السلام عليكم

ذهبت اليوم مع زوجى للسوبر ماركت لشراء بعض المتطلبات

وبالصدفة لقيت هناك صديقتى وهى فى نفس الوقت تعمل لدى

قمت بالتاْشير لها وجاءت وسلمت عليها وقالت لى مع من

اتيت فقلت لها مع زوجى قالت فرصة زوجى يبغى يتعرف

علية من زمان>>>>> فعلا اكثر من مرة قالت لى

قلت لها ابشرى انادية الحين ورحت عندة وقلت لة

صديقتى وزوجها هنا زوجها يبغى يتعرف عليك روح سلم علية

انا قلت كذا وزوجى انفجر صارخا ماابغى اروح عند احد

طبعا هم سمعونا لاْن المسافة بيننا قريبة جدا ومرينا من امامهم

وانااحاول اقناعة وهو يصرخ لدرجة ان الموجودين مستغربين ايش

الى حصل,,,, انا ساعتها كنت بنفجر بكاء وانقهرت كثيررررررر

لان هذة صديقتى واعزها كاخت وماكنت ابغى

احرجها مع زوجها ولانه صارخ فينى

قدام الكل بمافيهم صديقتى وزوجها

وفى الطريق جلست ابكى وزوجى يصارخ

اكثر يقول موبمزاجك تعرفينا على الناس مااحب احد يكلمنا

وانا معاى زوجتى ومااحب هذة الاساليب

للعلم زوجى من النوع الطيب ولكن طبعة

انطوائي مع ان لة اصدقاء كثر

بس يجى عندى يقلب يصير متقلب المزاج وعصبي كثييييييييييييييييير

واغلب وقتة ساكت وتقريبا مفتقدة

معاة جو النقاش والحوار المهم نرجع لمشكلتنا

قلت لة هذا موتعارف هذا سلام فقط

وانااحترجت لماقالت لى زوجى يبغى يتعرف على زوجك ماكان بيصير فيك شئ لوسلمت علية ومافى

داعى للفضايح رجعناالبيت وطبعا رجع زوجى الدوام

حقتة وتاخر الى الساعة12 ليلا جاء البيت ودخل غرفة الضيوف ونام

وهو زعلان مع ان المفروض انة انا الى ازعل لانى فعلا

كنت بموقف لااحسد علية للعلم انا اتصلت عليها ابعتذر لها

لما رحت البيت مارفعت السماعة اكيد راح تزعل

مدرى احس نفسي مخنوقة بجد ومدرى مين فيناالغلطان

وكيف اقدر اصلح الموقف وهل اضل متخاصمة مع زوجى

مع العلم انة تكرر مشهد صراخة عندما نكون خارج البيت

وقد تحدثت معة ووعدنى ان لايفعلها مرة اخرى ولكن ماحدث

اليوم كان ابشع من كل مرة

اعذرونى على الاطالة