رد: سبب كره الرجال للطبطبه
والله يا خالة تعالي شوفي أبوي لما يلاقيني زعلانة أو تعبانة كيف يراضيني ويطبطب علي ..
لما اكون حامل وأركض على سلة المهملات استفرغ ، ماكان أحد يجيني ويحس فيني وفي تعبي غير أبوي .. يوقف وراي ويمسك جبهتي ويمسح على راسي لحد ما أنتهي ويجيب لي منديل وماي .. ويبقى متضايق ومتألم لحالي ويبين على ملامحه إنه شايل همي وحاس بتعبي ..
لما أكون عند أهلي وفيه مشكلة مع زوجي ، يحس إني بالليل وقت النوم أبكي ، يدخل بالليل ويمسح على راسي ويواسيني ويقول لي كلام يطيب خاطري ودعوات من قلبه ..