نزولا عند رغبة ام يوسف افردت موضوع خاص للحلاين اللي نزلت صورتينهم
تستاهل كم ام يوسف عندي وحدة و تتغلى على كيفها
هاذي صورته ... اعذروني انا ما صورته كثير
بس ان شالله اذا فضيت و لقيت فرصه بنزل صور الخطوات
المقادير :
أ - بسكويت شاهي / علبه قشطة / م كاكاو بودرة
ب - جالكسي فلوتات
ج - 4 حبات كيري / حليب نستله الصغير / م نسكافه
د - بسكوت اوريو الاسود
الطريقه ؛....
نجيب فناجيل القهوة و نلبسها بالنيلون الجلاد كويسً
و نخلط مقادير ( أ ) و نعجنهم كويس و نكور العجينة
و نلبسها في الفنجال يعني تكون مجوفه من الداخل
بعدين نكسر الجالكسي الفلوتات كسر صغيرة و نحط منو شويه في الفنجال
بعد كذا نخلط مقادير ( ج ) مع بعض لين تتمازج مزبوط
و نضع ملعقتين في وسط كل فنجال تقريبا
اخر شي نجيب حبة الاوريو و نكسرها نصفين و ناخد واحد منها و نغمسه
في شويت حليب بارد و نغطي به الفنجال
لما نخلص من المجموعه كلها ندخلها الفريزر حتى تبرد و تتماسك
عند التقديم نقلبها و نزينها بصوص الهرشي
و ترا طعممممم يا بنات لا تفوتوه
يعجبني في الظروف المفاجئة ... اذا احد طب علينا بدون موعد
و يا كثرهم
اطلعه بس و رشتين هرشي يا سلام أطلع انا السنعه قدامهم
و بس سلامتكم
19-07-2013, 03:52 PM
ضوابط المشاركة
العرض الشجري