والله يا أخي صار لنا مطلقين إسبوعين وما زالت قاعدة عندي بالبيت، والمشكلة أنها كل يوم تطلع من البيت وما أعرف وين تروح، حتى بأيام العطل بتطلع وما بترجع إلا المغرب. ولما أروح على البيت كل يوم بعد العصر أسأل البنات وإين إمكم يا بنات، يردون ماما راحت إدور على شغل أو يقولون ما بنعرف.
الصحيح إني محتار هل أتصل على أهلها وأقولهم تعالوا خذو بنتكم ولا شو أعمل. (أهلي كل يوم بيسألوني وين زوجتك بتطلع من الصبح للمغرب وليش لبسها تغيير)
وأنا ما بدي أحكي معها ولا بدي لساني يخاطب لسانها وما مصدق إن أيام العدة تخلص ولولا نصيحة القاضي بعدم تطليقها 3 إلا طلقتا. (إذا قلت لها ما تطلعي من البيت إلا بإذني ما رح ترد وبدنا ندخل في مشاكل ومجاكرة ...).
وأنا كمان صرت أطلع من البيت وما أرجع إلا الساعة 12 بالليل لحد الموضوع ما يخلص وما أكلت في البيت من إسبوعين وما لي نفس في البيت كله.
وهي سبحان الله بتلبس في البيت لبس ومكياج وتسريحة شعر وكأنها عروس ليلة دخلتها، من يوم ما إطلقنا لليوم وهي نفس الحلاوة (ههههه). فشو العمل؟؟

والله المستعان.