عندي معلوماااااااااااااااات كثير عن المالديف اوووووووه محد يعرف عنها قدي ..

المالديف لها ميزات ولها سيئات... من سيئاتها انها عباره عن جزر يعني كل فندق له جزيره لحالها والجزيره هذي تكون صغيره جدا يادوب على قد مساحة الفندق وعلشان تنتقلي من جزيرتك لجزيره ثانيه لازم تركبي طائره او بوت (مركب) وكمان لما توصلي للعاصمه (مالي) لازم تاخذي طائره ثانيه او مركب للفندق اللي انتي نازله فيه.. وفيه بعض الفنادق ما توصليها الا بالطائره ومدة الرحله من العاصمه الى الفندق على حسب الفندق اللي انتي مختاراه ممكن ياخذك ربع ساعه وممكن ساعه ونص..
هذا غير انه مافي حياة ليل اقصد انه بغروب الشمس كل شي ينتهي يا دوب تتعشى وتنامي مافيها اماكن بالليل ممكن تتمشى فيهازي مثلا اسواقهم الشعبيه او كافيهات او غيره لانه زي ما قلتلك تكوني محبوسه بالفندق بس,,

نجي لحسناتها الطبيعه البحر روعه والجو كويس محتمل مو مره حر وفيها نشاطات بحريه حلوه زي الصيد والغوص والسباحه والجت سكي وغيره..

انصحك تروحي فندق اسمه sun island
يعتبر اكبر جزيره موجوده في المالديف وهو 5 نجوم وفيها غرف او شاليهات داخل المويه يسموها bungellow
و فيها مطاعم خاصه بالفندق هندي وايطالي وغيره وكمان فيها العاب الكترونيه للترفيه ..

ممكن اعطيكي رابط لكل الفنادق الموجوده في المالديف بشرح مفصل للاسعار مع الصور بس مادري اذا الاداره تسمح احط رابط خارجي..


بالنسبه لفندق كرومبا krumba اللي قالت عنه اميرة الاندلس صديقتي راحتها مدحتها بس قالت نفس كلامي انه مع غروب الشمس ينتهي كل شي هذا غير انها صغيره جدا..


اما اذا كنتي تبغى خصوصية فيه فندق اسمه nika island هذا يعيطيك شاليه مع شاطئ صغير خاص بيك مايشوفوك جيرانك ولا انتي تشوفيهم .. انا كنت حروح لهذا بس بعدين هونت لانه ماعرف احد راحله فخفت عموما عندي كمان رابط هذا ا الفندق اذا حبيتي اعطيك اياه.. اتمنى اكون قدرت اساعد وانا جاهزه لاي معلومه تحتاجوها..