بسم الله أستعين ..

ما دفعني للكتابة اليوم هو أنني وصلت لنقطة الصفر
و أشعر أني فعلاً بحاجة إلى المساعدة لأن ما أمر به خطير جداً و يدمرني على كافة الأصعدة

هذا موضوعي الأول فضلاً .. الإطلاع عليه
http://www.66n.com/forums/showthread.php?t=259142

المستجدات :
أني بعد ما شتمته ( توقعت العلاقة بيننا انتهت تماماً )
او كما يقولون تأكدت ( لأنه نقطة الألفاظ بيننا كانت مصيرية )
و كان دائماً يذكرني بأنه ولا مرة تلفظ علي
( ف عرفت انه هالشي يعتبره عظيم )

..

( الفاصل بين شتمي له و كتابة موضوع و تفكيري اني اغير رقمي يومين فقط )
بعد كذا خلاص كان تفكيري اغير رقمي
و مسألة وقت فقط اني اطلع اشتري شريحة جديدة

..

بعد كذا اتصل علي و تفاجئت جدا
و للأمانة رجع لي الأمل انه ممكن يصير في نهاية مرضية للطرفين
و نتحاور و افهم منه ليش يسوي كذا معاي

وفعلا ( كان صوته متألم و مصدوم )
و سأل ليش سويتي كذا ؟ و انا لو ذبحت اهلك ما كنتي سويتي كذا
طنشت كلامه لأنه جدا يجرحني و يستفزني
لأنه بقرارة نفسي احسه ذبحني انا معنويا !

قلت له : شوف يا بن الناس يا تكلم والدي يا تمسح كل شي

قال ايش تقصدين امسح كل شي

قلت محادثاتي معاك ( كان يسوي لها تصوير للشاشة )
ما ابغاها تظل معك

قال : ماني ماسحها

قلت له ليش ايش ناوي تسوي فيها

صار يعيد سؤالي بإستغراب : ايش ناوي اسوي فيها ؟

قلت له : ما له داعي توقف على الأطلال اذا العلاقه انتهت

و عندي سؤال /
ليش تأخرت بمسألة الزواج
انا عندي احساس ان السبب مو ظروف مادية او امور خارجة عن ارادتك
احس في سبب خفي

قال : فعلا انا متردد ( و لأول مرة يصارحني )
بعض الكذب يوجع يا فلانة

قلت ايش تقصد ؟
متى كذبت عليك

قال : ارجعي لبداية علاقتنا
كنتي تقولين كلام و ما نفذتيه

قلت اها انت تقيس الامور كذا
اجل احنا متساويين

قاطعني بعصبية وقال : انا تغيرت من بعد ما تغيرتي
( ما حبيت ادخل معاه بنقاش عقيم )
قلت : اليوم تحسم امرك معاي يا تكلم الوالد يا تخليني و تمسح كل شي

قال ان شاء الله ب افكر و عطيني لبكرة
قلت اوك /

انتظرت جا بكرة
ارسل لي للحين افكر

انتظرت اسبوع
ارسل للحين افكر

مروا ثلاث اسابيع
بعدها ارسل لي صورة لجامعتي و هو واقف جمبها ( انا كنت مغتربة للدراسة
و هو كان معاي بنفس المدينة / عرفته في الغربة )
حسيت بالدم يغلي في عروقي

يعني مو وقت انه يذكرني بأمور في الماضي
و انا احتاج قرار

رجعت تكلمت معاه بحوار مطول
خلاني ( خلاص اقلب الصفحة تماما )
و خلاص حذفته من كل البرامج عندي + حذفت كل البرامج
و حذفت رقمه و حظرته

لجأت لله عز و جل و كنت استغفر كثير
و ادعو الله انه يمن علي بالحلال

و تقدموا لي كثير بهالفترة سبحان الله ( فترة شهر و نص )
ولا واحد صار لي معاه نصيب
تقريبا ٦

حاليا انا بحالة انهيار

اللي اعاني منه :
ـ انهياري النفسي و تمثل هذا ( في انقطاعي الكلي عن صديقاتي و علاقاتي )
+ انقطاعي عن ممارسة اهدافي الكبرى بحياتي حتى الصلاة ثقيله علي

ـ رجعت للأسف للعادة السرية ( و ابغى مساعدة حقيقية من هالجانب )
علماً بأن سقوطي فيها له دافعان الأول ( شهواني و هو فجره فيني و افتقادي للمورد الحلال ف هذا الجانب + احباطي نفسي و هو الأكبر ف انا اتعمد ايذاء نفسي مثل الأشخاص اللي يجرحون انفسهم ب سكين من كثر الصراعات النفسية )


الهدف من الإستشارة :

ـ تصحيح مفاهيمي تجاه الله و النفس و الزواج ( كلها مفاهيم سوداوية )

- التخلص من الألم و الندم و القهر و الإحساس بالضياع

ـ ما أبغى اركز على مسألة الزواج مع اني اتوقع انها الحل الجذري و المثالي لحالتي
و لكن السبب لانها قسمة و نصيب فقط
و انا جالسة اعلق نفسي بأمر غيبي
( انا مركزة حاليا عليها
و تواصلت مع مأذون انكحه
و افكر اتواصل مع خطابة و صارحت والدتي بهالأمر )

انا مشكلتي ليست معه
هو صفحة و انتهت
انا مشكلتي ب تبعات هالعلاقة
القهر و العادة السرية و تركيزي على مسألة الزواج و ضياعي عن تحقيق اي شي مفيد
لأنه تفكيري منصب على الماضي

اخيراً
اخاف ان اكون ممن قال الله فيهم
( و منهم من يعبد الله على حرف فإن أصابه خير اطمأن به و ان اصابته فتنه انقلب على وجهه خسر الدنيا والآخره ذلك هو الخسران المبين )