مرحبا

كيف حال الجميع ان شاء الله تمام
هذي أول مشاركة لي في المنتدى ومن زمان كنت أبي أكتب عن ها الشي واليوم خلاص لازم أكتبه وأسألكم لأني تنقصني الخبرة
تقدم لي شخص وخطبني من عند أهلي وهم يصيرون لنا من أهل أمي وطبعا وافقوا الأهل وأنا بعد ماراح أقول لأ ( أحس إنه أهلي يبون يفتكون مني )
المهم ... حصلت النظرة الشرعية وشفته وشافني وكل شي تمام وبعدين...... لم يحصل شي أبدا!!
اللي أسمعه من المخطوبات حديثا إنه خطيبهم يحاول يكلمهن بالتلفون مثلا لكن ما شفت شي حصل.... الله يخليكم لا تقولون إني هبلة ولا متسرعة بس ما أعرف كيف تصير ها ألمور أبدا
مرة وحدة بس شفت إخته اتصلت بي ميسد كول بعد ما شافني بيوم ... فأنا أستحي أرد وأتصل عليها صح ولا لأ؟؟؟
ومن بعد ذاك الميسد كول ما أعرف شي عنهم أبدا
مع العلم إنه يروح يداوم في بلدة غير بلدتنا ويجي نهاية الإسبوع ....
:
:
:
أدري سؤال أهبل بس يا ريت تقولولي شو يصير بالضبط ؟

اولا الف مبروك والله يسعدك


لا تستعجلين يمكن الرجال مستحي وانا اتوقع ان خطيبك لم يكن له اي علاقه مع بنت عشان كذا تشوفينه مستحي
ويا بنت الحلال بدون مكالمات افضل عشان تكون ليلة الدخله لها طعم خاص ............ واكثر جديه

__________________
ادعولي بالذريه الصالحه

حبيبتي الناس اجناس وكل شخص له تفكيره لا تستعجلين .... يمكن مايبي يكلمك الا بعد الملكة .. واسألي امك وش اخر الاخبار ...

أولا: ألف ألف ألف مبارك

وضعك طبيعي عادي
في خيارين مالهم ثالث....
الاول: انه مستحي وان شاء الله بيكلمك عن قريب ولكن رايي أنا انه مافي رجل يستحي في هالمواضيع...
الثاني: انه بيكلمك بعد الملكة ومن وجهة نظره ان هذا الحل أفضل.....

على العموم انتي لا تفكرين وايد بالموضوع وأعرف انك ما بتقدرين
وخلى الأمور بتمشي طبيعي جدا


الله يوفقك ويكتبلك الخير

الف مبروك وعقبال ما نسمع بزواجك يارب
انا متاكده انو ردي اجه متاخر بس اعرف زميله الي كانت تعاني من نفس مشكلتج وبعد ما ملكوا يوميا اتصالات واسبوعيا طلعات بس المساله محتاجه الى وقت انا متاكده انك راح تنافسين زميلتي بها الشيء وراح تتفوقين عليها بعد

سنيوري - قطرة مطر- أم اليمان - حبيبة ساهر: تسلمون لي والله
ويمكن يستحي محد يدري ... بس عاد تدروون ناقصة خبرة
شكرا جزيلا

ألف مبرووووك


بالتوفيق


تحياتي

__________________

نفس الي يصير لك قاعد يصير لي

فمااقدر اخدمك لاني ماافهم اكثر منك بعد

اللاعب: شكرا لك أخي ...^^ وان شاء الله تمر الأمور على خير مو مثل آخر مرة ^^"

حبابة والله: ههههه كلنا في الهوا سوا
يقولون الصبر زين

والله ييسر الأمور يا رب