السلام عليكم

هذه غلا 2005 اللي لطالما ازعجتكم في مشاكلي

والتي اهمها برود زوجي في علاجي من القعم حيث ان لنا بفضل الله 12 سنة وقريبا جدا سندخل الثالثة عشرة من الزواج و

وقلت لكم اني والله الشاهد على ما اقول مراعية لظروف زوجي المالية لآبعد حد لدرجة التقتير على نفسي

صار امس موقف بيني وبين زوجي الحبيب ربي لا يحرمني منه

امس بعد العصر وبعد ان تغدى لم ينم على عوايده فاغتنمت الفرصة ورحت قعدت بجنبه (هو كان منسدح على السرير

وانا كنت قاعدة بجنبه )


سولفنا شوي

قال تصدقي حلمت امس حلم ان صاحبي رجع وحدتنا واليوم رجع

كيف

قلت له سبحان الله

يمكن لآن الأنسان إذا فكر في حاجة يشوفها بعدين

قال كيف

قلت له مثلا زي انت تفكر في حاجة بعدين تجيك..

قال ما فهمت

قلت زي مثلا انت تبغى تكون سعيد لازم اصلا تفكر وتتخيل انك سعيد ورح تكون سعيد

هو استغرب

وبحلق بعيوووووووووووونه

وقال انا حزييييييييييييييييييييييييييييييين انا طفشااااااااااااااااااااااااااان انا كئييييييييييييييييب

انا ماني سعيد في حياتي

بصراحة انصدمت لآننا اصلا كنا نسولف عادي و نضحك

قلت له لييييييييييييش يا قلبي.. بيدك انك تكون سعيد وش فيك

قال ..انا حزين ..احس ان الحياة ضدي... احس اني ما اقدر اجمع فلوس ولا ابني بيت ..شوفي بيتنا كيف

اتحطم لما ابوي يقول لي ليش انتم من بين عيال الناس ما عندكم فلوس .. بيوت ..



امسكت بيده

طبطبت عليها ومسحتها .... قلت له يا قلبي ... انا راضية بحياتي معاك

لا تكدر خاطرك .. انا واياك وااحد

بس لازم نصبر على الحياة

الانسان خلق في كبد

لازم نصبر

الله زي ما جعل هناك اغنياء كمان هناك فقراء

قال الناس يلبسون احسن لبس وشوفي لبس الناس والحريم كيف

انا وانتي لا

الراتب يروح بدون فائدة ما ادخرنا لنا 12 سنة المفروض ان معانا بيت

قلت له يا قلبي .. الله قدر لنا اننا نكون كذا

قال ...قال حتى انتي تبغي فلوس .. ما تبغيني اجمع ..

قلت له وما زلت ممسكة بيده وكلي مندهشة انه سمح لنفسه انه يتكلم معاي.. يعني شعور مختلط ما بين الفرح و الحزن

والدهشة .. طبعا كنت مبسوطة لآنه سمح لنفسه ان يتكلم معي .. هو غالبا كان ما يعطني وجه

حتى المرة هذه كان يكلمني ووجهه بعيد عني و التلفاز شغال.. وكان يطالع فيه .. بس كنت اقفل التلفاز بعد ما استأذنه

وكنت امس بيده واحضنها لصدري


قلت له كيف تقول هالكلام ... انا صح المرة اللي فاتت قلت لك عن بعض ما اعاني

قلت لك ان لبسي اغلبه من عندد اخواتي

قلت لك اني ما عندي قطعة ذهب و عن وش الحريم يقولوا عني وعنك (كل الناس ما يصدقوا ان يحسبوا ااننا اغنيا ء علشاننا 2 فقط )

قلت لك ان ما عندي عطورات ولا اكسسوارت بل كلها من عند اخواتي

قلت لك ان نفسي افرش بيتي فرش حلو واجيب كنب جديد .....الخ

بس هل انا الزمتك تجيبها لي انا فقط كنت ابي افهمك اني معك في هالحياة على الحلوة والمرة

انا قلت لك علشان ابيك تفهم اني انا كمان اراعيك وكنت خايفة انك ما تحس بالي انا ااسويه فاضطريت انبهك

انا والله العظيم ما طلبتك ايها بس ابي اعرفك بس


بعدين قلت له.................

بعدين يا قلبي ان اوالله العظيم مستعدة اضحي بكل شيء

بكل اللي قلت لك عليه واكثر

بس ابي فقط انك تعالجني في مستوصف خاص لآن عمري يذهب وانا اريد ان اكون ام

قال يا بنت الحلال وش تبغي بوجع الراس خلينا كذا مرتاحين ..نجمع ونسوي لنا بيت

قلت له يا قلبي كيف بيت من دون اطفال مصيرنا نكبير نعجز

لن نجلس شباب زي الحين

سنحس بالضعف والعجز يوما ما

الله يحسن خاتمتنا

قال بس انتي دايما تهرييييني بسالفة العلاج (مع اني والله نادرا ما اقولها له لآني عارفة ان يكره المستشفيات كره شديد سواه خاصة او عامة )

المهم .. قلت له .. بس انا اعفيتك من سالفة العلاج في خاص بس ابغاك توديني هالمراجعا..( زوجي ما يحب يروح مشاوير بعيدة

خاصة للمستشفيات

قال... قلت له انا عذرتك انك ما تقدر تعالجني في مستوصف خاص..( هو يقدر يستقطع من راتبه الشهري بس هو اصلا مو متحمس لسالفة لاأطفال



يقول عادي لو ما يجون .. لسنا الوحيدين.. شوفي فلان وشوفي علان كيف مرتاحين بدون اطفال




رجعت واكدت عليه



شف يا حبيبي انا مستعدة اضحي بكل شي البيت الجميل الذهب الاكسسوار السفر العطور .... كل شيء بس انك تعالجني في

مستشفى خاص


وقد اعفيتك من تكاليف العلاج في خاص ( سأدبر من يتكلف بعلاجي والله ييسر لي هالأمر ادعوا لي )

بس ابغاك توديني المشاوير

لآن عمري بيروح مني والسنين الذهبية للإنجاب ما ابغاها تروحي مني

انا منى عيني اني اصير ام

اريد ان يكون لي اطفال منك انت لآني احبك

قلت له

سأرضى ان اعيييييييييييييييييش فقييييييييييييييييرة ارضى بأي شيء

بس يجوني اطفال و ان اتوا يكفيني ان نساعدهم في التعليم و نربيهم احسن تربية في احسن مدارس.. ما اهتم بالمظاهر

اي شيء يرضييني سوى هذين الشيئين الأطفال + إن اتوا اريد ان لا احرمهم من التعليم الصح والتربية المستقيمة



اخييييييييييييييييييييرا

وما زالت يده على صدي.. قلت له انا ما ابغاك تتكدر علشان انك ما تقدر توفر لي زي ما اغلب الرجال يوفروا لحريمهم

انا راضية بالي معك و سأرضى

انا اقتصد لنعيش سويا حياة سوية

لا تزعل.. الله لن يتركنا كذا

ثق في الله ...الله اكرم الأكرمين.....احكم الحاكمين

الله جعلنا كذا لآنه اعلم ان الفلوس لن تفيدنا .. يمكن لو كان عندنا فلوس تكبرنا وطغينا ..

الله حكيم .. يجعل من يشاء غنيا و البعض يقدر عليه

احنا كذا مبسوطين... الدنيا زائلة

تدري ان اول من يدخل الجنة الفقراء مع اننا لسنا فقراء فراتبنا جيد والحمد لله

قلت له لازم نكون متفائلين.. إن لم تكن سعيد .. تخيل نفسك سعيد و ستكون كذلك

وقلت له ايضا مو لازم اي واحد معاه فلوس يكون سعيد

شف ياما نااااااااااااااااااااس معاهم فلوس وماهم سعداء

قال كيف.. ضربت له بعض الأمثلة

قلت له ايضا.. تعرف والله في جماعتها ناس ..عندهم عيااااااااااال كثير .. بس ما يربونهم صح .كل همهم انهم يجيبوا عيال

عيال ويربوهم زي ما يربو البهائم (سامحوني على الفا ضي بس من الحماس مع زوجي)

قلت له ..الفلوس مو كل شيء .. لا تضيق نفسك علشانها وانا معك رح ارفر واقتصد و سأسدعك

بس اهم شيء ان اصبح ام انا متشققة ان اصير ام

كل مناسبة اتخيل ان عندي ام

قلت له وشاورت على ركن من اركان الغرفة

قلت له سأضحي بكل شء بس اهم شيء يا حبيبي تجيني بنت تلعب و تمرح هنااااااااااااااااااااااااك ابغاها تتحرك في البيت

تخرب وتكسر وتنادي بابا ماما

انا اعفيتك من تكاليف علاجي بس تكفى ودني بس

و استمر كلامنا

اخيرا

طبطبت على يده اللتي ما زالت بين يدي و قلت له نام انت تعبان و طفيت الأنوار و خرجت من الغرفة


وكنت واعدة نفسي اني ما اتكلم معاه مرة ثانية عن سالفة العلاج لآنه اصلا يكره طاري المستشفيات والأماكن اللي فيها زحمة

عموووما


جا بعد المغرب.. وقال .. شكرا على الكلام اللي قلتيه لي.. قلت له اي كلام.. قال اللي العصر


قلت انا كثير اقولك ..نفس الكل...


بس انت ما تخلي لي فرصة واليوم الحمد لله خليت لي فرصة

وحضنته بعدها وتأستفت منه


المهم في الليل وقبل ان ينام

قلت له بس كلام عن مستشفى حكومي في مدينتنا يبعد عنا بحوالي نصف ساعة قلت له ان مواعيده متقاربه (لآن زميلتي

تراجع فيه وتمدحه وهي عندها زي مشاكلي بس اخف )

المهم وقع الفاس في الراس نسيت كلمت زوجي الحبيب

طبعا هو عصب وزعل مع اني ما قلت له ابي اروح هناك..وراح نام

انا طبعا انقهرررررررررررت على اللي سويته لآني اخلفت الوعد مع نفسي بس والله من اعذروني انا حلمي ان اصير ام

المهم سويت له اشغاله و وطبطبت عليه وتفرجت شوي للتلفاز لقناة الناس الرائعة

بعدها رحت افرش اسناني وقلت بروح انام بس حسيت بغصة في حلقي


غصة كبيييييييييييييييييييييرة


فقلت يلا بروح لغرفة بعيدة وبأبكي بين يدي الله ( طبعا كنت لا اصلي ) ففرشت سجادتي وبكييييييت من دون مقدمات

والله كأنما هو صنبور فتح بس بصوت عالي

والحمد لله اني اغلقت الغرف وبكيت بكاااااااااااء شديدا

كنت ادعو الله ان يفرج همومنا و يرزقنا الأطفال الصالحين

نعم بكيت بصوت عالي

احسست كأن ربي يطبطب علي

بعدها احسست بالرااااااااااااااااااااااحة و ذهبت لانام بجنب حبيبي

الله لا يرحمني منه





سااااااااااااااااااااااااااااامحووووووووووووووووووووووووني

والله اني طولت من دون ان اشعر


اسفة

ادعوا لنا بالذريةالصالحة التي تقر بها عيني وقلبي الذي يتشقق على الأطفال خاصة البنات + قوة الإيمان وحسن الخاتمة


ادعوا لي لآني احيانا احس اني وحيدة في همي هذا.. و تنتابني شعور و تخيلات

أسأل الله ان يعجل بهم وان لا يحرمني رؤية اطفالي و لا يحرمني من سماع كلمة ماما وبابا


سامحوووووووووووني

سبحانك لا آله الا انت استغفرك واتوب اليك