السلام عليكم

المشكله باختصار شديد

علاقتي رسمييه جدا ب اخت زوجي ونادر ما اقابلها رغم اننا ببيت واحد السبب لاني اكتفيت تمااما بالي شفته منه واحاول اقلل حتى يستمر المركب .. زوجي متعلق فيها وبخوف كمان يعني مو كله حب اللي حاصل طوال فتره زواجي قرابه 6 سنوات اي مشكله تصير اكون انا الغلطانه ومالي اي حق دايم يقطع فيني دمرني نفسيا صرت اعاني من القولون العصبي .. قبل فتره اشتكيت من تنمل بيدي واطرافي ومع الفحوصات ماتبين شي واخرتها السبب نفسي وفعلا ما استبعد ..
رغم كل ذا حياتنا هاديه ونحب بعض .. حاولت اني اتجاهلها حتىى اعيش لان مافي امل زوجي يتغيير
انا من النوع الكتوم جدا وهذا الشي تاثييره بصحتي
افقدني الثقه بتصرفاتي صرت ينغلط بحقي واقعد اسئل نفسي هالشي يزعل وبعد فوات الاوان اصحى اني ماتخذت موقف ..
الحاصل .. قبل قليييل صارلي موقف حسيت اني لهنا وكفااايه ..
اخته عندها ولد 3 ونص وولدي 4 سنين اتضاربو وهذي عادتهم مو شي جديد وكان ولدي ببيت عمته ارسلت شغالتي تطلع ولدي لان وقت العشاء واسمع الولد يبكي بشكل يخوف مو على عادته توقعت طاح من الدرج او شي من هالقبيل نزلت الا شفت الولد يبكي وجنبه الشغاله وبنت عمته 6 ابتدائي ضاربته اول ما شافتني دخلت بيتهم وقفلت الباب .. اخذت ولدي وسئلت الشغاله اش الي صاير قالتلي انهم تضاربو الصغار وجات الكبيره كملت عليه .. ساعتها عصبت قلت خلاص انا اشوفها بس اقابلها زوجي كالعاده ببرود لا لا صدقيني ماضربته قلت انا شايفتها وكانت الشغاله فيه وقالت الي شافته .. الي قاهرني بالموقف انه ينعدا بس اسلوب زوجي مستفز لاقصى درجه هم لهم حق يغلطون انا لا ولدي لا 4 سنوات ولما يضرب ولد عمته انواع العقاب والحرمان في حين ان ولدي لما يجي مضروب لا ياحبيبي هو يحبك وسامحه ! .. نومت اطفالي ورحت اريح شوي الا اسمع الباب يدق وبخفه فتحت لاني خفت ولدي يصحى واخوه .. الا بنت عمته جايه تسئل عن حاجه سئلتها عن الي صار واخترعت لي هرجه مالها اي علاقه وقلت انتي كبيره وعيب تكذبي وتمدي يدك ع اللي اصغر منك لما يتضاربو الصغار لاتدخلي هما مايضرو بعض وصالحي بينهم بدل ما تضربين وخرجت يمكن ماصار 5 دقايق الا جاي اتصال لزوجي من اخته تقوله انا ضربتها والبنت الان قاعده تبكي وسالفه انا دخلت وهو يكلم واسمعه يقول متى صار هذا الكلام !؟ وسئلته مباشره اش فيه (الوضع والجو كان بينا قبل المكالمه من احسن مايكون ) ما اشوفه الا يلتفت ويقولي بصوت عالي اطلعي برا وقفلي الباب .. هي وقتها قفلت المكالمه .. قلتله خيير اش فيه قال تقول انك ضاربه فلانه انا وقتها كل القهر الي فيني طلع كانت من تحت لتحت الان تلعب ع المكشوف قلتله اوك انا ضربتها خليها تواجهني هي وبنتها وما اسمع الا السب انتي قليله عقل وكالعاده .. اخذت الجوال وارسلتها (خافي الله اذا كان المتحدث مجنون فالمستمع عاقل ما اقول الا حسبي الله ونعم الوكيل وان شاء الله تشوفين كيدك ببنتك وابشري الدنيا دواره ) ردت انا اش قلت ومن ذا الكلام قلت ادا عندك شي واجهيني ماني بزر تشتكين عند اخوك وش متوقعته يقول اذا سمع اني ماده يدي عليها هو اساسا ماينتظر ولا يتحقق يقرر تلفظ علي وماعرف الهرجه ولبسني التهمه ولا استفسر قالت ما اتوقع اخوي وعارفته ..
وهو ماله حظ وين مايطقها عوجا
وطلبت منها هالبنت ماترسلها عندنا لاني اساس الفتنه ونقل الكلام ..


هي ماعاد همتني اللي عندي وقلته لها واول مره احس اني طلعت الغضب بداخلي دايم انتظره ياخذلي حقي وللاسف مامنه الا تحطيم


الان ماني عارفه اتخذ موقف نفسي احسسه مو بالسهل يغلط علي واكثر ماحز بنفسي طردته لي من الغرفه وهي عالجوال وماكان بينا اي سبب يستدعي انه يكلمني بذا الاسلوب

هو من النوع لو اقعد سنه ما اكلمه ماتفرق معه وعنيد بشكل ونقطه اني اناقشه شي هما سبب فيه شي مرفووض
احيان احس اني وعيالي شي اضافي لحياتي واخته واطفالها الاساس
حتى ينادوه بابا ..

محتاره وتعببت من الكتمان ..

__________________
"ولعلَّني رغم احتياجيَ انطوي، وألوذُ بالصلوات و الخلواتِ، الناس تهجرني لعيبٍ واحدٍ، والله يقبلني على علاتي!"