حقيقة لما شوفت كل وحدة تضع تجربة يستفيد منها الجميع وخاصة انا

حبيت اضع لكم تجربة عشتها مع زوجي وهي

قبل اربعة ايام كنت راجعه البيت وكلمني زوجي قال لا تطلعي البيت حتى اتصل

عليك ، طبعاً ان ساكنه في نفس البناية مع اهلي .

وبعد حدود ربع ساعة اتصل وقال اطلعي الحين ترى جبت لك هدية بس راح

تتعبين إلين تلقيها

قلت انت وين قال مالك شغل فيني المهم حاولي تحصلي الهدية ولا راح تروح

عليك

يوم دخلت البيت لقيت كل الأنوار مضائه وفيه ورقه في المدخل كاتب فيها

مشاعر حبه لي وطريقة الوصول للهدية

وكان لازم اجمع اربعة حروف وهي ( أ ح ب ك ) وهي منتشرة في البيت وإذا

جمعتها راح احصل على الهدية .

في نهاية الورقة كاتب الحرف الأول

اكله احبها كثير واموت فيها خاصة من يدك

طبعاً انا اعرف زوجي يحب المكرونة كثير فرحت المخزن ودورت ما لقيت شئ

ولما فتحت الثلاجة لقيت ورقة داخل علبة المكرونة

مكتوب فيها الحرف الأول أ

احبك اموت فيك اهوك اعشقك انا مجنون بعيونك

الحرف الثاني تجديه عند جهاز احب اجلس معه دايم

طبعاً طيران على جهاز الكمبيوتر والقي ورقة مكتوب فيها الحرف الثاني ح

حياتي حبي حناني ليتك بس تعرفي قد ايه اعشقك

الحرف الثالث تجديه في جهاز كأس العالم الذي تركت

طبعاً زوجي من عشاق كرة القدم بس الحين بعد ما التزم تركها وترك كل شئ

حتى تلفزيون مافيه بس انا سعيدة معه كثير .

احترت شوي بس رحت اشوف بقايا الرسيفر وكروت كأس العالم ولقيت الورقة

بعمري ماشفت زيك .....كم انا فخور بأنك زوجتي .....هذا شرف لي

الحرف الرابع تجديه في درع

زوجي موظف وحقيقة مو مدح فيه هو مجتهد كثير في عمله وحصل على الكثير

من الدروع ومزينه بها مكتبة الصالون .

رحت وفتشت الدروع واحد واحد الين لقيت الورقة تحت اول درع حصل عليه وكان

مكتوب كل هذه الدروع بعد الله انتي السبب فيها فلو لا دعمك لم احصل على اي

شئ منها

تجدين الهدية في اكثر ملابس احبها عليك

احررررج طبعاً ................

المهم رحت ولقيت ورقة تقول الف مبروك الهدية حياتي

ولما فتشت داخل الدولاب لقيت الهدية وكانت

( جهاز جوال برج العرب ) يعني الف ريال



بعضكم الحين يقول هذه هي الهدية

اصبروا شوي ؟؟؟؟؟؟؟؟؟!!!!!!!!!!!!!!!!!

دخل زوجي الحين وقال تذكري في نهاية العام الدراسي لما قلتي لي نفسي

اغير جوالي واكشخ على زميلتي في الكلية بجوال زي الفيصلية ولا برج العرب

في بداية الدراسة ، انا حبيبتي مع الأيام ما نسيت ابد ، والحين ما باقي على

الدراسة شئ وهذا اكبر دليل انه كلامك معاي وحتى طلباتك تحفر في صدري

حتى احققها لك .

طبعاً ما ابغى اكمل اكثر من كذا

واتمنى انه فكرة زوجي او تعامله معاي يفيد احد

اسفه كثير على الإطالة وسامحوني