السلام عليكم ورحمة الله وبركاته

انا مخطوبه من فتره بسيطه حوالي 5 شهور و ما صارلي كم اسبوع من ملكت .. الحمدالله ما اعتبر انه عندي مشاكل او اشياء صعبه مع خطيبي ( الحمدالله )

بس اللي اعانيه انه احس مافي مواضيع معينه اقدر افتحها معاه ! .. يعني صحيح اتكلم معاه بمواصيع عامه .. بس احس مافي مواضيع تشده او تلفت نظره .. ! .. يعني دايما ً احس اني لما اتكلم معاه ما اطول بالسالفه حتى 5 دقايق !

سؤالي

ايس ممكن المواضيع والاحاديث اللي افتحها معاه !؟ .. لأني صراحه مااااااا اعرف الرجال كيف يفكرون او كيف يفهمون السوالف .. وهالشي .. مخليني شوي حذره في كلامي معاه او ردود افعالي معاه !

ثاني شي

احس اني بزياده حساسه لأي شي يقوله ؟ وازعل بسرعه من اي كلام يقوله لي .. وافكر بشي سلبي .. وانه اكيد يقصد كذا و قصده الشي الفلاني ؟ .. وانه ماقال هالسالفه الا للأنه يبي يبين لي شي معين .. ! .. وهالشي .. مخليني .. اتحامل عليه احياناً .. فكيف اتخلص من هالشعور ؟؟

والشي الثالث اني احس ما اقدر اقوله اي كلام حب او اني ارد عليه .. يعني بالمسجات اهون شوي .. بس بالحديث العادي ما اقدر اقول ولا شي .. وهو احس شوي مضايقه هالشي .. فايش الحل ؟؟

وبعد ابي اعرف ايس الأِشياء الي تضايق الرجال كثيررررر من خطيبته ؟؟ وتخليه يبعد عنها او يقل حبه لها .. عشان اي وحده مخطوبه تتجنبها ؟؟ .. وفي نفس الوقت .. ايش الاشياء اللي تحبب الخطيب لخطيبته ؟؟
طبعاً انا اتكلم عن اللي تمت الملكه او العقد بينهم