انا فتاة الحمدلله مشهوده باخلاقي وجمالي عند جماعتنا
وهذي اخر كورس عندي بالجامعه

المهم انو وحده من رفيجاتي كلمتني عن اخوها انو يدور له على بنت الحلال
وهو مطلق وعنده طفلين عايشين معه

انا تردد انا لسى لم يسبق لي الزواج واخذ واحد مطلق وعنده اطفال
المهم كنت طالعه مع رفيجتي وجا اخوها ياخذها من الجامعه
مع العلم انها دايم ترجع معي بسيارتي
بس اتوقع انو عارف عني وجا يشوفني ويتحجج باخته ؟؟؟

بعد ذا اليوم ورفيجتي تقول اخوي وايد معجب فيك وراح يتقدم لج رسمي
انتي موافقه

وانا بصراحه شفته وكثيررر عجبني بس ما قلت حق اخته


بعد اسبوع قلت لها اني موافقه


وتواصلوا الاهل

وتمت الخطبه الرسميه وشافني فيها
وقالي شنو يحب في الزوجه تكون وكذا ........الخ
حسيت انو وايد عجبته وحبني


ونمت وانا واااااايد مبسووطه منه

مر يومين ماكو اي خبر منهم نزلت عند امي وقالت انو ما كتب لي نصيب معه
استغربت وااااايد

قلت لها ليه شنو اللي صار قالت انو امه قالت
البنت مو مرا عجبته جمالها عادي

انا استغربت وايد كلام اخته غير تماما
واللي شفته في الخطبه حسيت انو طاير فيني كيف ما عجبته ؟؟؟


ورفيجتي ماعاد كلمتها وهي اتصلت فيني مره واحده ولا رديت عليها


احس اهتزت ثقتي في نفسي
هو شافني قبل لا يتقدم يخطب رسمي ثم يقول ما عجبنتي لعب يهال هذا

انا ما بط جبدي الا انو شايفني قبل لايتقدم


حزينه