السلام عليكم

يا شباب صج المدخن يتضايق من العطور
اقصد اذا تعطر و بعدين دخن يشم ريحه خايسه و ما يقدر يستحمل العطر
زوجي يدخن و ما يحب يتعطر و لما سألته قال لما يتفاعل الدخان و العطر تطلع ريحه مب حلوه ما يقدر يستحملها
و انا اموووووووت في العطور الرجاليه و دايما اجيب له هدايا عطور و اتضايق انه ما يحط منها
فقلت ابي اتأكد من هالمعلومه اذا صج و لا يمكن ذوقي في العطور الرجاليه مب حلو و هو ما يبي يحرجني


تم تعديل عنوان الموضوع تناسباً مع المحتوى

__________________

لا اختي ما هو صحيح انا لي الان 9 سنين مدخن واشتري عطور وسيارتي تفوح عطور دائما

صحيح بناء على تجربه شخصيه والله العظيم لما اعطر البيت ويجي زوجي يدخن تطلع ريحه معفنه مرررررررررره ارجع اتمنى اني ما عطرته شي مقرف اعاني كثير عشان تدخينه.

__________________
ربـــــــــــــــــاه


ليتك تحلـــــــو والحياة مريرة *** وليتك ترضى والأنام غضاب

ليت الذي بيني وبينك عامـــر *** وبيني وبين العالمين خـراب

إذا صح منك الود فالكل هيـن *** وكل الذي فوق التراب تراب

ياللــــــــــه اثنين جاوبوني و كل واحد يقول كلام
اخوي زوج بدون زوجة: يعني انت ما تعاني من التفاعل بين العطر و الدخان؟؟
اختي لام الحنون: زوجج مرتاح من ناحية العطور يعني ما يكره العطور؟ يتعطر طبيعي مثل الناس و لا ما يحب عشان ما تصير ريحته معفنه؟!

__________________

لايستوي الخبيث والطيب

هذا شي اكيد ... ومعلومه جديده بالنسبه لي

<<<<<<<< غير مدخن ولا يسكر

ما اظن انه يتفاعل وانما احيانا قد تنتج رائحه جديده سيئة مو عن طريق التفاعل

ما دام انك تحبي العطور الرجاليه صارحي زوجك بانه يراعيكي في اوقات الصفاء انه يغتسل ويترك الدخان شوي ويتعطر بعطر جميل بدون دخان لكي لا يتفاعل كما يدعي

الله يجعله يبطل ان شاء الله

جميل و القلب يعش: مشكور عالرد ..و زوجي الحمد لله ما يسكر بس مصيبته التدخين
اناهنا: مشكور عالرد والله يسمع منك و يبطل زوجي من التدخين
زوجي يعرف اني احب العطور الرجاليه و مرات لما اجي اعطره يخليني اعطره عشان خاطري بس يقول لا تعطريني وااايد لان الريحه بعدين تطلع مب حلوه

__________________

انا مدخن واستخدم العطور بشكل خيالي بالعكس

تعجبني الريحه

بس على ماسمعت انه في عطور خاصه للمدخنين

يعني انها تحلا ريحة العطر مع ريحة الدخان والله اعلم

لا لا ادخن و لكن لما اشم مثلا ثوب او أي شي لواحد مدخن ريحة الدخان تختلط مع رائحة العطر و بكذا ما ينفع العطر
و على العموم حاولي تغير هداياكي كي لا تشعري بالاسف

مشكورين اخواني عالردود
اخ ghaad
و الله هذا اللي افكر فيه بغير هدايا العطور و بنتقل للملابس و الله يستر
ذكرى زواجنا ما باقي عنها الا اسبوعين

__________________