السلام عليكم .

أول شوفه لي لزوجي كانت أمس .

بس ما ارتحت معه مرة يمكن لأني متوقعه

أشياء وطلع العكس .

بس هل هذا شيء طبيعي ومع الوقت أرتاح معه

وانسجم معه .

وزوجي يرسل لي رسائل غرامية

وأنا تحوم كبدي من هذي الرسائل

وبعد إذا تذكرت العلاقة اللي بين الزوجين

اتقزز وأقول في نفسب كيف بسوي هذا الشي .

وش الحل ساعدوني أبي اتقبل الموضوع

والرسائل الغرامية .

ماحصل لك شوفه شرعيه؟

شى عادى لكن مع الوقت سوف تحبينه انا اذكر زوجى كان يجى ويجلس مع امى حتى يمل ويروح

شكر أخواتي على الرد

أختي كوب كابتشينو شوفتي له بعد الملكة .

الله يسمع منك أختي الساهره لربها .

عادي جددددددددددا

كانت صديقة شئ مايوصف لدرجة اني ماتوقعت ان حياتها بتستمر

تخيلي اول ماشفته تقول انصدمت لاني كنت حاطه في بالي انه ملتحي او على الاقل زي اخواني مخففين وكنت حاطه في بالي عن اللي يحلق صورة سيئة
ولما قام يرسل رسايل غرامية كنت اتقرف مررررررة واذا جتني رسالة زينة وفيها كلمات تقدير واحترام واخراج للمشاعر اول ما افكر اني ارسله لابوي او اخواني واحس انه مايستاهل لانه رجل دخل على حياتي فجاءة كانت تكلمني وهي تخنقها العبرة تقول ماقدرت استحمل مجرد فكرة انه حليق وهاالسبب خلاني مااتقبل اي شئ منه ابد
ومع الوقت كل شئ تغير
والحين حياتها مررة زينه لانها لقت في اشياء حلوه خلتها تنسى التقصير واكتشفت في نفسها اشياء شينه ولقت انه صابر عليها ويحاول اصلاحها بهدوء

الحين تقول الله يسعدها تصدقين ماكنت اظن اني بحب احد اكثر من ابوي ولا كنت اظن اني ابقدر اطلع مشاعري لاحد غير ابوي اكتشفت ان في اشياء كثيرة احتاجها مايقدر يعطينبي
الا زوجي
ما اقدر اتخيل نفسي يوم بعيده عنه

ماشاء الله تبارك الله

ام ربيعه

شىء طبيعى اختى لكن ان اراد الله بتتعودين عليه

انا اشوف انه شي مو طبيعي

اذا استمريتي على هاالوضع فترة طويلة لا تتممي الزواج

شيء لم تتعودي عليه فكيف تتقبليه من أول وهلة ؟ مع الوقت ستسعودين عليه خاصة إذا استشعرتي أن رضا الله في رضاه .. فحقه عظيم .. ولا تخضمي الموضوع فوق حده ، وادع الله بالتوفيق قي حياتك .. وفقك الله يا أخية ..

خدي وقت كااااااااااااافي حتى تتعودي علية

بمعنى اجلو العرس الا ان ترين هل هناك ارتياح وقبول لة

ربما مع الايام تتعلقين بة فلا تحكمي على نفسك من اول لقاء

وفقك الله اختي