عشان توضح الصوره لاني احس انكم فهمتوا انها بغتها تسكن وياهم ... هي طلبت مني ابني لها عدالهم بمعنى تكون جريبه منهم وتكون دش وتطلع بسهوله عندهم ,,, وانا ادري أنه الوالده نوعاً ما مب شايله هم زوجتي الاولى لانها تدري بطبعها ,, للعلم زوجتي الثانيه تزور أهلي بين فتره وفتره ,, بعض الزيارات تمر بسلام ,, ولكن الاغلب الاولى ما تنزل بذات اذا درت انه ثانيه تحت ... علاقة الوالده بزوجتي الاولى بالفتره الاخيره تعتبر متوتره لابعد حد ,, |
السلام عليكم أخي بوخليفة .. لكم وحشة انت ولجين ربي يقومها بالسلامة
ما تشوف انه ظلم أن تكون زوجتك الثانية ببيت مستقل ولجين بجناح محكومة بنزلتها وطلعتها وحريتها مقيدة .. حتى لو كانت هي ما تحب تطلع كثير من جناحها لكن المرات القليلة اللي ممكن تنزل فيهم بتكون مو براحتها وممكن الصدام مع زوجتك الثانية بنسبة 80% وانت تعرف تماما شنو يعني البيت المستقل للجين وكم نفسها فيه ... أنا ادري بحاجتها لبيت مستقل ومقتنع بعد ,, ولكن لما أفكر أشوف من مصلحتنا ومصلحة عيالنا أنه نعيش ويا أهلي ,, اول سبب ممكن لاني للان مب مقتنع انها ممكن تتحمل مسوؤلية اليهال على الاقل هني جدام نظر الوالده هي داريهم ,, بصراحه أسباب كثيره وما دام انها تم بجناحها ومالها تأثير أو وجود بحياة والديك ربي يحفظهم معناها ما فرقت سواء هي ببيتها أو بيتهم . واذا على العيال تقدر أن تخصص لهم كل يوم ساعتين مثل فرض الصلاة حق لهم يرحوا العيال مع مربيتهم والخادمة ياخذهم السواق ويشوفونهم ويشبعوا منهم ولو تحب أنت او لجين يروحوا معاهم يكون حلو . لجين يا أخ بوخليفة مريضة ... مريضة ضغط يوصلها للمستشفى كثير أحيان .. مو مرض خفيف ... أي احد عنده أحد مريض ضغط أو سكر يراعوا مرضه وما يقولون له اخبار مزعجة وما يوتروا أعصابه ويراعوا نفسيته ... وفوق مرضها حملت مرتين ورا بعض وهي والده قيصريه ... غير وفاة أبوها اللي يا دوب مرعليها سنة .. غير وضعها مع أمها .. وتقول انها من قبل العيد بالمستشفى بسبب الضغط ..يعني سمعت او شافت شي رفع ضغطها وقهرها مدري !!! انت يهمك أنه أم عيالك تعيش الى أن يكبروا وتربيهم هي وللا لأ ؟؟ حسب علمي حملها ثاني مب سبب ,, كل الحريم يحملون ورا بعض ,, لكن هي تمرض روحها بروحها يعني ادور حق عمرها المشاكل وحزتها يرتفع ضغطها ... أعرفك ما شاء الله عند دبلوماسي وتقدر تقنع الوالدة بالي تبيه ... باقي تكون النية موجوده . الله يوفقكم ويهديكم ويشفيها ويقومها سالمة حبيبة قلبي وتجيب لك خليفة ... سلم لي عليها لو سمحت .. صدق مشتاقة لها حيل |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|