للي يفكرون بالزواج الثاني

من حق الرجل يفكر في الزواج الثاني و يقدم عليه اذا كان راغب. بس مو من حقه يظلم زوجته اللي معاه.. مو ما يحق له.. ما يجوز له شرعا و لا عرفا.
و مثلما ذلك من حقه أيضا من حق المرأة تعيش مثلما تريد و تتحقق رغبتها (العالم مو بس موجود عشان الرجل) (حتى المرة لها رب) زي ما يقولون.
للي يفكر في الزواج الثاني.. لطفا اتبع الخطوات التالية
1- اجلس بهدؤ و فكر وش اللي يخليك تبغى تتزوج ثاني.. انعدام الود و الانسجام. و الله هذي مشكلتك أتنت حلها. الرجل في العلاقة الزوجية هو اللي لازم يبادر أول. أظهر لزوجتك الود و الاهتمام (من صدق ) و شوف اذا ما ردت لك الود و الاهتمام داك الساع فكر كيف تخلق انسجام! روح المكتبة و اشتري لعبة جماعية(مثل المونوبولي بس في المكتبة ألعاب أرقى) من و تعال البيت و العبها مع زوجتك و شوف كيف النتيجة .. و اطلعوا مكان تحبونه انتم الثنين بدل ما تفرض عليها المكان اللي أنت بس تحبه.. فكروا مع بعض في مشروع صغير (حسب القجرة المالية) و اشتركوا فيه بالمال و الأفكار
شفتوا اش لون الحياة بينكم ممكن يكون فيها مليون قصة مشتركة
بدل ما تجلس لوحدك تحاول تقنع نفسم انه ما فيه انسجام و تبرر الزواج الثاني!!!!!!!!

2- اذا و الله ما فيه أمل (فيه بيوت حالتها ميئوس نها) اجلس مع زوجتك و تكلم معها في الموضوع بصراحة بحيث تقدر رغبتك ثم اعرف وش اللي تبغاه عي في المقابل (مقابل مادي- تستقل في بيت مع أولادها بكرامتها- تنفصلون و انتم تحترمون بعض أحسن ما تعيشون تكرهون بعض و تدعون على بعض...............)
و حط في بالك انها لازم ترضى بحل و لا تروح تجيب لنفسك زوجة و تصير المشكلة ثنتين!!

3- فكر بصدق مع نفسك هل الدافع للزواج الثاني هو الشعوة الجنسية فقط أم أنك فعلا بحاجة)روحيا)لها .
انتبة: المرأة انسان أرق منك و أكثر حساسية منك .. و ليست أداة جنسية تعبث فيها متى شؤت و تتركها متى شئت.

4- و لو كنت من اليلي يقولون انهم متدينين.. ضع الله نصب عينيك أولا و تقرب له ليعديك للصواب و يجنبك ظلم بنات الناس.

و للموضوع تتمه.. و أتمنى أشوف استفسارات و صدقوني .. باكون ناصحة للكل بما يرضي الله و عن خبرة و دراية

الله يوفق الجميع