السلام عليكم
انا عندي مشكلة واتمنى انكم اتساعدوني في حلها
انا بنت عمري 24 احببت شاب اكبر مني بعشر سنوات
وهو يبادلني نفس الشعور وانا متأكدة انه يحبني
بس المشكلة انه هذا الشاب متزوج .. هو يحبني وااااااايد ومب مرتاح مع زوجته بالمرة بس مب عارف شو يسوي يعني نقدر نقول متورط .. حاول انه يتكلم مع زوجته ويتفاهمون على الانفصال طبعا هذا قبل ما يتعرف علي
بس هي تقول شو بيقولون عنا الناس مع انها هي بعد مب مرتاحه معاه ومب مقتنعه يعني كل واحد فيهم يجامل الثاني ومب مرتاحين نفسيا .. هو عايش في وادي وتاركها تعيش في وادي صح انهم في نفس البيت بس مافي بينهم حب ولا مشاعر ولا حتى تفاهم
اكيد بتقولون انه يخدعني بهذا الحب بس انا متأكده من حبة لي وانا امووووووووووووووووووووت فيه احبه بشكل جنوني
احس ان هذا لانسان اللي كنت ادور عليه من زمان .. هذا الانسان اللي يناسبني
كل شي فيه يعجبني .. بس ارتباطنا صعب شوي ..
شو اسوي في هذي المشكلة احبه ويحبني بس لين متى بنستمر على هذي الحالة مع العلم اني اعرفه من حوالي سنه ونص وكل يوم حبنا يزيد
ممكن النصيحه والحل اذا ماعندكم مانع
ومشكورييييييييييييييييين

وين الحل .. ليش محد يرد علي او يعطيني النصيحه !!!

والله يا أختي أي اثنين متزوجين شي وارد تيجي بينهم فترات ملل.....لكن بيرجع الوضع بعدين طبيعي....اذا كل واحد عنده مشاكل مع زوجته بيدور وحده ثانيه ما كان استمرت زيجه!! ولا تنسي انه الله ما يرضى عن علاقتك به.....لا تبني سعادتك على دمار بيت...
واعطي الاثنين فرصه يتصالحو....وانشالله الله يبعثلك زوج صالح...وفي....(وما يخون))))))).................................

نصيحه مني ابعدي عنه ..
وانك ماتصيرين انانيه وتبحثين عن سعادتك على حساب مرأه اخرى وتهدمين كيان اسرره ..
وياليت تزوجين برجل اخر وتشيلين هذا الرجل من تفكيرك هذا اذا كان على قولك يحبك مع اني مااعتقد ...

هذا هو الحل

خليتوني اشك فيه

هو كان بيخطبني اكثر من مرة بس انا ماخليته لان اهلي بيرفضون وانا متأكدة من هذا الشي

مافي حياه خالية من المشاكل هذا شي طبيعي ومعروف .. المشكلة اللي بينهم مش موضوع خلاف بس مافي قناعه بينهم .. وعلى فكرة في مشكلة بينهم من قبل معرفتي بهذا الشخص .. صدقوني انا عمري مافكرت اني اهدم اسرة عشان سعادتي وانا كلمته بهذا الموضوع وفهمته انه لازم يحاول يتأقلم مع الوضع ويحاول يحافظ على اسرته بس هو مب مرتاح انا لو كنت مقتنعه بهذي الهلاقه جان ماطلبت منكم المساعده
انا مب انانية مثل ماتقولون بس في البداية هو حب يطرح علي مشكلته ويطلب مني المساعده .. انا اشفقت عليه وبعد فترة تحولت علاقتي فيه لحب كبير .. صدقيني انا ماتعمدت اخليه يحبني كل شي صار تلقائي بس بصراحه ومع حبي له انا واااااااااااايد احس بتأنيب الضمير وهو عارف هذا الشي .. انا قلت له اني ما اقدر ابني سعادتي على تعاسه غيري بس هو يقولي انا بعد مب مرتاح وما اقدر اجبر نفسي عليها .. هو انسان عاقل وصادق معاي في كل شي بس علاقتنا غلط .. ولازم احاول اني انهي هذي العلاقه بأي طريقة مع اني ادري انه صعب علي وعليه بس بحاول
شكرا

اختي ...
ان كان يحبك بحق فما الذي يمنعه من التقدم لك ...
هل ينتظر زوجته الأولى توافق ...
هل تقبلين بأن يكون مستقبلك وحياتك بقرار زوجته الأولى ..
اذا لم يستطيع ان يقرر الزواج منك الا برضى زوجته الأولى فهو ضعيف شخصية ..
او انه يكذب عليك ويريد خداعك لحاجة في نفسه ..
فارجوا ان تتخذي قرار حازم حول ذلك ولا بد ان تبيني له اما ان يتقدم لخطبتك .. او يخرج من حياتك ..
تحياتي..

__________________
سبحانك اللهم وبحمدك استغفرك وأتوب إليك

شكرا يا اخي Salm2004 على الرد بس انا احب هذا الانسان واااايد ومتأكده من حبه لي .. هو عرض علي الزواج بس انا متأكده ان اهلي مستحيل يوافقون اذا كان متزوج وفي نفس الوقت انا ما ارضى انه يطلق زوجته عشاني
انا ما احب اكون انانيه لان اذا انا كنت في موقف زوجته واااايد بزعل لذا عرفت انه زوجي يعرف وحده غيري حتى لو كنت مب مرتاحه لكن يا اخي العزيز هذي مشاعر ما اقدر اخفيها وما اقدر اوهم نفسي اني انا نا احب هذا الشخص .. انا متأكده من حبه لي لاني اعرفه عدل بس ماباليد حيله .. اتمنى ان الله يسعده مع زوجته ويهديهم ويخليهم لبعض لكن حتى لو تزوجت بيظل هذا الانسان اللي كنت احلم فيه واتمنى اني اعيش معاه
لكن كل شي بإرادة الله
والحمدالله على كل شي
هذي العلاقه مسببه لي قلق نفسي كبير وشعور بالذنب
سامحني يارب