير هههه امزح.

تحياتي

أولا الف ميروك وانا تفق مع الغريب


يقولون لا هم الاهم العرس ولا وجع الاو جع الضرس


اذكر اني كنت رايح اشوف العروس ومن التفكير كنت ابي اسوي حادث ومعي أهلي لكن ربك فكنا


أسأل الله أن يعينك ويوفقك وييسر أمرك وأن يصلح زوجتك وأن يرزقك الذرية الصالحة