السلام عليكم

تزوجت قبل 4 سنوات و نص و بحب زوجتي حب الله بعلم فيه بعشقها بحبها
و بعد 3 سنوات زوج كان يصير معي شوية مشاكل و الله غصب عني لانو زوجتي عنيدة

و ما بدها اني اغلط اي غلط يعني مستقيم 100% و بتعرفو صعب شوية هذا الاشي
لانو الانسان بغلط

المهم بعد فترة يعني 3 سنوات صار بينا مشاكل و للاسف ضربتها 3 - 5 مرات "و الله العظيم بعرف انو غلط"

و لما كنت احاول انو اصطلاح معها كانت تصدني و اوصل لمرحلة الذل علشان تسامحني
و لما كنا نتصالح كنت اقعد معها و احكيلها يا حبيبتي خليني نتفاهم ليش هيك صار معنا وما كانت ترضى بالمرة

و تحكيلي خلص مشكلة و راحت , انا كنت انسى بس هيا للاسف ما كانت تنسى
ومرة من المرات صار بينا مشكلة و بصقت في وجهي فضربتها

و تصالحنا و بعديها خفت المشاكل شوية


في يوم من الايام بعد 4 سنوات زواج حكتلي انو بطنها كان بوجع "و ما في كان اولاد بينا

زوجتي كتومة ما بتسال امها و لا حد من صاحباتها انا سالتي امي عن مغص البطن و حكتلي ان شاء الله في حمل

روحت على البيت و حضنت زوجتي و حكتلها انو قصة المغص ان شاء الله خير
عصبت في وجهي و صارت تصرخ و تبهدلني

بعدت عنها لانو امي قالتي دير بالك عليها و ما تزعلها

بعد يومين حكتلي بدي ازور اهلي قلتلها مع السلامة

بتفاجئ راحت جابت اهلها و كانو زعلانين من الضرب الي كنت اضربها و ابوها قلي بدي اخذها كم يوم علشان تروقو شوية قلتلو ماشي

بعد يومين مارجعت رحت على مكان عملها و قلتلها ليش ما بدك ترجعي حكتلي علشان اهلي ما بدي ارجع

بعديها رحت على البيت عندهم و جلست معها و تعهدت انو ابطل اضربها و احطها على راسي و ادللها و احبها بس على الفاضي و ابوها سمعني كلام مش منيح

يعني رحت 5 مرات علشان اترجها ترجع بس على الفاضي و جبت كبير العيلة و حكى معهم و ما بدها ترجع على الفاضي

بعد 5 ايام رفعت على قضية نفقة و بعد شهر و نص رفعت على قضية شقاق و نزاع علشان الطلاق

بس انا و الله بحبها

شو رايكم شو الحل ؟


انا بعرف انو الضرب غلط كبير و اعتذرت اكثثر من مرة و قلتلهم رح احلف المصحف ما اضربها مرة تانية

تم تعديل العنوان ليتناسب مع المضمون