هل ابدأ حياتي بعيداً عن زوجي ام اسامحه
السلام عليكم ورحمة الله وبركاته والصلاه والسلام على سيد الخلق اجمعين سيدنا محمد صلى الله عليه وسلام
ساطرح عليكم مشكلتى واتمنى ان تفيدونى بلنصيحه واتمنى ان يستفيد من مشكلتى من يقراءه انا امراءه عندى 30سنه متزوجه من 10 سنين وعندى بنتان وولد تزوجته عن حب وكان سر حبى وتمسكى بزوجى قبل الزواج انه شاب ملتزم ومتدين وتزوجنا بعدعناء من رفض الاهل ولكن كان حبنا اقوى تزوجنا وكان زوجى مزال فى الكليه اسنه الاخيره هندسه نسيت نفسى وما تحتجه العروس من مشاعر وخروج ووجود زوجها بجانبها من اجل نجاح زوجى وبعد النجاح سافر زوجى الى بلد عربى ولم يطيق الحياه بدونى وبعد 6 اشهر ارسل لى وذهبت للعيش معه فى الغربه ولقيت هنا فى الغربه ما لقيت من متاعب وعناء وكنت دائمه التمس لزوجى العذر لانه دائما مشغول وعنده مشاكل وديون وكنت دائما معه اصبره وافكر معاه كان اعز عندى من اولادى كنت اعامله كانه ابنى من دلع وحب واهتمام لكن زوجى بعد الزواج اصبح لايعرف شئ عن الرومنسيه والحنان كنت وانا معه دائما ااحساس بالوحده وبعد مرور السنين كنت انتظر منه التغير معى انتظر الاهتمام والرعايه والحب والحنان كان زوجى منذ زواجنا مشغول جدا ليس بشغل فقط بل بالدعوه الدعوه لله فهوا داعيه لبق ومتحدث جيد ولكن فى البيت لا يهتم باولاده ولازوجته وكنت دائما اشكى الوحده وخروجه الدئم وانى واولاده لينا حق فيه وان الدين زى محفذ على الدعوه خارج البيت فكمان فيه دعوه داخل البيت من حق اولادك ان تعلمهم وتشارك فى تربيتهم ولكن دون فائده وبعد مستقر فى شغله وحياته نسى ان له زوجه رومنسيه وحنونه تحبه وتخاف عليه اكثر من نفسه ونسى انى لى حق عليه وانشغل اكثر واكثر بالدعوه وتركنا ومن اجل ان يشغلنى عنه علمنى على النت وعرفنى على ما يسمى بالشات ولقيت فيه اشباع لما احتاجه احتاج لاحد اتكلم معاه وكنت ادخل واتكلم ولا اعرف من اكلمه ولكنى كل الذى اريده ان اتكلم فقط وكان زوجى يعلم ما افعله وكان من وقت لاخر ينبهنى ان الشات فيه مشاكل وانى لا اعلم مع من اتحدث وحصلت مشكله كنت تعرفه على صديقه واخذت ارقام تليفونى وبعد فتره طويله اعترفت لى بانه شاب ويحبنى ورئى زوجى رساله منه وفكر سعتها فى طلاقى ولكنى فهمته الحقيقه ولكنه فضل يشك فيه وسار بنا مشاكل كتير وتغير زوجى تماما وعلى الرغم من انه قال انه سامحنى الا انه تعمد المشاكل معى وتعمد بعده الدائم عن البيت وانتهز مشكله بسيطه بنا وطلقنى ولانى معه فى الغربه بعيد عن اهلى استمريت معه فى المنزل حتى اجهز لسفرى وحولت فى الفتره دى استسمحه وافكره بذكريتنا وحبنا وكان معى فى منتهى القسوه والتجاهل الذى كان دائم التعامل معى من اول زواجنا والى وصلنى للاكتئاب نعم كنت بتعالج من الاكتئاب بسبب زوجى وعلى الرغم من تحذير الدكتور لزوجى بانه لزم يغير من تعامله معى لا انه اصر على روتينه اليومى القاتل لى وبعد محجزت للسفر ردنى ونزلت بلدى انا واولادى 3 اشهر وطول فترت سفرى كان معى فى التليفون فى منتهى القسوه ويقول هنزل فى الاجازه اطلقك وان حياتنا انتهت ولما نزل اتغير تماما وقال ان عوزك معايا تانى انا معرفش انا ليه بعمل معاكى كده انا تعبان وحاسس ان فى حد عملى سحر صعب عليه كلعاده وذهبنا للشيوخ المعالجين بلقراءن وطلع مفيش سحر ورجعت معه فى الغربه تانى وانا كلى عزيمه وتفائل واخلصه النيه لله بانى ارضيه واصبر عليه وابتعد عن كل الى بيغضبه اما بعده عن البيت وعدم اهتمامه بيه وقسوته فى التعامل فوض امرى فيه لله وصبرت عليه مع العلم انه كانت تالمنى جدا لانه عكس شخصيتى تمام فانا معه دائما حنونه ودوده رقيقه وصبرت وصبرت ولكن من بعد تصرفات وافعال دخل الشك فى قلبى بانه على علاقه ما زوجى الملتزم كان يسمع الاغانى دائما وارى على جواله شعر فديو مقطع من فلم كلها قبل واحضان وفى الوقت نفسه لا يقبلنى القبله التى تعجبه ونزله على جواله بدات اشك وتاكد زوجى الذى كان يتركنى دائما من اجل الدعوه الى الله زوجى العملى الى ملوش فى الرمنسيه والكلام الفاضى زوجى الذى طلقنى عندما رئى رساله غلط كان يعرف بنت من النت بيكلمها من 3 سنين وسمى بنتى الاخيره على اسمها وشفت بعنيه اميلهتم وازاى جوزى رقيق ورمنسى شفت كلامو ليه واهتمامو بيه شفت كل الى حرمنى منه ادهلها وكل متحصل مشكله صغيره يحكله ويقلها خلاص ساطلقها واتجوزك نخرج ونروح رحله يصورها فديو ويبعتهولها بعد مرجعنا من السفر على انو خلاص هنكمل مع بعض فضل يعرفها ويحكلها انصدمت اكبر صدمه فى حياتى عمرى مشكيت فى اخلاقه عمرى مشكيت فيه لانى عمرى مقصرت معاه فى حب ومشاعر بالعكس تمام وبعد معرفت بيقول سمحينى مش هكلمها تانى ونبدء من جديد بس انا مش قدره مع العلم انى بحبه جداً حتى بعد الى حصل مش قدره اكره بس ازاى انسى انو مخفش عليه وسبنى اغلط بسببه ازاى مفكر ان الى بيعملو ممكن ربنا ينتقم منو بانى انا كمان اعمله اواى حرمنى وداها من بعد معرفها عيشنى سنين مش قدره انسه حتى الضرب ضربنى انا الى عمر ابويا معملها ابد كل مشكله ضغيره يهددنى بطلق ودلوقتى بعد معرفت بيقلى بحبك ومقدرش استغنى عنك وسمحينى وهتغير وانا مش مصدقه انو هيتغير واكتشف بعد 3 سنين كلام معها انه كدابه ومش مظبوطه بيقلى كنت مغفل وللعلم كانت معرفه من النت فقط لانه من دولة عربية اخرى واحنا فى بلد خليجى قلولى اعمل ايه اامنه تانى على نفسى هوا ادانى الشقه انا وولدى وفلوس ومستحقاتى الى عندو ممكن تامنلى حياه كريمه من غيرو ابدء حياتى بعيد عنو ولا اسمحه افيدونى وعذرا على الاطاله
التعديل الأخير تم بواسطة cutiepie ; 09-03-2009 الساعة 12:42 AM
09-03-2009, 12:25 AM
ضوابط المشاركة
العرض الشجري