السلام عليكم ورحمة الله وبركاته
*
*
اخواني اخواتي امس كنت قريب من بيت زوجتي ونحن الآن في فترة الملكه فقابلت عمي اللي هو اب زوجتي بالصدفه فدار بيننا الحديث ورحنا نتمشي على رجولنا في الجو الجميل وبعدين دخلنا البيت وكملنا الحديث.
*
*
عمي الله يوفقه حاط لي انا وزوجتي قانون اللي هو اشوف زوجتي مره في الشهر يعني مع الراتب الى ان نتزوج ان شاء الله, حاولت كم مره اني اقنعه انه يقلل المده لاني اذا ما أشوف زوجتي احس اني المهم هو ما رضى انه يغير في الموعد وكلمته قبل مده علشان اشوف زوجتي وطلبته ووافق وقال لي توعدني ما تفتح معي هذا الموضوع ( يعني بس هالمرّه ) قلت له اوعدك بس خلني اشوف البنت<----تعبان نفسيا.
*
*
أمس لمّا دار بيننا الحديث قلت له عمي ارجوك لازم تشوف لي حل انا ابيك تقلل المده ارحم العشاق يا عم ما يصير كذا ترا انا اتعب نفسيا واحب بنتك وشوفتها تريحني المهم خلاني اتكلم وبعدين قال لي خلصت قلت له خلصت قال لي انت اخلفت في وعدك الوعد اللي وعدته إياه قبل مده بسيطه اني ما افتح له هذا الموضوع طبعا انا سكت شوي وقلت انا اسف تراني نسيت المهم سولفنا شوي ورحت البيت.
*
*
كلمت زوجتي على الجوال ولا ردت على وبعدين دقت قلت لها وينك ما رديتي قالت انا كنت عند ابوي اتكلم معاه وقلت لها وش قال بابا قال كان يتكلم عن الامتحانات طبعا انا ضحكت وقلت لها قديمه لكن انا ما لي خص اني اعرف وش الي صار بينك وبين ابوك ومع السوالف:
قالت: في احد داعي لك اليوم.
قلت : ليش .
قالت: احس انك فرحان.
طبعا هي وراها شي لما قالت كذا يعني صار بينها وبين ابوها موضوع نقاش عني والحمدلله اخوكم مبيض الوجه مع عمه, وبعدين قالت لي انا عندي لك مفاجأه يوم الثلاثاء انتظر حاولت انها تقول لي بس اصرت على يوم الثلاثاء.
*
*
طبعا أخواني أخواتي ايش تتوقعون المفاجأه اللي تستنتجونها من القصه؟؟؟
*
*
انا آسف اذا طولت عليكم ولكن حبيت اني اشارك اخواني في موضوعي هذا.
*
*
جزاكم الله خير.

__________________
أحبابي إتبعوا شرع الله فإنه الخير

اكيد زياره البيت خطيبتك

__________________
سبحان الله وبحمده

بيسوي لك تخفيض في المهر

اتوقع تبيك تزورها

جزاك الله خير على مرورك والله يجعل ما تقولين صحيح.

__________________
أحبابي إتبعوا شرع الله فإنه الخير

المهر اندفع وخلصنا

اخي فاغر يعلم الله اني احب اقرأ مواضيعك يا ظريف وخاصة قصه الزيت حق زوجتك في هذا الموقف اثبت لي انك ظريف.

__________________
أحبابي إتبعوا شرع الله فإنه الخير

خير إن شاء الله ..
و الله يوفقك ..

__________________
جديد: أهداف المنتدى

جديد: قوانين المشاركة في المنتدى

يارب
جزاك الله خير على مرورك.

__________________
أحبابي إتبعوا شرع الله فإنه الخير

الخير بوجهك

جزاك الله خير على مروك.

__________________
أحبابي إتبعوا شرع الله فإنه الخير