لم أتوفق في خطوباتي .. ولله الحمد على كل حال
أنا شاب عمري 28 سنة .. على قدر كبير من الوسامة ومن عائلة ميسورة ولله الحمد
لم يرزقني الله بأخوات .. رحت مع الوالدة لعائلة نتعرف عليهم بهدف خطوبة بنتهم .. بس البنت ما أعجبت الوالدة .. وكنسلنا الخطوبة
بعدها بفترة كلمت الوالدة أم واحدة من البنات .. وطلعت البنت مخطوبة
بعدين الوالدة قالت لي فيه بنت من عائلة محترمة ومعدنها أصيل وجميلة وطويلة وجامعية وربة بيت ممتازة .. مثل المواصفات اللي كنت أحلم بها
وأنا بلساني أرفض الزواج .. لكن في داخلي أنا بأمس الحاجة له عاطفياً وجسدياً .. مدري هذا خوف وإلا خجل وإلا عدم ثقة بالنفس .. خصوصا إني شاب رومانسي
واليوم جاني الخبر إن هالبنت انخطبت .. وضاق صدري بالحيل .. ولله الحمد على كل حال
بصراحة أنا تعبت .. أحلم بفتاة رومانسية وطويلة وجميلة وربة منزل ومن عائلة طيبة .. لأنها بتكون أم لعيالي مستقبلا إن شاء الله .. وكثيرا ما يأثرون الخوال في الابناء من ناحية الذكاء والأخلاق .. لكن الله ما وفقني حى الآن .. وما أبي على أقدم على خطوبة بنت من عايلة ما نعرفها .. لأن ما ندري عن أخلاق البنات .. خصوصا بعد انتشار سوالف الإعجاب بين البنات في المدارس والكليات .. والبلاك بيري والآيفون .. الله يكفينا الشر
بصراحة هالموضوع تعبني نفسياً .. وأنا تعبت جداً من العزوبية .. خصوصاً بعد زواج الغالبية العظمى من أقراني .. بل إن بعضهم صار عنده ولدين وثلاثة
أرشدوني ما الحل؟
10-06-2011, 06:14 PM
ضوابط المشاركة
العرض الشجري