مساكم ورد
طولت عليكم هالمره
وجيتكم بمشكله جديده
انا من ولادتي مر 7 شهور
وللان نومي ملخبط
وصرت مرهقه زياده لان عندي بنت وولد
ولا وصلت شغالتي.. وقل اهتمامي بنفسي
وزوجي صار صامت معظم الوقت
وقل اهتمامه بمظهره 180 درجة
كان يهتم بمظهره بجنووون قدامي
الحين ولا على باله
واساسا جلساتنا قلت هالشهر بشكل كبير
وانا صراحة صاير مالي مزاج شي
وحاسه نفسي مخنوقه من الدوشة وطلبات البيت والاطفال


اللي صار هالاسبوع
من كم يوم زوجي وصلني مشوار
وكان مستعجل يبغى يلحق عالمباراه
ويصرررخ ويشتم بالشارع
وولدي يصيح بالسياره
وهو تهاوش مع واحد بالشارع
وبنتي ام 4 سنوات سمعته
قال كلام بذيء بذيء بذيء
يعني مررره مررره وسخ! اول مره يقوله!
وانا ماكلمته
ثاني يوم جاني يقول حقك علي
قلت له مو مشكله.. وماناقشته



قبل امس شدينا بموضوع تاااافه
هو كان منفعل
وقال لي: انتي وش لزمتك اذا مافعلتي كذا
قلت له عندي مسؤوليات وكيت وكيت
قال بانفعال: هذي واجباتك مالك منه فيها!
طبعا هو يقصد الطبخ اليومي
تصليح القهوه والحلا يوميا
التربيه.. السهر.. التنظيف الخ
قلت له بهدوء: زي ماعلي واجبات لي حقوق
قال: وايش الحقوق اللي حرمتك منها؟
قلت: التقدير والكلمة الطيبه
قام وقال اففف اشتغل النكد وضرب الباب وطلع


وامس قال ايش رايك نروح مطعم بكرا
من باب تغيير الروتين
لاننا متعودين الجمعه نزور اهله
قلت اوكي ليه لا
اليوم الظهر سألته اي مطعم؟
قال كيف مطعم! احنا بنروح لاهلي!
قلت: انت قلت امس نروح مطعم!
قام صرررخ علي باعلى صوته وانفععععل
وجلس يقول اني ما اكدت عليه
وانو اهله ينتظرونا
واني انسانه ما افهم ومخي زفر
قلت خلاص هدي هدي.. نص ساعه واجهز
لبست بسرعه ولبست عيالي
ولما شغل السياره قال: الله يهديك بس..
قلت له بهدوء: انا رايحه لاهلك صح.. بس لوسمحت لاتتكلم معي نهائيا


رحنا ورجعنا
وهو مر جاب الحلا اللي احبه.. ما اكلته
تركته بالصاله مع الاولاد ودخلت اقرا روايه
وهو لماطفش دق على اصحابه وراح يسهر معهم
برضو ماكلمته.. ولاعندي استعداد اكلمه


احس اني استهلكت نفسي زياده عاللزوم
حاسه بضغط وقهر.. والى الان قافله فمي وساااكته
لكن برأسي ما اتكلم معه نهائيا
والطبخ والنفخ والشغلات هذي بقللها
يعني ماراح اطبخ يوميا.. مرتين بالاسبوع
والقهوه والحلا وشغل الدلع الزايد بلاش منه
مالقيت تقدير كافي
وانا من النوع اللي اسكت اسكت اسكت
بعدين اتغير تماما وانفجر


تم تعديل العنوان ليتناسب مع المضمون

مرحباً أختي

عذراً على سؤالي

كيف الناحية الجنسية بينكما .. هل هي لها فترة ..؟؟


بارك الله فيك

صراحة انا اكره هالسؤال
لكن بجاوبك.. اتوقع اخر مره من اسبوعين او ثلاثه
ولو اقول لك من سنه ترى مو هامني

ناقصك تنضيم وقتك
انا عندي طفلين ورا بعض
الاول سنتين والثاني سنه
ولافكرت اجيب شغاله
اول شيء نضمي نومك نامي الليل لاتسهرين
يعطيك نشاط طول اليوم
اطفالك صحيهم الصباح اعطيهم وجبة الفطور
مومشكله يرجعو ينامو لضهر
والفتره اللي بين الصباح والضهر
رتبي بيتك جهزي للغدا لما يجي زوجك من الدوام
اتغدو سوا ونامي
بعد المغرب جهزي قهوتك وحلاك
اجتمعي عليها انتي وزوجك
وبعد العشا نيمي اطفالك
واسمرو انتي وزوجك
هذى جدولي اللي انا ماشيه عليه
وانتي غيري فيه اللي يناسبك
تبغي نصيحتي لما زوجك يعصب لاتردي عليه خليه لين يهدا اجلسي جنبه واحضني راسه وقولي له يرضيك تقول عني كذا وانا حبيبتك اذا شفت علي غلط وضحه لي

كل انسان يمر بضغط حسب الضروف اللي حوله
ممكن زوجك من قل العلاقه او امور ماديه
او او او
فانتي حاولي تمتصي الغضب
وتاخذي حقك بالهدو

كنافة

لازلتي تحومين حول الحمى

استغرب انك لحد الحين منتظرة الوضع ينعدل من نفسه وانك متعجبة ليش يصير كذا!

من زماان الاعضاء يقولون لك ان مشاكلكم هذي سببها العلاقة الخاصة

لاتتوقعين ولا بعد 10 سنين يضبط وضعكم اذا حال هالمشكلة تم على نفس النمط

ترجعين تكتبين موضوع على هوشة ولا سب ولا قلة تقدير وانتي عارفة كويس ان مو هنا مربط الفرس!

__________________

اختلافي عنك لا يعني اختلافي معك

VANITY اسمح لي
بس حتى اللي بينهم اشباع جنسي
تصير بينهم مشاكل من هالنوع
ياليت ماتربطوا كلامي بمشاكلي السابقه
لان كل فتره ولها مشاكلها
وانا شخصيا ما ابغى زوجي يقرب مني
عالاقل هالفتره.. مو متقبلته
ولماطلبت منه مايكلمني نهائي حسيت براحه
بس ادري بعد كم يوم ابحن له

حبيبتي توتي انا منظمه وقتي
زي ماذكرتي واكثر
انيم بنتي 9 وولدي 10 وانام معهم
بس ولدي يصحيني مرتين تقريبا
مع ذلك
من الساعه 7 اصحى وانجز اشياء كثيره
لكن من يجي الليل خلاص انطفي
وادخل انيم عيالي وانام مباشره
ومالي اي رغبه اجلس مع زوجي من الارهاق
وهو حسيت مو فارقه معه قلت الحمدلله
فانا اعمل جدولك كله ومنظمه وقتي
ماعدا فقره الجلوس مع الزوج
والحين اكثر مالي رغبه اجلس معه
لان اسلوبه له اسبوعين متغير معي

قسماً بالله انكن حريم طيبات وربات بيوت صراحه ، والله اني احترق وانحر لما تقول قاعده من الصبح ارتب واسوي شغل البيت واطبخ ، واتذكر زوجتي هداها الله ...!!!! قاطه كل الشغل على الخدامه ، الطبخ والغسيل وترتيب البيت بالعربي لبغيت شي ماانادي الا الخادمه تاره اناديها اطلب الغداء وتاره اطلب ملابسي الي غاسلتها وتاره ووووو.. سامحها الله ام اعيالي ،

الغريب معظم زوجات اصحاب زوجي نفس هالنمط
تاركات كل شي عالخدامه
والا ماتدخل المطبخ الا مره بالاسبوع
مع ذلك اللي عندي لاحمدا ولا شكورا

السلام عليكم أختي حقيقة لم أطلع على مواضيعك السابقة ، لكن قرأت هذا الموضوع شبه كاملًا فاتضح لي من خلاله أمور لابد أن تركزي عليها جيدًا وإن كان منها ماقالها البعض وأكد عليها الآخر ، ولكن من باب النفع:1- قلتِ في عنوان الموضوع تقليل الاهتمام بسبب عدم تقديره ( هنا أود أن الفت انتباهك إلى أن ليس كل الشخصيات ينفع معها هذا الأسلوب ، بل قد يزداد الطين بلة )
2- ماقلتِ بشأن العلاقة الخاصة ( هو عامل رئيسي في مايحصل بينكم ، قد لا يكون السبب كله ) ، وأيضًا أعتقد بخبرتي أنه مؤشر لأمر لا ترضينه ، فالحقي على بيتكم من الانهدام .
3- جلسات المصارحة الهادئة أينها في حياتكم ، جربي أن تفصحي بكل ماتريدينه من نقاط ومن ثم تطلبين منه أيضًا هو أن يفصح في ذلك ، وإلا وكأنكم في هذا الحال تتكلمون بلغات مختلفة لن تفهموا بعض ( قصدت أن يكون بشكل مفصل ، ولا يكون في أحداث مشكلة ما بل ماتريدنه من زوجك هو ..... ومايريده هو..... بغض النظر عن المشكلة ).
3- مشكلتك مع عدم اعتذاره أعتقد أن هذا يكاد أن يكون طبع الرجال لا أقول جلهم بل معظمهم ، فمن الصعب أن يعتذر بأقواله ؛ بل العادة أن يكون بأفعاله ( وهذا ماسمعناه أيضًا عن زوجك ) .
4- التنازلات ( لابد أن يكون مبدأ عند الأزواج راسخ فبدونه أعتقد أن الحياة لن تستمر ) إذا هذا المبدأ نحتاجه في علاقتنا المختلفة قريب ، صديق ، جار ، فلا شك أن العلاقة الزوجية هي أولى بهذا ( عند البعض أن كثرة التنازلات تفسر بأن تكون نتيجتها عدم المبالاة والاحساس بمشاعر الآخر ، أقول من الممكن أن يؤدي هذا ، لكن ما المانع أن ألفت انتباه شريكي أن التنازلات صار مآلها إلى هذا ، لكي أجعله يراجع نفسه ) .

5- الذي شد انتباهي جدًا قولك لا أجلس معه أثناء شرب القهوة بل أذهب أتكلم مع صديقاتي ، ألا ترين هذا هو ركيز في أن يؤدي حياتكم إلى الأسوأ ، وقيسي عليه مثل ذلك ، لا أجد فيه مايؤول إلى حل المشكلة .
أعانك الله ، ووفقكما إلى رضاه ، وجمعكما على السعادة .