بسم الله الرحمن الرحيم


السلام عليكم ورحمة الله وبركاته


صارت لي مشكلة وقلت لازم آخذ رايكم وتوجهوني للصح

أمس وانا اقلب بالكمبيوتر واسوي بحث

خزن الماسنجر محادثة لزوجي مع بنت انا بغيت انجن وقريت المحادثة في البداية كانوا يتكلموا عن الاسهم والتوصيات

بعدين سوالف عن الجوال وفي المحاثة هي تقول اذا ما تقدر تكتب كلمني ومن سوالفها عرفت انه يتحادث معها دايم

أنا ما أخفيكم مت من الصياح كان آخر شيء أتوقعه من زوجي انه يتكلم مع بنات

زوجي يكتب في موقع مشهور باسمه الصريح وهو انسان عاقل بمعنى الكلمة ومعروف وفي توقيعه ايميله

وهو على النت اربع وعشرين ساعة حتى في دوامه نت وكمبيوتر لاب توب خاص
المهم

لما رجع زوجي من السهره وأنا وجهي منقلب وكنت ناوية ما استعجل واقول له بس ما قدرت اصبر وسألته بكل هدوء
انت تكلم بنات في الماسنجر وجهه تغير وقال وش فيه

المهم قلت له كل شيء بصراحة قال عادي انا اقبل اي احد يسوي لي اضافة واحيانا يكونو رجال بايميل بنات

المشكلة انه يقول انتي شكاكة وقلت انا ما اشك شفت محادثتك معها يقول لي يمكن يكون رجال يستهبل أنا ما صدقت


الاسلوب اسلوب بنت واضح

وبكيت عنده بصراحة أنا مصدومة

ولما سألته حذفتها من الماسنجر قال لا

ساعدوني والله اني ما قدرت انام من الهم والتفكير كيف ارجع ثقتي في زوجي

وكيف اخلي زوجي يترك هالحركات والمحادثات

أنا اعترف اني مقصرة مع زوجي خاصة في الاهتمام بالبيت بس من النواحي الثانية ما قصرت معه واحترم اهله واحبهم

واشاركه في كل شيء حتى الاسهم صرت اهتم فيها عشانه

المشكلة الحين هو عند نفسه ما غلط أنا الغلطانه الشكاكة الموسوسة

سااااااااااااااااااااااعدوني رجاءا