ارجوكم ساعدوني ابي حل .....انا بمصيبه...
الى كل الاعضاء الكرام ....
اتمنى اني القى عندكم حل حق مشكلتي ....
انا بنت عمري 21 سنه احببت شاب عمره 21 وهو بعد يحبني .... وصلت انا وياااه لمرحلة صعبه من الحب ...
اتفقنا على الزواج ... وانا قلت له لا يتقدم الا بعد ما انا اخلص الجامعه لان شروط اهلي ما يزوجوني الا بعد ما اخلص جامعة.. وللعلم انا ادرس بجامعة ----- وتقدم لي اخ زوج اختي..
يعني اختي متزوجه واللي تقدم لخطبتي حماها ...انا رفضت من اجل حبيبي وحتى صار مافيه مجال ان حبيبي يتقدم ... خطبني الشاب لمدة سنة و5 شهور مع العلم ان طوال هذه الفتره لا اعلم اي شي .. يعني ما كان يسأل عني ولا ادري عنه اي شي ... وفجأه اتصلو اهله بنا على اساس يتفقون على يوم الملكه واهلي يحاولون يقنعوني وانا خلاص مو راضيه.. بالاخير جاء ولي امري (اخوي.. لان ابوي متوفي وامي متزوجه ولاتدري عني ) راح الخطيب من دون علمي واستخرج ورقه من السفاره بموافقة زواجي منه وملكولي من دون علمي بعد الملكه بيومين انا دريت اني على ذمة رجال .. طوال الفتره اللي طافت بكيت وترجيت اهلى وحاولت انتحر وحاول بكل الطرق بس ما فيه فايده .. والحين بعد ما ملكت صارلي شهر ونص... حالتي النفسيه تعبانه مره قلت اكلم زوجي اشوف يمكن يتفهم ويقدر.. وانا بصراحه ماقدرت احصل على رقمه الابعد الملكه بطريقه غير مباشره ..من دون علم اهلي.. وكلمته وقلت له طلع طيب وكسر خاطري خاصه اني انا ثالث وحده يخطبها ..3 مرات يروح يبي يخطب بنت خاله وتبنشر السياره .. وخطب بنت عمه وقبل الملكه بيوم صارت مشكله ممكن انه ينفصل من الشغل حقه خاصه انه هو موظف وزراة داخليه... وخطبني وملك على وانا الحين قلت له ما ابي ... هو قال انتي حطمتيني انا الحين ما بيدي شي .. جيتي متأخر حيل وينك ما تكلمتي من زما ن؟؟؟ ليش ماتبيني بقلبك واحد قلت له لا ... قال والله قلت له والله... هو قال انتي فكري وعطيني الرد بعد يومين قال انا ما بيديني شي اسويه كل شي سويته حجزنا الصاله والناس كلها تدري... وش اسوي ... قال يمكن بعد الزواج تحبيني... قال ليش ماتبين تتزوجين قلت كذا انا مو مرتاحه نفسينا للزواج منك ..
ارجوكم ارجوكم ابي حل انا تعبت ... وش اسوي انتحر..؟؟. اتطلق منه بعد الزواج ؟.........
ساعدوني انا ما اقدر اعيش من دون حبيبي ...
انا ضحيت بكل شي عشان حبيبي وهو بعد ضحى بكل شي عشاني ... لا تقولون لي انسيه لان النسيانه صعب والحل اني انتحر؟؟؟
ارجوكم انا ما ابي اموت كاااافره ......
اختكم ..كوين روز
التعديل الأخير تم بواسطة LittleLulu ; 23-03-2005 الساعة 01:01 PM
23-03-2005, 12:41 PM
ضوابط المشاركة
العرض الشجري