منتدى عالم الأسرة والمجتمع - عرض مشاركة واحدة - مشاكل المتزوجين والسعادة الضائعة !!

15-02-2015, 07:35 AM

#18

عذوبة المطر

عضو مثالي

تاريخ التسجيل: Aug 2013

المشاركات: 378

رد : مشاكل المتزوجين والسعادة الضائعة !!

اقتباس:

المشاركة الأصلية كتبت بواسطة فاكهة الشتاء

أقحوان
طيب مادام هالناس في عالمك الحقيقي مش الافتراضي
ليش معذبة نفسك تناقشيهم؟
أنت ما شاء الله واعية وسكتيهم بحجة قوية

أن مادامكم متنكدين ليش ما تطلقتوا
هنا تكشفيهم ع حقيقتهم هالمبالغين
ومادام أنت مدركة أنهم مبالغين فخلاص لا تتعبين نفسك معاهم
في ناس كذا تحب تبالغ في كل شي
وأنت في زمن انفتاح في نقل المعلومات
لازم يكون عندك وعي فكري وحصانة نفسية أن مو كل كلمة يكون لها مكان في داخلك
أنا أسمع كثير كلام وما ناقش الكل

قبل شوي تقولي أمي
سمعتج وأنت تكلمين أم زوجك
تختصرين وما تناقشينهم وتسايرينهم (بأدب لانها عارفة أني ماقلل احترامهم)
قلت لها لأنهم ناس صعب تناقشهم
وبس انتهى
ليش أجيب لنفسي ولزوجي ولعيالي وجع الراس على نقاشات تافهة
بالتالي كل واحد بيروح بيته وبيمارس حياته مثل ما يحب !

أنا أحب أريح راسي

وأحب أقول كلام يثمر لأني عندي احساس أن كلامي له قيمة ههههههههه
يعني لو أقوله وما يؤخذ بعين الاعتبار هالشي يضايقني
ماحب أستنزف مشاعري وأعصابي في نقاشات لا طائل منها

خلك أوعى يابنت
ولا ادمرين قناعاتك علشان ناس متشائمة
أفكارك وقناعاتك أغلى من أنك تعرضينها لمثل هذه المحكات

موفقة يا قمر

برافو .. برافوا

عقلك يوزن بلد فاكهة ... ماشاء الله

اقحوان .. بالفعل مجتمعنا ( الغالب متناقض جداً )
الحكي بجهه .. والواقع بجهه ثانية
ولو اطلعتي على حياتها لقيتيها سعيدة بنسبة 70٪ او أكثر ..
وفي المقابل اللي تضخم ( او تكذب بمعنى اصح ) عشان تزبرق حياتها الزوجية
تلاقينها تعيسة بنسبة 70٪ ...!
مو لأن حياتها سيئة لا ! .. لأن سقف توقعاتها عالي ، وتنتظر اكثر من الازم من زوجها
أو ماتنظر لواقعها بعقلانية ومنطقية ...
فتكون ساخطة عشان كذا تبالغ وتكذب بوجود اشياء في حياتها ( يستحيل ان توجد )
إلا إن شاء الله بسبب شخصية الزوج أو الظروف أو المادة أو أو أو ....

بس الغريب ، البرامج فاضحتهم

في المقابل جميل يكون الواحد منفتح .. خلاص المفروض الوزوزة تندثر
مافي مانع من الخصوصية بس بحدود ..
متى يجي الوقت اللي نتكلم فية بحرية .. ويكون كلامنا عن واقع
سواء بالإيجاب أو السلب ( بس مو معناتة المناحة والتشكي ) لا !
نكون عادلين بكلامنا سواء للأزواج أو لأنفسنا ..
مع العلم إني من محبين الكلام في الزين ، والسيء ( شيء بيني وبين زوجي )
الناس مالهم خص ولا راح يستفيدون ولا أنا رح استفيد ..
بالعكس غيبة في الرجل .. وذكر مساوؤة أمام الناس .. وتكفير للعشير ....
يعني مافي طائل من هالكلام ولا مردود صحي ابداً ...

موضوع جميل كالعادة .. خليتينا نفضفض شوي ونطلع اللي في القلب

محبتي

__________________
سبحان الله وبحمدة .. عدد خلقة .. ورضا نفسة .. وزنة عرشة ..ومداد كلماتة

التعديل الأخير تم بواسطة عذوبة المطر ; 15-02-2015 الساعة 07:36 AM