السلام عليكم ورحمة الله وبركاته



اول مشاركة في المنتدى المتميز بأعضاءه
محدثتكم من عشاق السينابون لكن ما قد فكرت اسويه بالبيت لانه يختلف عن الجاهز كثير ، هـالطريقة اخذتها من وحدة الله يسعدها و يجزيها كل خير ظبطت من أول مرة الحمدلله واعتمدتها الي يذوقها ياخذ طريقتها لذيذة جداً و تذووب بالفم احس ما تفرق كثير عن محل سينابون .. حبيت تشاركوني فيها تستحق التجربة بإذن الله


العجينة :
- كاس ماء دافئ
- فنجال حليب بودرة
- ملعقه صغيرة ملح
- ملعقه سكر
- اقل من نصف كاس زيت
- ملعقة كبيرة خميرة فورية
يخلط بالخلاط جميعاً ، ثم يوضع عليه دقيق كأسين ونص
استخدمت الاكواب المعيارية للقياس .

غطيها وابدئي بتجهيز الحشوه :
- اصبع زبده بدرجة حرارة الجو بدون تسخين
- نص كاس سكر بني مطحون ناعم
- اقل من ربع كاس قرفة

يخلط جميعاً حتى يكون مثل الكريم للدهن ...

بعدها على طول ابدئي بالعجينة افرديها ممكن تقسمينها نصين
وادهنيها حشوه انا احب اضيف لها جوز مكسر يعطيها طعم خيال
ولفيها و قطعيها بالخيط ورتبيها بصينية الفرن مدهونة بالزيت .
ما تطول في الفرن و بعد ما تخرج من الفرن اكتميه عشان يبقى طري ...

بعده جهزي الصوص الأبيض بالخلاط :
- نص علبة نستلة
- أربع حبات جبن مثلث أو كيري
- ضرف دريم ويب
- ربع علبة قشطة

ممكن تسوين الصوص الأبيض و الصوص البني
قبل بيوم لتوفير الوقت والجهد وتحفظ بالثلاجة
بس العجينة بنفس اليوم افضل .
حطي الخلطة على السينبون و دخليها الفرن من فوق دقائق لتتماسك

بعدها حطي الصوص البني الأخير :
- ملعقة زبده
- جوز (عين الجمل )
- ربع كاس سكر بني
- ثلاث ملاعق قشطة
توضع على النار قليلا حتى تتجانس ثم نضعها فوق الصوص الأبيض
تغطى و تترك تبرد ..








تسعدني تطبيقاتكم و آرائكم (:

وبالهـنـاء والعـافـيـة على قلوبكم