السلام عليكم ورحمة الله وبركاته

انا مضايقني شي وابغى اعرف انا صوااب و لا

اهل زوجي عايشين بمنطقه بعيده عن ديرتنا بعد ماتوفى ابوهم اخذهم اخوه الكبير
يجون لديره اوقات الاجازات
زوجي يشتغل في منطقه قريبه من ديرتنا شوي يجلس اسبوع ونهاية الاسبوع يجي ياخذني يوم او يومين او ثلاث
من تزوجنا وحنا ع هالحاله لاني كنت ادرس بالديرة و ثانيا لان ماعندنا بيت والان تونا بادين في البنا

نجي للمشكله ... زوجي لما يجون اهله ينساني احس اني مااجي في باله الا نارد ويقضي كل وقته مع اهله ياخذ اجازة شهر كامل ويقضيه كله مع اهله وخاصة في رمضان خلاص الشهر كله عند اهله مايتذكرني الا نادر او انا انفجر واعاتبه يحز بخاطري هالشي

لما قلتله قال امي لها حق علي اكثر منك ومن ولدك وابغى اجلس معها ... طيب حلو اهتمامه في اهله وحبه لهم وبره في امه لكن انا يعني مالي حق انحرم من زوجي شهر او بالاصح المده اللي اهله موجودين فيها خلاص انا اكون في الهامش لين يسافرون وعاد يرجع يتذكرني وبس ااجلس معه يومين
انا لي ثلاث سنوات ماني فاهمته مااحنا عارفين بعض كل واحد في حاله
مره سافر وقالي بمر منطقه اهلي قلت اوكي بس لماتوصل طمني عليك
جلست سهرانه الليل كله انتظر لو مسج منه يطمني عليه ولا حياة لمن تنادي رسلت مايرد وبعدين طنشته ثلاث ايام ماادري عنه ولا حتى سال ولان كان عندي موعد مع الدكتورة ارسلت له اذكره عشان يجي قبله بيوم يوديني احس اني عاد ذكرته فيني ولا هو مو مفكر

المهم انا ابغى اشوف رايكم في هالشي وعتابي له كل سنه يصير هالشي حلو ولا بالغت في الموضوع وفي نفس الوقت ماابغى اكون
لزقة


تم تعديل العنوان ليتناسب مع مضمون الموضوع