مخلل,,طرشي,, الملفوف (صور)
السلام عليكم كيفكم
عندي ملفوف كثير وافتكرت انه امي الله يرحمها كانت تسويلنا طرشي فحبيت اسويها واوريكم كمان
قطعي الملفوف الكامل مربعات
وحوالي اربعه او خمس حبات جزر قطعيه دوائر
سخني حوالي لتر مويه ولمن غليت المويه ارمي عليه الملفوف وثلاث دقايق لا اكثر بس ثلاث دقايق صفيه من المويه والجزر كمان نفس الطريقه وخلي المويه تبرد قليل والملفوف حطي عليه حوالي 6ملاعق ملح اوحسب التذوق نصف قارورة خل ابيض وملعقة خردل حبات وملعقتين كركم واذا تبغي اصفر بزياده زيدي عليه ملعقة صفار الزعفران وقطعي حوالي 6فصوص ثوم واخلطيهم مزبوط مع بعض ولمن يبرد المويه صبيه على الملفوف واخلطيهم مع بعض وبعدين حطيه في قوارير وحطي عليه من المويه مليان الين ما يتغطي الملفوف غطي غطاية القاروره بإحكام وخليه في المطبخ لمدة ثلاث اوأربعه أيام وبعدين كلي بالهنا والعافيه واحلى طرشي نظيف
ملاحظه
تقدري تحطي معاهم قرنبيط او زهره ولفت ابيض اللي تبغيه بس لا تحطي في النار اكثر من ثلاث دقايق والمويه لا تصبيه ساخن خليه يبرد عادي
تابعي الصور
التعديل الأخير تم بواسطة indienne ; 12-05-2008 الساعة 12:11 AM
السبب: روابط خارجية للصور
11-05-2008, 11:52 PM
ضوابط المشاركة
العرض الشجري