دائما اسأل نفسي هاذا السؤال؟؟؟؟؟؟؟؟؟؟
هل انا حسودة؟؟؟؟؟
تعرفون ليه اسأل نفسي السؤال هاذا
لانه دايما انظر لغيري لمن يتمتع بهاذي النعم الي حرمت منها ... وعيني كلها حزن على حالي
صايره افكر دايم في حياة فلانه وعلانه .. وكيف انه حصل لها ما تتمنى من غير ما تطلبه ..
مواقف كثيره تمر فيني واحس بغضب ومراررررررررررررررررررره ...
مثلا انا كنت عند مرة اخوي وكانت بنت عمها عندها .. من دخلت البيت وانا اتأمل كل قطعه فيه وكيف انها صممته بنفسها واختارت ووضعت فيه ماتحب .. وكيف البيت مليان بالحب والحياة والجمال زوجة اخوي اتزوجت اخوي عن قصه حب فكانت زميلته في الدراسه مع انه يسبقها بكم صف حبته وحبها .. اخوي اصغر مني وهي طبعا اصغر بكثيرررر
جلسنا وصارت تتكلم عن رحلتها الي راح تكون بعد يومين لأوربا .. وكيف انه خبر حملها المفاجيئ والي على حد قولها ما كانت مستعده له راح يضايقها لشعورها الدائم بالغثيان ... ابتسمت لها في خاطري اقول (غيرك يتمنى )
صارت تتكلم عن رحلاتها السفريه مع اخوي في شهر العسل مع الصور وكيف انها كانت مبسووطه وسعيده
انا كل الي اتذكره من زواجها هو موقفي الي ما احسد عليه في حفل الزواج واخوي الي اصغر مني يتزوج قبلي والكل ينظر لي نظرة اسى ويقول لي( عقبالك)..
انا اكتفيت بألأبتسام وهي وبنت عمها كل وحده تذكر مدينه زارتها ومكان حلو ويتكلمون بكل تفاصيله ... ماكان مني غير الإبتسام يعني ايش راح اقول وانا في حياتي ما ركبت طياره ...
بنت عمها تتكلم عن معاناتها بسبب زواجها وسفرها للخارج مع زوجها وتجي البلاد للأجازات .. كيف تعبت من الحمل والعنايه بطفلها وحدها ... وكيف زوجها كان يدلعها ويحاول ينسيها الغربه .. وكيف الحريه الرائعه الي تحس فيها ...
ليه احس بمراره لما اسمع كلام مثل هاذا ليه احزن ......... ليه اقفل علي باب غرفتي وابكي ....لييييييييييه ..
انا ماودي ابدا اكون كذا بس غصب عني صايره تفاصيل صغيررررررررررررره جداااا تخليني انقهر لو اشوووف اختي تحضن احد من عيالها اوتدلعهم احس بغصه .... غصب عني ... لما اطلع السوق واشوووف ملابس الأطفال احس يغصه ..
لما اشوووف اثاث بيت واكسسورات بيت احس بغصه ....
اوقات كثيره افكر اشتري اي شي يعجبني من ملابس اطفال او اكسسوار للبيت وارفعه او اخبيه في صندووق لحد ما اتزوج ويجيني بيت واطفال ... بس اقول في نفسي بيقولون عني انجنيت ....
ايش رايكم ايش اسوي عشان ماشعر بهاذا الشعووور؟؟؟؟؟