منتدى عالم الأسرة والمجتمع - عرض مشاركة واحدة - اساء لي زوجي ولم يرضيني كما يجب ..

11-02-2012, 03:40 PM

#17

خاله بيتا

عضو المنتدى الفخري

تاريخ التسجيل: Jun 2010

المشاركات: 9,516

يا أم محمد .. زوجك غلط .. أخذته الحمية لما شافك انقهرتي من كلمته وحس أنه لقى شيء يقهرك فيه .. ولما انقهرتي اكثر انبسط على حاله وصار يكررها بدون ما يقصد معناها .. بس مبسوط أنه حصل كلمة تأثر فيك بالحيل .

وانتِ ما شاء الله عنك تصرفتي صح وما سكتي له ولا عديتيها لأنه كل شيء الا الشرف ما ينسكت عنه ..

وظل مو شاعر بقيمة كلمته ولا بكبرها إلا لما واجهتيه قدام أهلك .. وقتها خجل من نفسه وعرف معنى كلامه وعرف حجم كلمته ..

يعني حبيبتي إحنا وصلنا لهدفنا .. مو هدفنا أخذ بثار إنما وضع النقاط على الحروف ورسم الحدود الحمرا ... والان هو عرف الخط الأحمر وشافه كبير وواضح ... والدليل انه قاعد يحاول يعتذر بطريقة الرجال المعروفة

من رأيي أنه وبما انها اول مرة أنك تعديها هالمرة .. وإذا لا سمح الله عادها وقتها تتصرفي وتطلبي رضوه ...

لو طلبتي من الان رضوه واتخذتي أقصى الإجراءات

شنو خليتي لبعدين ؟ بتنطي على الطلاق على طول لا سمح الله ولا يقدر .

ما عليه .. عديها هالمرة لأنه كان جاهل والجاهل ما يتحاسب

الله يبعد عنكم الشيطان ووسوسته

__________________